Fram­bjóð­endur Demókrata fyrir for­seta­kosn­ing­arnar í Banda­ríkj­unum árið 2020 tók­ust á í beinni útsend­ingu í gær. Fyrri helm­ingur fram­bjóð­enda Demókrata tókst á í gær og mun seinni helm­ingur fram­bjóð­end­anna takast á í kvöld.

Öll spjót beindust að Bernie Sand­ers og Eliza­beth War­ren sem hafa mest fylgi þeirra sem tóku þátt í kapp­ræð­unum í gær. Mörg hver þeirra sögðu að Sand­ers og War­ren lof­uðu upp í erm­ina á sér með því að lofa ókeypis heil­brigð­is­þjón­ustu fyrir Banda­ríkja­menn. 

Warren og Sand­ers náðu þó að kom­ast hjá því að takast beint á við hvort ann­að, þrátt fyrir að vera séð sem helstu keppi­nautar hvors ann­ars. Í stað­inn lögðu þau bæði áherslu á að ná til ungs fólks og kjós­enda sem ekki séu hvít­ir. Þau lögðu einnig áherslu á að fram­bjóð­andi demókrata þyrfti að hafa skýra og rót­tæka sýn fyrir Banda­rík­in. 

Helsti gagn­rýn­andi War­ren og Sand­ers var John Dela­ney sem sak­aði tvíeykið um að hafa slæma stefnu­skrá, lofi öllu fögru og not­ist við „æv­in­týra hag­fræði“ sem muni valda því að Trump verði aftur for­set­i. 

War­ren og Sand­ers fengu mestan tíma til að tala í kapp­ræð­unum í gær. War­ren tal­aði í alls 18 mín­útur og 33 sek­úndur en Sand­ers í 17 mín­útur og 45 sek­únd­ur. 

Trump í kast­ljós­inu

Meðal helsta umfjöll­un­ar­efnis kvölds­ins var hvers konar fram­bjóð­andi væri nógu sterkur til að fara í fram­boð á móti Trump.

Pete Buttigieg, einn fram­bjóð­end­anna, upp­skar mikið lófa­klapp við orð sín að sama hvort næsti fram­bjóð­andi demókrata væri vinstri­maður eða íhalds­samur þá myndu Repúblík­anar halda uppi þeim áróðri að fram­bjóð­and­inn væri öfga-sós­í­alisti. Því væri eins gott að berj­ast fyrir almennri ókeypis heil­brigð­is­þjón­ustu.

Mari­anna Willi­am­son, höf­und­ur, spír­it­isti og einn fram­bjóð­end­anna, sótti hart að gagn­rýnendum War­ren og Sand­ers. Hún sagð­ist ekki skilja hvers vegna þau væru Demókratar þar sem þeim þyki rangt að nota verk­færi rík­is­ins til að hjálpa fólki. Willi­am­son var­aði einnig við „myrkum öfl­um“ sem Trump væri að vekja upp í Banda­ríkj­un­um. 

Búist við hörðum átökum í kvöld

CNN, sjón­varps­stöðin sem varpar kapp­ræð­unum beint, skipti fram­bjóð­end­unum í tvo hluta með því að draga nöfn þeirra af handa­hófi. Áður var þó nöfnum fram­bjóð­end­anna sem hafa for­ystu, það eru nöfn Sand­ers, War­ren, Biden og Harris, tekin frá til þess að ekki væru allir fram­bjóð­end­urnir sem hafa for­ystu á sama kvöld­i. 

Í kvöld munu einmitt Jos­eph R. Biden og Kamala Harris vera meðal kapp­ræðu­manna. Í síð­ustu kapp­ræðum tók­ust þau harka­lega á, sér­stak­lega um mál­efni minni­hluta­hópa. Búist er við svip­uðum átökum í kvöld.