Ómannað jap­anskt geim­far er nú lent á loft­steini í 300 milljón kíló­metra fjar­lægð frá jörðu. Geim­farið sem er á stærð við stóran ísskáp leitar nú sýna á loft­stein­inum í von um að varpa ljósi á þróun sól­kerfis okk­ar. Þetta kemur fram í grein the Guar­di­an. 

Geim­farið sem kall­ast Haya­busa2 lenti örugg­lega á loft­stein­inum Ryugu og er það í annað sinn sem geim­far hefur lent á loft­stein­in­um. Þetta er í fyrsta sinn sem könn­un­ar­far tekur sýni af yfir­borði loft­steins, að því er kemur fram í frétt­inni. Geim­könn­un­ar­stofnun Jap­ans, Jaxa, telur að vatn og líf­ræn efni gætu leynst á loft­stein­in­um. 

Sól­ar­knúið geim­far

Geim­farið snýr til jarðar á næsta ári og munu vís­inda­menn strax hefja að rann­saka sýnin sem farið safn­aði. Geim­farið er knúið af sól­ar­skildi og hefur hafið að senda myndir frá loft­stein­in­um.

Haya­busa2 þurfti að lenda afar var­lega þar sem þver­mál loft­steins­ins er ein­ungis um kíló­metri í þver­mál og hefur lítið aðdrátt­ar­afl. Kostn­aður leið­ang­urs­ins er met­inn á 270 millj­ónir doll­ara eða rúm­lega 34 millj­arða íslenskra króna.