Flug­fé­lag­ið WOW air skuld­að­i Isa­vi­a ­rúman millj­arð króna í lok júlí á síð­asta ári og hafði skuldin þá tvö­fald­ast á einum mán­uði. Í fund­ar­gerðum stjórnar Isa­via kemur fram að WOW fékk að safn­a upp skuldum vegna vissu Isa­via um að fé­lagið hefði ör­ugg­an halds­­rétt í ein­hverri af þeim vél­um sem WOW hafði á leigu. Frá þessu er greint í Við­skipta­blað­inu í dag. 

Skuld WOW tvö­fald­að­ist á einum mán­uði

Í fund­ar­gerðum stjórn­ar Isa­via, sem Við­skipta­blaðið hefur undir hönd­un­um, má finna greiðslu­á­ætlun vegna van­skila WOW ­sem lá fyrir í lok sept­em­ber á síð­asta ári. Í áætl­un­inni kemur fram að skuld­ir flug­fé­lags­ins ­námu 509 millj­ónum króna í júní árið 2018 og höfðu tvö­fald­ast mán­uði síð­ar­ „Af því má ráð að staða WOW hafi verið orðin nokkuð þung áður en skulda­bréfa­út­boð félags­ins hóf­st,“ segir í umfjöllun Við­skipta­blaðs­ins. Skulda­bréfa­út­boð­i WOW a­ir lauk þann 18. sept­em­ber á síð­asta ári og safn­að­i flug­fé­lag­ið 60 millj­ónum evra í útboð­in­u. 

Í fund­ar­gerðum stjórn­ar Isa­vi­a kemur jafn­framt fram að mán­uði áður en greint er frá­ skulda­bréfa­út­boð­i WOW a­ir var tveggja millj­arða króna heim­ild fyrir „rekst­ar­lána­lína og/ eða yfir­drátt­ar­lán“  ­sam­þykkt á stjórn­ar­fund­i Isa­vi­a. Ekki er til­­­greint um til­­efni lána­lín­unn­­ar.

Töldu ákvæð­i ­loft­ferða­laga ­tryggja skuld WOW

Greiðslu­á­ætl­unin kvað á um að fyrsta greiðslan yrði fram­kvæmd þann 1. nóv­em­ber 2018 og sú síð­asta ári síð­ar. Fyrstu sjö mán­uð­ina skyld­i WOW greiða 30 millj­ónir mán­að­ar­lega, auk vaxta, en frá og með júní 2019 myndi mán­að­ar­greiðslan nema 145 millj­ón­um. Árs­vextir félags­ins voru 9 pró­sent. Jafn­framt er kveðið á um í áætl­un­inni að ávallt sé hið minnsta ein flug­vél Wow a­ir ­stað­sett á Kefla­vík­ur­flug­velli eða á leið til vall­ar­ins og komin með stað­festan komu­tíma. 

Í fund­ar­gerð­unum kemur jafn­framt fram að stjórn­ Isa­vi­a hafi talið að ákvæði loft­ferða­laga tryggja skuld Wow við félagið meðal ann­ars á grund­velli hér­aðs­dóms frá 2014. „Ljóst er að Isa­vi­a hefur ríka heim­ild til að stöðva loft­far og með því tryggja greiðslu gjalda sem fallið hafa til hjá flug­rek­and­an­um. Þá getur félagið bundið frestun ýmsum frek­ari skil­yrðum sem auð­veldar félag­inu beit­ingu slíkra stöðv­un­ar­heim­ilda,“ segir í fund­ar­gerð­inni sem Við­skipta­blaðið hefur undir hönd­un­um. 

Telur mögu­legt að heim­færa fyr­ir­greiðslu stjórn­enda Isa­vi­a til WOW undir umboðs­svik

A­ir ­Le­a­se Cor­poration hef­ur lagt fram aðfar­­ar­beiðni gegn Isa­vi­a og krefst þess að flug­vél í eig­u ALC ­sem WOW hafði á leig­u verði af­hent taf­­ar­­laust. Málið verður flutt munn­­lega fyr­ir Hér­aðs­dómi Reykja­­ness í dag og mun úr­sk­­urður dóm­stóls­ins vænt­an­­lega liggja fyr­ir síð­deg­­is.

Í umfjöllun Við­skipta­blaðs­ins er haft eftir Oddi Ást­ráðs­syni, lög­manni leigusala WOW, að hann telji mögu­legt að heim­færa fyr­ir­greiðslu stjórn­enda Isa­vi­a til WOW undir umboðs­svik. Isa­vi­a hafi farið langt út fyrir umboð sitt með end­ur­greiðslu­sam­komu­lagi sínu við WOW.