„Rann­sókn okkar á afgreiðslu­tímunum laut að því að WOW air fékk ekki jafn góða afgreiðslu­tíma og Icelandair og fyr­ir­komu­lag­inu sem er á Kefla­vík­ur­flug­velli í úthlut­un­inni sem byggir svo­lítið á hefð­ar­regl­um. Ef þú átt ein­hvers slott þá getur þú haldið þeim.“

Þetta sagði Páll Gunnar Páls­son, for­stjóri Sam­keppn­is­eft­ir­lits­ins, um rann­sókn sem eft­ir­litið fram­kvæmdi á stöðu mála í flug­geir­anum á sínum tíma í við­tali við Þórð Snæ Júl­í­us­son, rit­stjóra Kjarn­ans, í sjón­varps­þætt­inum 21 á Hring­braut í vik­unni.

Hægt er að sjá stiklu úr þætt­inum hér að neð­an.

Sam­keppn­is­eft­ir­litið skil­aði 197 blað­síðna áliti til Sam­göngu­stofu vegna fyr­ir­komu­lags við úthlutun afgreiðslu­tíma til flug­fé­laga á Kefla­vík­ur­flug­velli í októ­ber 2015.

Páll segir að nið­ur­staða eft­ir­lits­ins í því máli hafi verið að „beina ákveðnum til­mælum til stjórn­valda til þess að tryggja að það ættu fleiri séns en stóri aðil­inn Icelandair sem situr fyr­ir, þegar úthlutað er nýjum afgreiðslu­tím­um.“

Til dæmis hafi ýmis­legt í starf­semi Kefla­vík­ur­flug­vallar verið skoð­að, meðal ann­ars flug­afgreiðsla og bíla­stæðin í kringum flug­völl­inn. „Sumt af því er í gangi enn þá.“