For­sæt­is­ráð­herra, dóms­mála­ráð­herra og félags- og barna­mála­ráð­herra kynntu sam­eig­in­lega aðgerðir stjórn­valda gegn man­sali og félags­legu und­ir­boði á rík­is­stjórn­ar­fundi í morg­un. Þetta kemur fram í frétt Stjórn­ar­ráðs­ins í dag.

Aðgerð­irnar lúta meðal ann­ars að því að efla lagaum­gjörð­ina og eft­ir­lits­heim­ildir og að tryggja við­eig­andi aðstoð og vernd fyrir fórn­ar­lömb vinnumansals og nauð­ung­ar­vinnu.

Í frétt Stjórn­ar­ráðs­ins segir að man­sal heyri að mestu leyti undir dóms­mála­ráðu­neyt­ið, ef frá sé talin félags­þjón­usta við þolendur og meinta þolendur mansals, en verk­efni sem lúta að félags­legum und­ir­boðum og brotum á vinnu­mark­aði heyri undir félags­mála­ráðu­neyt­ið. For­sæt­is­ráðu­neytið komi að þess­ari vinnu í krafti for­ystu- og sam­hæf­ing­ar­hlut­verks síns og í sam­hengi við aðgerðir stjórn­valda til stuðn­ings lífs­kjara­samn­ing­um, en í yfir­lýs­ingu þess efnis hafi skýrt verið kveðið á um aðgerðir gegn mansali, félags­legum und­ir­boðum og brota­starf­semi á vinnu­mark­aði.

Óska eftir ráð­gjöf

Meðal þess sem for­sæt­is­ráðu­neytið hefur haft for­göngu um er að óska eftir ráð­gjöf frá Örygg­is- og sam­vinnu­stofnun Evr­ópu (ÖSE). Stofn­unin hefur víð­tæka reynslu af stefnu­mótun gegn man­sali og alþjóð­lega sér­þekk­ingu á brota­flokknum sem mun nýt­ast stjórn­völdum þar sem man­sal er alþjóð­legur vandi og oft tengt fjöl­þjóð­leg­um, skipu­lögðum glæpa­sam­tök­um.

Á vett­vangi dóms­mála­ráðu­neyt­is­ins er nú unnið að eft­ir­fylgni með áherslu­skjali stjórn­valda um aðgerðir gegn man­sali og ann­ars konar hag­nýt­ingu. Í tengslum við þá vinnu mun dóms­mála­ráð­herra skipa sam­ráðs­hóp sem verður í senn ætl­aður til eft­ir­fylgni með aðgerðum stjórn­valda gegn man­sali og til frek­ari stefnu­mót­unar eftir því sem þörf kref­ur. Auk við­eig­andi ráðu­neyta og ábyrgð­ar­að­ila ein­stakra aðgerða verður óskað eftir til­nefn­ingum frá aðilum sem hafa inn­sýn, þekk­ingu og reynslu á þessu sviði.

Jón Sig­urðs­son með yfir­um­sjón með aðgerðum

Sam­starfs­hópur félags- og barna­mála­ráð­herra um aðgerðir gegn félags­legum und­ir­boðum og brota­starf­semi á vinnu­mark­aði skil­aði skýrslu í jan­úar síð­ast­liðnum þar sem til­greind voru tíu lyk­il­verk­efni sem þyrfti að ráð­ast í. Félags- og barna­mála­ráð­herra hefur falið Jóni Sig­urðs­syni, fyrr­ver­andi ráð­herra sem leiddi vinnu sam­starfs­hóps­ins, að hafa yfir­um­sjón með því að fram­fylgja aðgerð­un­um, sem og þeim aðgerðum sem snerta félags­leg und­ir­boð í stuðn­ingi stjórn­valda við lífs­kjara­samn­inga.