Tveir stærstu sjóðirnir sem eiga í HB Granda ekki búnir að ákveða sig

LSR og Lífeyrissjóður verzlunarmanna, sem eru stærstu hluthafar HB Granda að Útgerðarfélagi Reykjavíkur frátöldu, hafa ekki ákveðið hvort þeir samþykki kaup félagsins á eignum frá stærsta eigandanum á hluthafafundi á morgun.

HB Grandi er eina sjávarútvegsfyrirtæki landsins sem er skráð á markað.
HB Grandi er eina sjávarútvegsfyrirtæki landsins sem er skráð á markað.
Auglýsing

Hvorki Lífeyrissjóður starfsmanna ríkisins (LSR) né Lífeyrissjóður verzlunarmanna, sem eru báðir á meðal stærstu eigenda HB Granda, hafa tekið ákvörðun um hvort að þeir muni greiða atkvæði með þvi að félagið kaupi allt hlutafé í sölu­­fé­lögum í Jap­an, Hong Kong og á meg­in­landi Kína, sem og þjónustufélagi á Íslandi, af Útgerð­­ar­­fé­lagi Reykja­víkur á 4,4 millj­­arða króna. Útgerð­ar­fé­lag Reykja­víkur er stærsti hlut­hafi HB Granda og for­stjóri HB Granda, Guð­mundur Krist­jáns­son, er stærsti hlut­hafi Útgerð­ar­fé­lags Reykja­vík­ur. 

Gildi lífeyrissjóður, sem er einnig stór hluthafi í HB Granda, til­kynnti í gær að sjóð­ur­inn muni greiða atkvæði gegn kaup­unum á hlut­hafa­fundi sem fram fer á fimmtu­dag. Í til­kynn­ingu vegna þess kom meðal ann­ars fram að við­skipti við tengda aðila yrðu að vera hafin yfir allan vafa. Þær fyr­ir­ætl­anir sem fyrir liggi séu ekki trú­verð­ugar og sjóð­ur­inn telji að ekki hafi verið sýnt fram á að aðrar leiðir séu ekki færar til þess að ná fram sömu mark­mið­um, mög­u­­lega með minni til­­­kostn­að­i.  

Davíð Rúd­ólfs­son, for­stöðu­maður eigna­stýr­ingar og stað­geng­ill for­stjóra Gildis líf­eyr­is­sjóðs, sagði í samtali við Kjarnann í gær að „um­fangs­mikil og ítrekuð við­skipti stærsta hlut­hafa HB Granda við félagið eru óheppi­leg að okkar mati. Slíkt er for­dæma­laust á inn­lendum hluta­bréfa­mark­að­i.“

Auglýsing
Fjórir líf­eyr­is­sjóð­ir: Líf­eyr­is­sjóður verzlunarmanna, Líf­eyr­is­sjóður starfs­manna rík­is­ins (LSR), Gildi og líf­eyr­is­sjóð­ur­inn Birta eiga sam­tals 40,11 pró­sent hlut í HB Granda.

A og B-deild LSR eru samanlagt stærsti eigandinn í lífeyrissjóðahópnum með alls 15,15 prósent eignarhlut. A-deildin á 11,37 prósent hlut en B-deildin 3,78 prósent. Í svari við fyrirspurn Kjarnans um afstöðu sjóðsins til kaupanna á sölufélögunum kom fram að málið væri enn í skoðun. 

Lífeyrissjóður verzlunarmanna á 12,53 prósent hlut í HB Granda. Í svari frá sjóðnum vegna fyrirspurnar um afstöðu hans til málsins sagði að hann væri að afla upplýsinga, meðal annars með fyrirspurnum til HB Granda, Þá hafi starfsmenn sjóðsins átt fund með fulltrúum félagsins. „Endanleg ákvörðun verður tekin að fengnum öllum þeim upplýsingum sem unnt er að afla. Við áskiljum okkur jafnframt rétt til að kveða ekki upp úr um málið fyrr en til atkvæðagreiðslu kemur.“

Ætlað kaup­verð á sölufélögunum er, líkt og áður sagði, 4,4 millj­arðar króna og lagt hefur verið til að kaup­verðið verði greitt með 7,3 pró­­sent aukn­ingu á hlutafé HB Granda. Verði kaupin sam­­þykkt mun hlutur Útgerð­­ar­­fé­lags Reykja­víkur í HB Granda hækka úr 35,01 pró­sent í 42,31 pró­­sent í HB Granda. Við það verður eignarhlutur Útgerðarfélags Reykjavíkur stærri en sameiginlegur eignarhluti lífeyrissjóðanna fjögurra sem eiga stóran hlut í HB Granda. 

Fyrir hluthafafundinum á morgun liggur einnig fyrir breytingartillaga um að breyta nafni HB Granda í Brim, sem er það nafn sem Útgerðarfélag Reykjavíkur bar árum saman og Guðmundur Kristjánsson er oftast kenndur við.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Við mölunina eru notuð tæki sem eru búin hnífum eða löngum plastþráðum sem snúast hratt og sjálfvirkt. Afköstin skulu vera, að því er fram kemur í svari MAST við fyrirspurn Kjarnans, nægilega mikil til að tryggja að öll dýrin séu deydd samstundis.
Mölun karlkyns hænuunga „er hryllileg iðja“
Á Íslandi er heimilt að beita tveimur aðferðum við aflífun hænuunga; gösun og mölun. Báðum aðferðum er beitt á tugþúsundir unga á ári. „Allir karlkyns ungar sem fæðast í eggjaiðnaði eru drepnir eftir að þeir klekjast út,“ segir formaður Samtaka grænkera.
Kjarninn 23. september 2021
Meira úr sama flokkiInnlent