Guðmundur Ingi: Hagsmunir stangast á

Umhverfis- og auðlindaráðherra telur að fara verði varlega í fiskeldi og að greinin þurfi að þróast á næstu 10 til 15 árum í þá átt að ekki verði um neina erfðablöndum að ræða. Þarna rekist ákveðnir hagsmunir á.

Guðmundur Ingi Guðbrandsson, umhverfis- og auðlindaráðherra.
Guðmundur Ingi Guðbrandsson, umhverfis- og auðlindaráðherra.
Auglýsing

Guð­mundur Ingi Guð­brands­son, umhverf­is- og auð­linda­ráð­herra, telur að hags­munir fisk­eld­is­fyr­ir­tækja – sem og hags­munir land­eig­enda – stang­ist á við nátt­úru­vernd. Hann spyr jafn­framt hvernig Íslend­ingar ætli að láta þetta hvort tveggja ganga upp en hann segir þetta vera mikið hags­muna­mál – og gríð­ar­legt nátt­úru­vernd­ar­mál. Þetta kom fram í máli ráð­herr­ans í við­tali við Kjarn­ann um páska­helg­ina.

Að hans mati er jafn­framt mik­il­vægt að fara var­lega í þessum efn­um. „Ég sé þetta þannig fyrir mér að fisk­eldið þurfi að þró­ast á næstu 10 til 15 árum í þá átt að ekki verði um neina erfða­blöndum að ræða. Það kallar á breyttar aðferðir við lax­eld­ið,“ segir hann.

„Og ég myndi vilja sjá þetta þannig að atvinnu­veg­inum væri gef­inn ákveð­inn tímara­mmi til að aðlaga sig að þessum breyt­ing­um. Og á sama tíma væru hvatar fyrir fyr­ir­tækin að þró­ast í þessa átt. Þetta er stóra myndin í þessu,“ segir Guð­mundur Ingi.

Auglýsing

Fisk­eld­is­lög­gjöfin er ekki á borði ráð­herr­ans en að hans mati þarf að nálg­ast þau mál með þessum hætti. „Mér finnst það líka sam­ræm­ast við stjórn­ar­sátt­mál­ann sem kveður á um að þróa eigi fisk­eldi með til­liti til sem minnstrar áhættu fyrir líf­fræði­legan fjöl­breyti­leika villtra stofna.“

Fisk­eldið ógn við laxa­stofna

Guð­mundur Ingi segir enn fremur að villtir laxa­stofnar séu gríð­ar­lega verð­mæt auð­lind hér á landi. „Reyndar eru ferskvatns­fiskar á Íslandi mjög merki­leg auð­lind vegna þess að mjög fáar teg­undir eru hér en aftur á móti eru búsvæðin fjöl­breytt. Sem þýðir það að sumar af þessum teg­undum hafa þró­ast með ótrú­legum hætti á ein­ungis þessum 10.000 árum frá því að ísöld lauk og þær námu hér land,“ segir hann en sem dæmi um þetta nefnir hann fisk í Þing­valla­vatni þar sem fjögur afbrigði eru til af bleikju vegna þess að fisk­ur­inn hefur þró­ast genat­ískt að mis­mun­andi aðstæð­um, fæðu og búsvæð­um.

„Lax­inn okkar er líka merki­legur en mis­mun­andi stofnar eru eftir land­svæð­um. Þannig að erfða- og líf­fræði­lega er lax­inn okkar mik­il­væg­ur, bæði út frá nátt­úr­unni og nátt­úru­vernd. Og laxa­stofnum – eða Atl­ants­haf­s­lax­inum – þess­ari teg­und sem finnst hér, hefur víða hnign­að. Bæði í Evr­ópu og á aust­ur­strönd Amer­íku. Ekki alls stað­ar, en víða. Á Íslandi hefur tek­ist ágæt­lega að varð­veita og við­halda þeim vegna þess að við erum með ágæt­is­kerfi til þess. En þá kemur inn þessi ógn sem fisk­eldið er,“ segir hann.

Fyrir einu ári síðan: „Við eigum Ísland, það eina sem við eigum eftir að gera er að taka það“
Lífeyrissjóðir landsins eiga stóran hluta af íslensku atvinnulífi. Hávær krafa hefur lengi verið um að þeir verði virkari eigendur og nýti sér þau völd sem í því felast til að beita sér fyrir lífsgæðum sjóðsfélaga í nútíð ekki síður en í framtíð.
Kjarninn 21. september 2019
Bólusótt í hættu
Er réttlætanlegt að geyma veirur eins og bólusótt, sem geta valdið jafnmiklum mannskaða og raun ber vitni?
Kjarninn 21. september 2019
Tæknivarpið
Tæknivarpið
Tæknivarpið – Uppfærðar græjur, Sambandið og Apple Arcade
Kjarninn 21. september 2019
Birgir Birgisson
Reið hjól
Kjarninn 21. september 2019
Þjálfa þarf peningahund til að berjast gegn peningaþvætti
Embætti tollstjóra skortir bæði þekkingu og úrræði til að geta almennilega haft eftirlit með smygli á reiðufé til Íslands. Á meðal þeirra úrræða sem lagt er til að ráðist verði í er að þjálfa peningahund.
Kjarninn 21. september 2019
Klikkið
Klikkið
Klikkið - Að iðka mannréttindi
Kjarninn 21. september 2019
Athuga hvar eftirlitsaðilar gera ónauðsynlegar kröfur til matvæla
Umhverfisráðherra hefur hrundið af stað aðgerðum til að vinna gegn matarsóun á Íslandi. Meðal annars verður gerð athugun á því hvar eftirlitsaðilar gera mögulega ónauðsynlegur kröfur til matvælaöryggis sem ýtt gætu undir matarsóun.
Kjarninn 21. september 2019
Brim-flétta KS fagnaðarefni fyrir Skagfirðinga
Eftir að hafa keypt hlutabréf í Brimi, og selt nokkrum vikum síðar, hefur Kaupfélag Skagfirðinga styrkt stöðu sína.
Kjarninn 21. september 2019
Meira úr sama flokkiInnlent