Til átaka kom á milli lög­reglu og mót­mæl­enda í Hong Kong í dag. Mót­mælin hafa staðið yfir í þó nokkra daga og standa yfir enn. Mót­mælin náðu hámarki sunnu­dag­inn síð­ast­lið­inn þegar hund­ruðir þús­unda íbúa flykkt­ust á götur Hong Kong.

Ástæða mót­mæl­anna er ný laga­setn­ing sem að sögn mót­mæl­enda auð­veldar fram­sal á almennum borg­urum Hong Kong til Kína og auð­veldi þar af leiðir kín­verskum stjórn­völdum að rétta yfir fólki á meg­in­landi Kína í stað fyrir í Hong Kong.

Utan­rík­is­ráð­herra Bret­lands, Jer­emy Hunt, hefur blandað sér í málið og þrýsti á yfir­völd Hong Kong að hlusta á mót­mæl­end­ur.

Allt hófst með einum manni

Málið á upp­haf sitt að rekja til máls í Taiwan árið 2018, þar sem maður að nafni Chan Tong-Kai var sak­aður um að hafa myrt kær­ustu sína, að því er kemur fram í frétt South China Morn­ing Post. Chan flúði til Hong Kong og var hand­tek­inn í kjöl­far­ið. Ekki var þó hægt að senda hann til Taiwan þar sem ekki ríkir samn­ingur á milli ríkj­anna um flutn­ing fanga.

Því brugð­ust yfir­völd Hong Kong við með því að leggja fram laga­setn­ingu sem leyfir stjórn­völdum Hong Kong að flytja fanga til ann­arra ríka, þó að ekki liggi fyrir samn­ingur um flutn­ing fanga.

Mót­mæl­endur ótt­ast að mynd­ist laga­leg glufa þegar fangar séu fluttir til Taiwan, vegna þess að Kína gerir til­kall til eyj­ar­inn­ar. Málið er svo umdeilt að til lík­am­legra átaka kom í lög­gjaf­ar­ráði Hong Kong.

Ekki allir á einu máli um laga­setn­ing­una

Carrie Lam, leið­togi yfir­valda í Hong Kong, sagði að mót­mælin vera skipu­lagðar óeirðir. Enn fremur hafa hátt­settir emb­ætt­is­menn sagt að yfir­völd Hong Kong muni hafa loka­úr­slit um hvort og þá hvenær fangar verði fram­seld­ir. Þá verði ekki hægt að fram­selja póli­tíska fanga.

Regn­hlífa­mót­mælin skýrt í minni

Nú eru liðin 5 ár frá Regn­hlífa­mót­mæl­unum 2014. Þau mót­mæli hófust vegna áhyggja af því að kín­versk stjórn­völd hefðu of mikil áhrif á hver gæti boðið sig fram til kosn­inga í Hong Kong.

Mót­mæl­endur flykkt­ust líkt og nú í þús­undum talið á götur Hong Kong og kröfð­ust sjálf­ræðis og höfn­uðu afskiptum kín­verskra stjórn­valda.

Hægt er að fylgj­ast með fram­gangi mála núver­andi mót­mæla á Twitter undir merk­inu #Extra­dition­Bill