Efnt til mótmæla vegna heimsóknar Trump

Trump hefur verið harðlega gagnrýndur fyrir heimsókn sína til Dayton og El Paso í dag, tveggja borga sem urðu fyrir skotárás um helgina. Gagnrýnendur segja Trump ekki velkominn þar sem orð forsetans hafi ýtt undir hatursorðræðu og andúðar á innflytjendum.

Donald Trump, forseti Bandaríkjanna, og Melania Trump, forsetafrú Bandaríkjanna.
Donald Trump, forseti Bandaríkjanna, og Melania Trump, forsetafrú Bandaríkjanna.
Auglýsing

Don­ald Trump, for­seti Banda­ríkj­anna, heldur til El Paso í Texas í dag, þremur dögum eftir að 21 árs árás­armaður myrti 22 og slas­aði 24 til við­bótar í Wal­mart stór­mark­aði. Jafn­framt mun hann halda til Dayton í Ohio fylki þar sem níu voru myrtir í skotárás, ein­ungis 13 klukku­stundum eftir árás­ina í El Paso. Trump hefur verið harð­lega gagn­rýndur fyrir heim­sókn sína og hann sagður ekki vel­kom­inn vegna hat­urs­orð­ræðu sinn­ar. Til að mynda hefur Barack Obama, fyrrum for­seti Banda­ríkj­anna, gagn­rýnt Trump.

Hinir grun­uðu árás­ar­menn árásanna tveggja eru báðir ungir hvítir karl­menn og talið að þeir séu báðir kyn­þátta­hat­ar­ar, þó yfir­völd hafi enn ekki stað­fest það. Fjöl­margir íbúar El Paso og Dayton eru ósáttir við heim­sókn Trump vegna ummæla hans um inn­flytj­endur og litað fólk. Gagn­rýnendur telja margir hverjir að ummæli for­set­ans hafi ýtt undir árás­irn­ar. 

Auglýsing
Í El Paso búa tæp­lega 700.000 manns og er borgin við landa­mæri Banda­ríkj­anna og Mexíkó. Í borg­inni er meiri­hluti íbúa af rómönsk-am­er­ískum upp­runa. Í fyrri heim­sóknum Trump til El Paso hefur hann nýtt heim­sókn­irnar til þess að koma inn­flytj­enda­stefnu sinni á fram­færi og talað fyrir því að byggja múr á milli Mexíkó og Banda­ríkj­anna.

Heim­sóknin harð­lega gagn­rýnd

Barack Obama, fyrrum for­seti Banda­ríkj­anna, sagði í opin­berri yfir­lýs­ingu að Banda­ríkja­menn ættu að afneita orðum leið­toga sem ýta undir ótta og hatur og geri rasísk ummæli að venju. Beto O’Ro­ur­ke, einn for­seta­fram­bjóð­enda Demókrata sem er frá El Paso, hefur einnig harð­lega gagn­rýnt Trump fyrir heim­sókn sína til borg­ar­inn­ar. Hann sagði Trump hafa hjálpað til að skapa aðstæður líkt og áttu sér stað í El Paso á laug­ar­dag­inn og hann hafi því ekki rétt á að heim­sækja borg­ina.

Nan Whaley, borg­ar­stjóri Dayton, hefur efnt til mót­mæla gegn Trump vegna byssu­lög­gjö­far hans og segir Trump ekki vel­kom­inn. Hún sagði orð­ræðu Trump hafa verið sárs­auka­full fyrir marga í sam­fé­lagi hennar og hvatti fólk til að láta óánægju sína í ljós. 

Ver­on­ica Esc­obar, þing­maður frá El Paso, segir Trump ekki vel­kom­inn til El Paso. Hún sagði orð­ræðu Trump hafa gert fólk af rómönsk-am­er­ískum upp­runa og inn­flytj­endur ómennskt. „Orð hafa afleið­ing­ar. For­set­inn hefur gert mig og mitt fólk að óvin­in­um,“ sagði Esc­ob­ar. „Hann hefur sagt land­inu að við séum fólk sem beri að óttast, sem beri að hata.“

Borg­ar­stjóri El Paso, Dee Margo, sagð­ist munu bjóða Trump vel­kom­inn til El Paso en var­aði hann við því að halda uppi röngum stað­hæf­ingum um borg­ina. Trump hefur látið þau orð falla að áður en landamæra­girð­ingu hafi verið komið upp í borg­inni hafi hún verið ein sú hættu­leg­asta í Banda­ríkj­un­um. 

Repúblík­anar í El Paso hafa sakað Demókrata um að gera heim­sókn Trump að póli­tískum við­burði sem hagn­ist þeim sjálf­um. 

Yfir­lýs­ing árás­armanns­ins birt á net­inu

Hinn 21 árs hvíti árás­armaður í El Paso er í haldi lög­reglu í Texas, en þar­lend yfir­völd hafa ekki gefið út nafn hans. Talið er að árás­armað­ur­inn í hafi birt á net­inu yfir­lýs­ingu sína sem hann hafi til­kynnt um fyr­ir­hug­aða árás sína og sé full andúðar á inn­flytj­end­um. Árásin er jafn­framt rann­sökuð sem mögu­legur hat­urs­glæp­ur.

Í yfir­lýs­ing­unni skrifar höf­und­ur­inn að um „inn­rás“ fólks frá Mexíkó til Banda­ríkj­anna sé að ræða. Nokkuð sem Trump hefur sagt fjöl­mörgum sinnum í ræðum sínum. Trump hefur ekki rætt yfir­lýs­ingu árás­armanns­ins opin­ber­lega og hefur Trump ekki viljað herða byssu­lög­gjöf í Banda­ríkj­unum þannig að skoðað verði bak­grunn fólks sem vill kaupa skot­vopn. 

Talið er að árás­armað­ur­inn hafi birt skjalið á heima­síðu 8chan, öfga-hægri spjall­síðu. Síðan er þekkt fyrir afar bíræfin rasísk ummæli. Verði stað­fest að árás­armað­ur­inn í El Paso hafi skrifað hina umræddu yfir­lýs­ingu væri það þriðja yfir­lýs­ingin um fyr­ir­hug­aða árás sem birt­ist á 8chan á innan við fimm mán­uð­um.

Sam­kvæmt the Guar­dian stendur í yfir­lýs­ing­unni að árásin eigi að vera „svar við inn­rás fólks af rómönskum upp­runa í Texa­s.“ Jafn­framt sem höf­undur skjals­ins vildi skipta Banda­ríkj­unum upp í mis­mun­andi svæði fyrir mis­mun­andi kyn­þætt­i. 

Bæði árás­armað­ur­inn í Christchurch og árás­armaður sem réðst á söfn­uð­ar­hús gyð­inga í Poway, Kali­forn­íu, birtu yfir­lýs­ingu sína á 8chan fyrir árás­ina, sam­kvæmt the Guar­di­an. 

Trump leggur til dauða­refs­ingu

Í kjöl­far árásanna um helg­ina ávarp­aði Don­ald Trump þjóð­ina í beinni útsend­ingu. Hann sagði að hann og for­seta­frúin biðji fyrir fórn­ar­lömbun­um, fjöl­skyldum þeirra og þeim sem komust af. Þau muni standa með þeim um aldur og ævi.

Hann sagð­ist leggja til nýja lög­gjöf þar sem fjöldamorð­ingjar og þeir sem fremji hat­urs­glæpi standi frammi fyrir dauða­refs­ingu. Dauða­refs­ingin verði fljót, skil­virk og án óþarfa tafa. 



Trump sagði árás­irnar tvær vera illar árásir sem brengluð skrímsli hafi framið. Þær séu jafn­framt glæpur gegn mann­kyn­inu.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Menntaðri Íslendingar lifa lengur
Munur á lífslíkum eftir menntunar- og tekjustigi hefur aukist til muna frá árinu 2011. Þá hafa þeir tekjulægstu þurft að neita sér mun oftar um læknisþjónustu vegna kostnaðar en þeir tekjuhæstu.
Kjarninn 12. desember 2019
Á myndinni sjást fyrirhugaðir fyrstu tveir áfangar Borgarlínu.  Rauð leið Hamraborg – Hlemmur og Græn leið Ártún – Hlemmur.
Skipa hönnunarteymi fyrir fyrstu tvo áfanga Borgarlínu
Verkefnastofa Borgarlínu hefur skipað hönnunarteymi fyrir fyrstu tvo áfanga Borgarlínu. Vinna við hönnun er þegar hafin.
Kjarninn 12. desember 2019
Hjálmar Árnason, Unnur Brá Konráðsdóttir, Ögmundur Jónasson og Össur Skarphéðinsson.
Fyrrverandi þingmenn standa að söfnun fyrir nauðstadda í Namibíu
Fjórir fyrrverandi þingmenn hafa efnt til söfnunar fyrir nauðstadda í Namibíu í samstarfi við Rauða krossinn.
Kjarninn 12. desember 2019
Fjölmiðlafrumvarpið á dagskrá þingsins í dag
Frumvarp um stuðning við einkarekna fjölmiðla er komið aftur á dagskrá Alþingis. Hluti þingflokks Sjálfstæðisflokks hefur barist hart gegn málinu.
Kjarninn 12. desember 2019
Ingrid Kuhlman og Bjarni Jónsson
77,7% Íslendinga fylgjandi dánaraðstoð
Kjarninn 12. desember 2019
Jóhannes: Þeim er velkomið að reyna að villa um fyrir fólki
Jóhannes Stefánsson, fyrrverandi starfsmaður Samherja og uppljóstrari í málum fyrirtækisins í Namibíu, var í viðtali við Kastljós í kvöld.
Kjarninn 11. desember 2019
Molar
Molar
Molar – 2020 verði ár tollastríðsins
Kjarninn 11. desember 2019
Jóhannes Stefánsson
Rannsaka ítrekaðar tilraunir til að ráða Jóhannes af dögum
Lögreglan í Namibíu rannsakar nú ítrekaðar tilraunir til að ráða Jóhannes Stefánsson uppljóstrara í Samherjamálinu af dögum.
Kjarninn 11. desember 2019
Meira úr sama flokkiErlent