Sól­veig Anna Jóns­dótt­ir, for­maður Efl­ing­ar, telur nið­ur­stöðu siða­nefndar Alþingis vera aumk­un­ar­verða og til marks um sið­leysi þeirra sem að henni kom­ast. Frá þessu greinir hún á Face­book-­síðu sinni í dag. 

­Til­efni skrifa for­manns­ins er að siða­­nefnd Alþingis hefur kom­ist að þeirri nið­ur­stöðu að ummæli Þór­hildar Sunnu Ævars­dótt­ur, þing­flokks­for­manns Pírata, sem hún lét falla þann 25. febr­­­úar 2018 um akst­­ur­s­greiðslur þings­ins til Ásmundar Frið­­riks­­son­­ar, þing­­manns Sjálf­­stæð­is­­flokks­ins, hafi ekki verið í sam­ræmi við siða­­­reglur fyrir alþing­is­­­menn.

„Þór­hildur Sunna segir sann­leik­ann, það sem öll með heila hugsa, bendir rök­föst á yfir­gengi­lega spill­ingu, ekki til að „bæta ímynd“ (að „bæta ímynd“ er verk­efni þeirra sem vita að inni­haldið er rotið og þess­vegna þarf að gæta þess að yfir­borðið sé slétt og fellt) eða til að slá sig til ridd­ara heldur vegna þess að hún er með sið­ferð­is­kennd og vegna þess að að ef þú sæk­ist eftir áhrifum og ert með sið­ferð­is­kennd þá ber þér ein­fald­lega skylda til að segja sann­leik­ann,“ skrifar Sól­veig Anna.

Sól­veig Anna segir að fyrir þetta skuli Þór­hildi Sunnu nú refs­að, fyrir að geta ekki þagað þegar hún verði vitni að skammar­legu og sið­lausu fram­ferði. „Ref­sigleði valda­stétt­ar­innar gagn­vart þeim sem dirfast að segja satt er aumk­un­ar­verð; þegar ekki er lengur hægt að treysta því að sam­trygg­ingin virki, þegar ekki er lengur hægt að treysta því að fégræðgin ráði för hjá fólki þegar kemur að mögu­leikum á því að kom­ast í pen­inga er náð í sápuna og óþekka konan látin bíta í hana, henni til refs­ingar og öðrum til aðvör­unn­ar.“

Þór­hildur Sunna seg­ist sjálf ekki ætla að sætta sig við nið­ur­stöðu siða­nefnd­ar­innar og telur hún að ef nið­ur­staðan fái að standa séu skila­­boðin til okkar allra þau að það sé verra að benda á vanda­­málin en að vera sá sem skapar þau. „Ég er alger­­lega búin að fá nóg af slíkri með­­­virkn­i,“ segir hún.