Fram­kvæmda­stjórn Evr­ópu­ráðs­þings­ins hafn­aði á fundi sínum í París í dag að nýr stjórn­mála­hópur væri við­ur­kennd­ur. Rósa Björk Brynj­ólfs­dótt­ir, þing­maður Vinstri grænna, og Þór­hildur Sunna Ævars­dótt­ir, þing­flokks­for­maður Pírata, leiddu and­stöð­una við að við­ur­kenna stjórn­mála­hóp­inn og segj­ast afar ánægðar með nið­ur­stöð­una. Þetta kemur fram í sam­eig­in­legri yfir­lýs­ingu frá Rósu Björk og Þór­hildi Sunn­u. 

Í yfir­lýs­ing­unni segir að umsókn stjórn­mála­hóps­ins hafi verið afar umdeild enda komi með­limir hennar úr stjórn­mála­flokkum sem séu öfga-hægri flokk­ar, þjóð­ern­is­sinnar og gefi sig út fyrir að vera á móti inn­flytj­endum og hæl­is­leit­end­um.

Rósa Björk segir að þetta sýni að hægt sé að sporna við hat­urs­orð­ræðu og kyn­þátta­hatri í stjórn­málum ef vilji sé fyrir hendi. Þetta sé frá­bær nið­ur­staða á tímum þegar vegið sé stöðugt að mann­rétt­ind­um.

Þrot­laus vinna að standa vörð um gildi Evr­ópu­ráðs­ins

Þór­hildur Sunna bætir því við að hún og Rósa hafi lagt þrot­lausa vinnu í það að standa vörð um gildi Evr­ópu­ráðs­ins í þessu máli og að sú vinna hafi nú skilað þessum mik­il­væga árangri í bar­átt­unni við hat­urs­orð­ræðu. „Þetta eru þing­menn öfga-hægri flokka, eins og Alt­ernativ für Deutschland og Lega Nord sem bera enga virð­ingu fyrir gildum Evr­ópu­ráðs­ins. Við gátum ekki sam­þykkt við­ur­kenn­ingu þeirra og nú er ljóst að fram­kvæmda­stjórnin gerir það ekki held­ur. Því ber að fagna,“ segir hún.

Nið­ur­staðan ekki auð­veld

Rósa Björk skrifar á Face­book-­síðu sína í dag að þau í fram­kvæmda­stjórn Evr­ópu­ráðs­þings­ins hefðu hafnað því að ný póli­tísk grúbba væri stofn­uð. „Grúbban sam­anstendur af stjórn­mála­mönnum úr öfga-hægri flokk­um, þjóð­ern­issinn­uð­um, ant­i-inn­flytj­enda mönn­um.“ Hún segir enn fremur að þessi nið­ur­staða hafi ekki verið auð­veld og hafi þurft marga fundi til að kom­ast að nið­ur­stöðu.

Hún seg­ist vera mjög stolt af Þór­hildi Sunnu og sér og hvernig þær tvær hafi minnt marga á grunn­gildi Evr­ópu­ráðs­þings­ins.