Riaan Dreyer hefur verið ráð­inn sem nýr fram­kvæmda­stjóri upp­lýs­inga­tækni­s­viðs Íslands­banka og mun hefja störf hjá bank­anum í sept­em­ber. Hann hefur reynslu af við­skipta­lausnum og upp­lýs­inga­tækni­málum fjár­mála­fyr­ir­tækja, að því er kemur fram í frétta­til­kynn­ingu bank­ans. 

Áður starf­aði Riaan sem for­stöðu­maður hug­bún­að­ar­þró­unar hjá Arion banka og við hug­bún­að­ar­lausnir hjá Meniga. Þar áður starf­aði hann við þróun við­skipta­lausna hjá Stand­ard Bank í Suð­ur­-Afr­íku, þar sem hann var for­stöðu­maður upp­lýs­inga­tækni­s­viðs. Hann gegndi sömu stöðu hjá Liberty Life í Suður Afr­íku og þar áður sem ráð­gjafi hjá Deloitte Consulting.

Í frétta­til­kynn­ing­unni kemur fram að Riaan sé með masters­próf í upp­lýs­inga­tækni frá Pretoria háskól­anum í Suður Afr­íku. Hann lauk BSc gráðu í trygg­inga­stærð­fræði frá sama háskóla og BSc gráðu í hag­fræði frá Háskól­anum í Suður Afr­íku. Hann hefur einnig lokið námi í stjórn­un­ar­námi frá IESE háskól­anum í Barcelona á Spáni auk þess sem hann stund­aði nám í upp­lýs­inga­tækni í Saïd við­skipta­há­skól­an­um, sem er hluti af Oxford háskól­anum í Englandi.

„Ís­lands­banki hefur sex ár í röð hlotið verð­laun fyrir bestu þjón­ust­una á banka­mark­aði og höldum við áfram á þeirri veg­ferð með nýjum staf­rænum lausnum og öfl­ugu grunn­kerfi. Við erum spennt að fá Riaan til liðs við okkur en hann hefur mikla þekk­ingu af upp­lýs­inga­tækni fjár­mála­mark­aða og alþjóð­lega reynslu sem mun nýt­ast okkur vel. Við hlökkum til spenn­andi tíma með við­skipta­vinum okkar þar sem við munum kynna mikið af nýjum lausnum á næst­unni sem munu ein­falda banka­við­skiptin og færa okkur hratt inn í fram­tíð­ina,“ segir Birna Ein­ars­dótt­ir, banka­stjóri Íslands­banka.