Engin lög eða reglugerðir sem skilgreina hvað sé kolefnisjöfnun

CarbFix er vissulega kolefnisbinding, en hvort það teljist sem kolefnisjöfnun er flóknara að mati Umhverfisstofnunar.

Hellisheiðarvirkjun
Auglýsing

Engar reglu­gerðir eða lög eru til um skil­grein­ingu á kolefn­is­jöfn­un. Því eru engin lög eða reglu­gerðir um hvað flokk­ist sem kolefn­is­jöfn­un, að því er kemur fram í svari Umhverf­is­stofn­unar við fyr­ir­spurn Kjarn­ans.

Í svari Umhverf­is­stofn­unar segir að hug­takið kolefn­is­jöfnun sé almennt notað þegar „maður að borga ein­hverjum öðrum aðila fyrir að binda jafn­mikið kolefni sem losnar við t.d. eina flug­ferð. T.d. flug­ferð losar eitt tonn af CO2 og maður borgar ein­hverjum aðila pen­ing til að gróð­ur­setja tré sem binda eitt tonn af CO2. Það tekur trén X ár að binda þetta eina tonn of CO2 og þau halda því bundnu líf­tíma trés­ins sem gæti verið c.a. 60-90 ár. Þegar tréð deyr byrjar það að rotna og þá losnar aftur það CO2 sem það hafði bund­ið.“

Auglýsing
Fyrir stuttu rit­uðu full­­trúar frá rík­­is­­stjórn­­inni, stór­iðj­unni og Orku­veitu Reykja­víkur hafa undir vilja­yf­­ir­lýs­ingu um Car­bFix. Sam­­kvæmt yfir­­lýs­ing­unni verður kannað til hlítar hvort aðferðin geti orðið raun­hæfur kost­­ur, bæði tækn­i­­lega og fjár­­hags­­lega, til þess að draga úr los­un CO2 frá stór­iðju Ís­lands. Auk þess ætla fyr­ir­tækin hver um sig leita leiða til að verða kolefn­is­hlut­­laus árið 2040.  Car­bFix aðferðin felst í því að CO2 er fangað úr jarð­hita­­gufu, gasið leyst upp í vatni undir þrýst­ingi og vatn­inu dælt niður á 500 til 800 metra dýpi í basaltjarð­lög, þar sem CO2 binst var­an­­lega í berggrunn­inum í formi steinda. 

Er Car­bFix kolefn­is­jöfn­un?

Varð­andi hvort Car­bFix sé kolefn­is­jöfnun segir í svari Umhverf­is­stofn­unar að Car­bFix sé vissu­lega kolefn­is­bind­ing en flókn­ara væri að flokka Car­bFix sem kolefn­is­jöfn­un. „Við hlið­ina á Hell­is­heið­ar­virkjun er Svissnenskt fyr­ir­tæki með búnað sem sogar CO2 úr and­rúms­loft­inu og dælir því niður með Car­bfix tækn­inni. Þarna er kolefn­is­bind­ingu sem sann­ar­lega má líka kalla kolefn­is­jöfn­un. Þessi tækni sogar CO2 úr and­rúms­loft­inu og bindur í bergi. Þannig að ef maður fer í flug sem losar 1 tonn af CO2 þá getur maður borgað þessu fyr­ir­tæki pen­ing fyrir að soga jafn­mikið magn af CO2 úr and­rúms­lofti og binda það í bergi. Fyr­ir­tækið er ekki að binda sömu CO2 mólikúlin og flug­vélin los­aði en jafn­mikið magn þannig að það er hægt að líta svo á að flug­ferðin hafi verið kolefn­is­jöfn­uð,“ segir í svar­inu

Hins vegar flæk­ist málið ef horft er aðeins á virkj­un­ina sjálfa að mati Umhverf­is­stofn­un­ar. „Í dag er staðan sú að það er dælt niður og bundið um 35% af því CO2 sem kemur upp úr bor­holum og fer í gegnum vél­bún­að­inn í virkj­un­inni. Þarna sé ég Car­bfix sem hreinsi­búnað á virkj­unnin sjálfri. Það er verið að taka gas­straum­inn frá virkj­un­inni, ná 35% af CO2 úr straumnum og dæla því niður þar sem það bind­ist. Þarna er því verið að koma í veg fyrir losun á CO2 en það er ekki verið að taka neitt CO2 úr and­rúms­loft­inu. Þetta er því sann­ar­lega kolefn­is­bind­ing en það er ekki verið að jafna neitt ann­að.“

„Ef Orku­veitan mundi taka að sér að kolefn­is­jafna flug fyrir ein­hvern annan aðila með þess­ari tækni og fyr­ir­tækið tæki við greiðslu fyrir kolefn­is­jöfnun á einu tonni fyrir flug­ferð þá mundi fyr­ir­tækið á móti þurfa að telja sem sem losun frá virkj­un­inni þetta eina tonn af CO2 frá virkj­un­inni sem í raun var búið að binda í berg. Þannig að fyrir hvert tonn sem væri kolefn­is­jafnað mundi reikn­ast annað tonn sem losun frá virkj­un­inn­i,“ segir einnig í svar­in­u. 

„Feg­urðin við Car­bFix er að því CO2 sem er dælt niður er komið strax úr umferð og það er bundið að eilífu, á mann­legum tíma­skala. Bundið mjög lengi á jarð­fræði­legum tíma­ska­la, millj­ónir ára,“ segir jafn­framt í svar­inu.



Upp­fært:

Sam­kvæmt ábend­ingu frá Söndru Ósk Snæ­björns­dóttur hjá Orku­veitu Reykja­víkur er Car­bFix ekki kolefn­is­jöfnun heldur kolefn­is­bind­ing. Jafn­framt er Car­bFix aðferðin við­ur­kennd sem bind­ing­ar­að­ferð af Milli­ríkja­nefnd um lofts­lags­mál (IPCC).

Enn fremur hefur borist ábend­ing að nú sé kolefn­is­jöfnun skil­greind í lög, það er þeg­ar „að­ili hlut­ast til um aðgerðir ann­ars aðila til að draga úr losun gróð­ur­húsa­loft­teg­unda og/eða binda kolefni úr and­rúms­lofti og notar stað­fest­ingu á slíkum sam­drætti eða bind­ingu til að jafna út sína eigin losun að hluta eða öllu leyt­i.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Yfirlitsmynd af öllum fyrirhuguðum landfyllingum og dýpkunarsvæði.
Vilja dýpka Viðeyjarsund og losa efni við Engey
Til að dýpka Viðeyjarsund í 10 og 12,5 metra, líkt og Faxaflóahafnir stefna að, þarf að fjarlægja rúmlega þrjár milljónir rúmmetra af efni af hafsbotni. Hluta efnisins á að nýta í landfyllingar en varpa afganginum í hafið við Engey.
Kjarninn 19. janúar 2021
Andrés Ingi Jónsson, þingmaður utan flokka.
Sérstakur transskattur „ósanngjarn og óréttlátur“
Þingmaður gagnrýndi á þingi í dag gjald sem Þjóðskrá rukkar fólk sem vill breyta skráningu á kyni sínu. „Þingið þarf að viðurkenna að þarna varð okkur á í messunni, leiðrétta mistökin og afnema transskattinn strax.“
Kjarninn 19. janúar 2021
Rósa Björk Brynjólfsdóttir er fyrsti flutningsmaður frumvarpsins, sem myndi gera afneitun helfararinnar refsiverða á Íslandi.
Vilja gera það refsivert að afneita helförinni
Tveggja ára fangelsi gæti legið við því að afneita eða gera gróflega lítið úr helförinni gegn gyðingum í seinni heimstyrjöldinni, ef nýtt frumvarp sem lagt hefur verið fram á þingi nær fram að ganga.
Kjarninn 19. janúar 2021
Bjarni Benediktsson, fjármála- og efnahagsráðherra og formaður Sjálfstæðisflokksins.
Enn reynt að banna verðtryggð lán án þess að banna þau að fullu
Fjármála- og efnahagsráðherra hefur lagt fram frumvarp sem á að banna veitingu 40 ára verðtryggðra jafngreiðslulána til flestra. Þeir sem eru undanskildir eru hóparnir sem líklegastir eru til að taka lánin. Íslendingar hafa flúið verðtryggingu á methraða.
Kjarninn 19. janúar 2021
Sveinbjörn Indriðason forstjóri Isavia segir hlutafjáraukninguna gera Isavia kleift að ráðast í framkvæmdir til að auka samkeppnishæfni Keflavíkurflugvallar.
Ríkið spýtir fimmtán milljörðum inn í Isavia
Hlutafé í opinbera hlutafélaginu Isavia hefur verið aukið um 15 milljarða króna. Þetta er gert til að mæta tapi vegna áhrifa COVID-faraldursins og svo hægt verði að ráðast í framkvæmdir á Keflavíkurflugvelli, sem eiga að skapa störf strax á þessu ári.
Kjarninn 19. janúar 2021
Boeing 737 MAX-vélar hafa ekki mátt fljúga í evrópskri lofthelgi frá því í mars 2019.
Evrópsk flugmálayfirvöld ætla að hleypa MAX-vélunum í loftið í næstu viku
Stjórnandi Flugöryggisstofnunar Evrópu boðaði á blaðamannafundi í morgun að Boeing 737 MAX-vélarnar, sem hafa verið kyrrsettar frá því í mars 2019, fái heimild til flugs í evrópskri lofthelgi í næstu viku.
Kjarninn 19. janúar 2021
Nafn Joe Manchin verður það fyrsta sem flýgur upp í huga fréttamanna þegar umdeild þingmál eru lögð fyrir öldungadeild Bandaríkjaþings. Íhaldssamasti demókratinn mun hafa mikið um að segja hvort þau komist í gegn.
Maðurinn sem Biden þarf að semja við
Sá þingmaður sem talinn er verða með mest ítök í öldungadeild Bandaríkjaþings á komandi misserum er demókratinn Joe Manchin frá Vestur-Virginíu. Ætli demókratar að ná 51 atkvæði með sínum málum þarf að komast að samkomulagi við hann.
Kjarninn 19. janúar 2021
Þjóðhættir
Þjóðhættir
Þjóðhættir – „Hvað hefurðu eiginlega á móti lestri?“
Kjarninn 19. janúar 2021
Meira úr sama flokkiInnlent