Umfangsmikil og ítrekuð viðskipti við stærsta hluthafa HB Granda óheppileg

Forstöðumaður eignastýringar Gildis segir að ítrekuð viðskipti HB Granda við stærsta hluthafann sinn séu fordæmalaus á innlendum hlutabréfamarkaði og óheppileg. Til stendur að HB Grandi kaupi sölufélög af Útgerðarfélagi Reykjavíkur á 4,4 milljarða króna.

hbgrandi
Auglýsing

„Um­fangs­mikil og ítrekuð við­skipti stærsta hlut­hafa HB Granda við félagið eru óheppi­leg að okkar mati. Slíkt er for­dæma­laust á inn­lendum hluta­bréfa­mark­að­i.“ Þetta segir Davíð Rúd­ólfs­son, for­stöðu­maður eigna­stýr­ingar og stað­geng­ill for­stjóra Gildis líf­eyr­is­sjóðs. 

Þau við­skipti sem Davíð á við eru fyr­ir­ætluð kaup HB Granda á öllu hlutafé í sölu­­fé­lögum í Jap­an, Hong Kong og á meg­in­landi Kína, sem og þjón­ustu­fé­lagi á Íslandi, frá Útgerð­­ar­­fé­lagi Reykja­víkur á 4,4 millj­­arða króna. Útgerð­ar­fé­lag Reykja­víkur er stærsti hlut­hafi HB Granda og for­stjóri HB Granda, Guð­mundur Krist­jáns­son, er stærsti hlut­hafi Útgerð­ar­fé­lags Reykja­vík­ur. 

Gildi til­kynnti fyrr í dag að sjóð­ur­inn muni greiða atkvæði gegn kaup­unum á hlut­hafa­fundi sem fram fer á fimmtu­dag. Í til­kynn­ingu vegna þess kom meðal ann­ars fram að við­skipti við tengda aðila yrðu að vera hafin yfir allan vafa. Þær fyr­ir­ætl­anir sem fyrir liggi séu ekki trú­verð­ugar og sjóð­ur­inn telji að ekki hafi verið sýnt fram á að aðrar leiðir séu ekki færar til þess að ná fram sömu mark­mið­um, mög­u­­lega með minni til­­­kostn­að­i.  

Auglýsing
Davíð segir að það hafi vakið athygli Gildis hversu stórum hluta í HB Granda lagt væri upp með að verja í þessa fjár­fest­ingu og hversu skamman tíma stjórn félags­ins tók sér til að taka ákvörðun um við­skipt­in. Ætlað kaup­verð er 4,4 millj­arðar króna og lagt hefur verið til að kaup­verðið verði greitt með 7,3 pró­­sent aukn­ingu á hlutafé HB Granda. Verði kaupin sam­­þykkt mun hlutur Útgerð­­ar­­fé­lags Reykja­víkur í HB Granda hækka úr 35,01 pró­sent í 42,31 pró­­sent í HB Granda. „Að mati Gildis hefur ekki tek­ist að sýna fram á að þessi við­skipti séu hag­felld eða nauð­syn­leg fyrir HB Granda,” segir Dav­íð.

Upp­haf­legt kaup­verð ekki opin­bert

Umrædd sölu­fé­lög voru keyptar af Brim, sem nú heitir Útgerð­ar­fé­lag Reykja­vík­ur, af Icelandic Group í lok árs 2015. Engar upp­lýs­ingar eru um hver verð­mið­inn á þeim var í árs­reikn­ingum Icelandic Group frá þeim tíma né í árs­reikn­ingi þáver­andi eig­anda félags­ins, Fram­taks­sjóðs Íslands. 

Aðrir hlut­hafar í HB Granda sem Kjarn­inn hefur rætt við segj­ast ekki hafa upp­lýs­ingar um hvert kaup­verðið var á sölu­fé­lög­unum þegar þau voru keypt né frek­ari skýr­ingar á því hvað í starf­semi sölu­fé­lag­anna útskýri þann háa verð­miða sem sé á þeim. Þá taka við­mæl­endur Kjarn­ans undir gagn­rýni Gildis um að afgreiðsla stjórn­ar­innar á kaup­unum hafi átt sér afar skamman aðdrag­anda. 

Auglýsing
Fjórir líf­eyr­is­sjóð­ir: Líf­eyr­is­sjóður verzl­un­ar­manna, Líf­eyr­is­sjóður starfs­manna rík­is­ins (LS­R), Gildi og líf­eyr­is­sjóð­ur­inn Birta eiga sam­tals 40,11 pró­sent hlut í HB Granda.

Kaupin á sölu­fé­lög­unum er ekki eina til­lagan sem liggur fyrir hlut­hafa­fund­inum á morg­un. Þar verður einnig lagt til að nafni HB Granda verði breytt í Brim, sem er það nafn sem Útgerð­ar­fé­lag Reykja­víkur bar áður en að það keypti ráð­andi hlut í HB Granda. 

Ekki einu við­skiptin við við stærsta eig­and­ann

Kaupin á sölu­fé­lög­unum verða ekki einu við­skiptin sem átt hafa sér stað milli Útgerð­ar­fé­lags Reykja­víkur og HB Granda, verði þau að veru­leika. Seint á síð­asta ári sam­þykkti fram­halds­að­al­fundur kaup á Ögur­vík, sem gerir út skipið Vigra RE, á 12,3 millj­arða króna. 

Gildi hafði einnig efa­semdir um þau kaup og óskaði eftir því að fyr­ir­tækja­­svið Kviku banka tæki saman minn­is­­blað um kaup­in, áður en þau yrðu borin upp til sam­­þykkis á hlut­hafa­fundi. Það var gert. 

Minn­is­­blaðið studd­ist við gögn frá stjórn­­endum HB Granda, og sagði kaup­in, upp á 12,3 millj­­arða króna, geta skilað HB Granda umtals­verðum ávinn­ing­i. 

Kjarn­inn greindi frá umsögn grein­anda Capacent um kaupin í nóv­em­ber 2018. Þar kom fram að grein­and­anum hafi liðið „eins á laug­­ar­­dags­morgni eftir kvöld á Kaffi­­­barn­um“ þegar rýnt væri í for­­sendur kaup­verðs HB Granda á Ögur­vík. „Svarið við alheim­inum og til­­­gangi lífs­ins er 42,“ sagði í grein­ing­unni, og þar vitnað til þess að hægt sé að fá út hin ýmsu verð á Ögur­vík, þegar það er verið að greina kaup HB Granda á félag­in­u. 

Töl­una 42 í sam­hengi við svarið við spurn­ing­unni um til­­­gang lífs­ins, má rekja til bók­­ar­inn­ar The Hitchhi­ker's Guide to the Galaxy eftir Dou­glas Adams.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Skin og skúrir í Kauphöllinni á tímum COVID
Samkomulag lífeyrissjóðanna um að fjárfesta innanlands virðist halda lífi í Kauphöllinni, en gengi skráðra félaga þar hefur verið misjafnt á síðustu sex mánuðum.
Kjarninn 15. ágúst 2020
Bilið breikkar milli banka og lífeyrissjóða í útlánum til húsnæðiskaupa
Júní var umsvifaminnsti mánuður í útlánum til húsnæðiskaupa hjá lífeyrissjóðum en meira var greitt upp af lánum þeirra heldur en þeir lánuðu út. Ný óverðtryggð lán á breytilegum vöxtum námu alls 31 milljarði króna hjá bönkunum í júní.
Kjarninn 15. ágúst 2020
Gylfi Zoega
Voru gerð mistök í sumar?
Kjarninn 15. ágúst 2020
Sjö ný innanlandssmit – fækkar í sóttkví
Fjöldi virkra smita eykst aftur eftir að hafa fækkað um 8 í fyrradag.
Kjarninn 15. ágúst 2020
Aukin ferðagleði Íslendinga virðist hafa hjálpað til við að halda neyslunni upp hér á landi
Aukin velta Íslendinga bætti upp fyrir rúman helming af tapinu vegna ferðamanna
Aukin innlend eftirspurn hefur vegið þungt á móti samdrætti í útfluttri ferðaþjónustu, samkvæmt minnisblaði frá fjármálaráðuneytinu.
Kjarninn 15. ágúst 2020
Höfuðstöðvar Neytendastofu í Borgartúni.
Grímur sem ekki uppfylla kröfur hafa verið teknar úr sölu
Neytendastofa fylgist með grímumarkaðnum á Íslandi, nú þegar spurn eftir grímum er í hæstu hæðum. Dæmi eru um að grímur til sölu uppfylli ekki lágmarkskröfur og það vill Neytendastofa alls ekki.
Kjarninn 15. ágúst 2020
Hundruð milljarða mögulegur ávinningur af því að forðast harðar sóttvarnaaðgerðir
Stjórnvöld hafa lagt mat á efnahagsleg áhrif þess að opna landið og borið það saman við ábatann af því að hleypa ferðamönnum inn.
Kjarninn 14. ágúst 2020
Fjöldi erlenda ríkisborgara starfar við mannvirkjagerð á Íslandi.
Atvinnuleysi útlendinga á Íslandi komið yfir 20 prósent
Heildaratvinnuleysi á Íslandi mældist 8,8 prósent um síðustu mánaðamót. Atvinnuleysi er miklu hærra á meðal erlendra ríkisborgara en íslenskra. Rúmlega helmingur allra atvinnulausra útlendinga eru frá Póllandi.
Kjarninn 14. ágúst 2020
Meira eftir höfundinnÞórður Snær Júlíusson
Meira úr sama flokkiFréttaskýringar