Rík­is­sjóður hefur keypt hús­eign­ina Jón­stótt ásamt lóð en rík­is­eignir taka við umráðum eign­ar­innar með sam­bæri­legu fyr­ir­komu­lagi og er gagn­vart Gljúfra­steini en Jón­stótt er við hlið­ina á Gljúfra­steini.

Þetta kemur fram í svari Lilju Alfreðs­dótt­ur, mennta- og menn­ing­ar­mála­ráð­herra, við fyr­ir­spurn Bryn­dísar Har­alds­dóttur um Lax­ness­set­ur.

Áætl­aður kostn­aður rík­is­ins vegna kaupa og lág­marks­end­ur­gerðar á fast­eign­inni Jón­stótt liggur á bil­inu 120 til 145 millj­ónir króna. Komið er að miklu við­haldi á eign­inni og verður ákvörðun um fram­kvæmdir tekin svo fljótt sem verða má, segir í svar­in­u. 

Alþingi sam­þykkti í júní árið 2016 að fela mennta­mála­ráð­herra að hefja upp­bygg­ingu Lax­ness­set­urs á Gljúfra­steini í sam­vinnu við Mos­fellsbæ og stjórn Gljúfra­steins. Sam­kvæmt þings­á­lykt­un­ar­til­lögu sem sam­þykkt var verður leið­ar­ljós set­urs­ins að halda á lofti minn­ingu Hall­dórs Lax­ness, veita fræðsu um verk hans og leggja áherslu á að Mos­fells­sveit og -bær var hans heima­byggð. Þá verði setrið einnig með aðstöðu til rann­sókna og fræði­starfa.

Starfs­hópur skip­aður

Í svari ráð­herra kemur jafn­framt fram að kaupin séu mik­il­væg fyrir upp­bygg­ingu Lax­ness­set­urs. Þar sé meðal ann­ars litið til þess að sam­kvæmt deiliskipu­lagi fyrir Þing­valla­veg sé gert ráð fyrir breyt­ingum á legu veg­ar­ins sem myndi gera núver­andi bíla­stæði við Gljúfra­stein ónot­hæft, en bíla­stæði í landi Jón­stóttar lægi mjög vel við safn­inu.

Ákvörðun um með hvaða hætti hús­næðið og land­ar­eignin að Jón­stótt verði nýtt í þágu fram­tíð­ar­upp­bygg­ingar Lax­ness­set­urs verður tekin síð­ar. Í því augna­miði verður skip­aður starfs­hópur með full­trúum ráðu­neyt­is, Mos­fells­bæj­ar, stjórnar Gljúfra­steins og Fram­kvæmda­sýslu rík­is­ins.