Tveir af hverjum þremur vilja fjölga eft­ir­lit­mynda­vélum um land­ið. Ein­ungis 12 pró­sent aðspurða eru and­víg fjölgun mynda­véla. Þetta kemur fram í nið­ur­stöðum könn­unar sem Zenter ­rann­sóknir fram­kvæmdu fyr­ir Frétta­blaðið dag­ana 25. til 27. jún­í. 

Fjölgun eft­ir­lits­mynda­véla

Í könn­un­inni segj­ast 67,5 ­pró­sent vera hlynnt fjölgun mynda­véla, þar af segj­ast 30 pró­sent mjög hlynnt slíkri fjölg­un, en 36 pró­sent frekar hlynnt. Þá voru 12 pró­sent þeirra sem tóku afstöðu and­víg fjölgun mynda­véla, þar af fimm pró­sent mjög and­víg. 

Lög­reglu­emb­ættin og Neyð­ar­línan hafa átt í sam­starfi við sveit­ar­fé­lög und­an­farið ár um fjölgun eft­ir­lits­mynda­véla. Í maí í fyrra voru 34 virkar ­eft­ir­lits­mynda­vél­ar á vegum lög­regl­unni á höf­uð­borg­ar­svæð­inu.

Krist­inn J. Ólafs­son, verk­efna­stjóri hjá Reykja­vík­ur, segir í sam­tali við Frétta­blaðið að sam­komu­lag­inu um örygg­is­mynda­vélar sé þannig háttað að borgin kaupir vél­arnir og útveg­ar ­ljós­leið­ara­sam­band. Neyð­ar­línan ber síð­an á­byrgð á upp­setn­ingu og við­haldi og lög­reglan ann­ar vökt­un.

Konur lík­legri til að vilja fjölga eft­ir­lits­mynda­vél­um 

Sam­kvæmt nið­ur­stöðum könn­un­ar­innar er lít­ill munur á afstöðu eftir búsetu tekjum og menntun en munur eftir kyni. Alls segj­ast 75 pró­sent kvenna vilja ­fjölga ­eft­ir­lit­mynda­vélum en 60 pró­sent karla. 

Í nið­ur­stöðum könnun Rík­is­lög­reglu­stjóra um reynslu lands­manna af afbrotum og ­ör­ygg­is­til­finn­ing­u í­búa í fyrra kemur fram að konur upp­lifa mun minna öryggi en karlar í mið­borg Reykja­víkur þegar myrkur er skollið á eða eft­ir mið­nætt­i um helg­ar. Alls sögð­ust 75,5 pró­sent kvenna vera óör­uggar einar á ferli í mið­borg Reykja­vík­ur, eft­ir mið­nætt­i um helgar eða þegar myrkur er skollið á, sam­an­borið við 43,5 pró­sent karla.