Stein­grímur J. Sig­fús­son, for­seti Alþing­is, og Helga Vala Helga­dótt­ir, for­maður stjórn­skip­un­ar- og eft­ir­lits­nefndar þings­ins, und­ir­búa nú end­ur­skoðun á umgjörð og fram­kvæmd siða­reglna þing­mannna. Frá þessu er greint í frétt Frétta­blaðs­ins í morgun.

Í frétt­inni er haft eftir Stein­grími að vinnan sé á frum­stigi, en hann hef­ur, ásamt Helgu, verið að safna hug­myndum og gögnum vegna máls­ins. Ein­blínt verður á fram­kvæmd regln­anna og far­veg kvart­ana, en ekki er búist við að regl­urnar sjálfar verði teknar til end­ur­skoð­un­ar.

„Al­var­legt brot á grund­vall­ar­reglum rétt­ar­ríkja“

Nýlegar fram­kvæmdir og nið­ur­stöður siða­nefnd­ar­innar hafa sætt gagn­rýni frá þing­mönnum ólíkra flokka, en líkt og Kjarn­inn fjall­aði um fyrr í vik­unni töldu þing­menn Mið­flokks­ins Alþingi máls­með­ferð siða­nefndar fela í sér alvar­legt brot á lögum og grund­vall­ar­reglum rétt­ar­ríkja. „Í stað þess að verja þolendur alvar­legs glæps hafa full­trúar lög­gjafans leitað allra leiða til að refsa þolend­un­um,“ skrif­uðu þing­menn­irnir í andsvörum við áliti nefnd­ar­inn­ar.

„Fá­rán­leik­inn og sam­trygg­ingin koma til bjarg­ar“

Björn Leví Gunn­ars­son, þing­maður Pírata, gagn­rýndi einnig nýlega máls­með­ferð kvört­unar sinnar á þær nið­ur­stöður nefnd­ar­innar að Þór­hildur Sunna Ævars­dóttir hafi brotið gegn siða­reglum með ummælum sínum um Ásmund Frið­riks­son, þing­mann Sjálf­stæð­is­flokks­ins. Þar tók for­sætis­nefnd Alþingis nið­ur­stöður siða­nefndar til skoð­unar að ósk Björns en sam­þykkti þær svo í síð­ustu viku. Í gagn­rýni Björns á málið segir hann „fá­rán­leik­ann og sam­trygg­ing­una koma  til bjargar fyrir elít­una.“