Í Sví­þjóð er nú í gangi her­ferð á sam­fé­lags­miðlum undir slag­orð­inu Plane Shame, þar sem fólk er hvatt til þess að hugsa um kolefn­is­spor ferða­laga sinna, meðal ann­ars með því að fljúga minna. 

Greta Thun­berg, ung­lingur sem ýtt hefur af stað heims­átaki ungs fólks sem krefst aðgerða til að sporna gegn hlýnun jarð­ar, hefur lagt áherslu á þetta atriði, og sam­kvæmt skrifum World Economic Forum þá hafa orðið miklar breyt­ingar á skömmum tíma. Flug­um­ferð hefur minnkað um 4,5 pró­sent, á sama tíma og hag­vöxtur hefur verið við­var­and­i. 

Sér­stak­lega hefur notkun í inn­an­lands­flugi farið minnkandi, um allt að 20 pró­sent. 

Lík­legt er að verð á flugi fari hækk­andi á næstu árum, þar sem meng­un­ar­kvót­ar, sem flug­fé­lög þurfa að kaupa, munu hækka í verði, og þá mun breytt ferða­hegðun - meðal ann­ars vegna vit­un­ar­vakn­ingar um mengun frá flugi - geta haft mikil áhrif. 

Stjórn­völd, meðal ann­ars í Sví­þjóð, eru nú að ýta undir að lest­ar­sam­göngur séu frekar not­aða en flug, og er gert ráð fyrir að mikil áhersla verða lögð á það að flýta upp­bygg­ingu vist­vænna lesta, sem meðal ann­ars ganga fyrir raf­magni, á næstu árum.