Munu ekki geta rukkað ólöglega smálánavexti fram að lagasetningu

Ef smálánatakar leita til lögmanna Neytendasamtakanna, sem VR ætlar að borga fyrir, í stað þess að borga ólöglega vexti þá gæti það komið í veg fyrir að smálánafyrirtækið geti stundað þá starfsemi fram yfir boðaða lagasetningu um starfsemi þeirra.

Grettir smálán
Auglýsing

Einn meg­in­til­gangur þess að VR greiði þann lög­fræði­kostnað sem til fellur vegna ákvörð­unar smá­lána­taka að hætta að greiða ólög­legan vaxta­kostnað af slíkum lánum er sá að hindra að þau geti inn­heimt útistand­andi kröfur fram yfir boð­aða laga­setn­ingu um starf­semi þeirra. Stjórn VR sam­þykkti í gær­kvöldi með öllum greiddum atkvæðum að ger­­ast fjár­­­hags­­­legur bak­hjarl neyt­enda í bar­átt­unni gegn smá­lán­­­um. 

Í því mun fel­­­ast að VR, í sam­­­starfi með Neyt­enda­­­sam­tök­un­um, mun leggja út fyrir kostn­aði vegna lög­­­fræð­i­vinnu og dóms­­­mála sem þarf að höfða til að koma í veg fyrir að smá­lána­­­fyr­ir­tæki og þeir sem sinna inn­­­heimtu fyrir þau geti haldið áfram að inn­­­heimta okur­vexti frá lán­tök­­­um. 

Frum­varp um breyt­ingar á lögum um neyt­enda­lán, sem sett er fram til höf­uðs smá­lána­starf­semi hér­lend­is, hefur verið í umsagn­ar­ferli frá 12. júlí síð­ast­lið­inn í Sam­ráðs­gátt stjórn­valda. Því ferli lýkur á morg­un, 16. ágúst og enn sem komið er hafa engar umsagnir borist. Sam­kvæmt skil­greindum mark­miðum frum­varps­ins er því ætlað að þrengja að smá­lána­fyr­ir­tækjum og koma í veg fyrir veit­ingu ólög­mætra lána sem inn­heimta of háan heild­ar­lán­töku­kostn­að.

Þór­dís Kol­brún Reyk­fjörð Gylfa­dótt­ir, atvinnu­vega- og nýsköp­un­ar­ráð­herra, hefur sagt það opin­ber­lega að hún ætli sér að stöðva starf­semi smá­lána­fyr­ir­tækja og ofan­greint frum­varp hennar þess efnis verður lagt fram í haust. 

Auglýsing
Smálánafyrirtækin eiga sér enga sýni­lega tals­menn á Alþingi og í ljósi þess að þing­menn úr öllum átta flokkum sem sæti eiga á Alþingi lögðu saman fram frum­varp sem ætlað var að hemja smá­lána­starf­semi fyrir tæpu ári síðan má ætla að frum­varp Þór­dísar Kol­brúnar muni njóta þverpóli­tísks stuðn­ings. Því ætti að vera hægt að afgreiða frum­varpið sem lög nokkuð fljótt. 

Hvetja fólk til að greiða ekki ólög­lega vexti

Ragnar Þór Ing­ólfs­son, for­maður VR, sagði í sam­tali við Kjarn­ann í gær að hann teldi að Almenn inn­­heimta ehf., sem sér um inn­heimtu fyrir Kredia, Hrað­pen­ing­ar, Smá­lán, 1909 og Múla, sé í her­­ferð við að ná inn sem mestu af útistand­andi meintum skuldum á næstu vikum áður en að nýtt frum­varp sem á að koma í veg fyrir starf­­semi smá­lána­­fyr­ir­tækja, sem verður lagt fram í haust, verður sam­­þykkt. 

Þeir sem fá ekki sund­ur­lið­aða reikn­inga sem sýni að inn­heimtur kostn­aður sé lög­mætur eru hvattir til þess að hætta að greiða af smá­lánum sínum og leita þess í stað til lög­manna á vegum Neyt­enda­sam­tak­anna til að leita réttar síns.

Með ákvörðun stjórnar VR í gær, um að ger­ast fjár­hags­legur bak­hjarl bar­átt­unnar gegn smá­lánum með því að greiða lög­fræði­kostnað þeirra sem ákveða að hætta að greiða ólög­lega vexti eða smá­lána­reikn­inga sem eru ekki sund­ur­lið­að­ir, er verið að spyrna við því að smá­lána­fyr­ir­tækin nái að inn­heimta þann vaxta­kostnað sem þau telja sig eiga útistand­andi.

Neyt­enda­sam­tökin stóðu ráð­þrota gagn­vart „svíns­legum við­skipta­hátt­um“

Neyt­enda­sam­tökin hafa verið í for­grunni í bar­átt­unni gegn smá­lána­fyr­ir­tækj­unum und­an­farin miss­eri. Í til­kynn­ingu frá þeim sem send var út 31. júlí síð­ast­lið­inn kom fram að fólk væri krafið um greiðslur á ólög­­mætum vöxtum og him­in­háum van­skila­­kostn­aði en hafi í mörgum til­­­fellum verið látið borga marg­falt meira en því ber. „Al­­menn inn­­heimta ehf. leikur enn þann ljóta leik að hóta fólki með skrán­ingu á van­skila­­skrá Credit­in­fo, stilla því upp við vegg og inn­­heimta him­in­háan van­skila­­kostnað ofan á kröfur sem fyrir liggur að eru ólög­­mæt­­ar.“

Auglýsing
Samtökin segja að fyr­ir­tækið Almenn inn­­heimta ehf. virð­ist gera allt til að flækja mál og tefja, meðal ann­­ars að áskilja sér 90 daga rétt til að afhenda sund­­ur­liðun yfir kröf­­urn­­ar. Þá væri fyr­ir­tækið allt í einu farið að gera þá kröfu að fólk sendi mynd af per­­són­u­skil­­ríki þrátt fyrir að hafa nægj­an­­lega upp­­lýs­ingar til að inn­­heimta af því him­in­háar kröf­­ur. „Fengju lán­tak­endur sund­­ur­liðun í hend­­ur, kæmi lík­­­leg­­ast í ljós að margar kröf­­urnar eru ólög­­mætar og hafi þegar verið greiddar marg­fald­­lega til baka eins og mörg dæmi sanna.“ 

Sam­tökin sögð­ust standa ráð­­þrota gagn­vart þessu fram­­ferði og ekki muna eftir jafn svíns­­legum við­­skipta­háttum og aðför að hópi neyt­anda sem oft sé veikur fyr­­ir. Þá sé með öllu óskilj­an­­legt að lög­­­maður skuli kom­­ast upp með inn­­heimtu á ólög­­legum lánum og að halda mik­il­vægum gögnum frá lán­tak­end­­um. Erindi Neyt­enda­­sam­tak­anna til Lög­­­manna­­fé­lags Íslands vegna starfs­hátta Gísla Kr. Björns­­son­ar,­eig­anda Almennrar inn­heimtu ehf., var vísað frá vegna aðild­­ar­skorts.

Gísli Kr. Björns­­son hefur gefið það út að fyr­ir­tækið sé hætt að veita smá­lán og inn­­heimta smá­lán á hærri vöxtum en 53,75 pró­­sent. Hann hefur enn fremur sagt að Almenn inn­­heimta ehf. hafi útvegað allar sund­ur­lið­anir sem þau hefðu verið beðin um. Neyt­enda­­sam­tökin halda því aftur á móti fram að full­yrð­ingar Gísla stang­ist á við reynslu skjól­­stæð­inga þeirra.



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Áfengi spilar afar stjórt hlutverk í danskri unglingamenningu.
Danskir menntaskólar endurhugsi drykkjumenninguna
Danska heilbrigðisstofnunin hefur sent menntaskólum landsins bréf þar sem óskað er eftir því að hætt verði að gera áfengi hátt undir höfði á viðburðum á vegum skólanna.
Kjarninn 14. ágúst 2022
Vilja gera óperuna aðgengilega fyrir Íslendinga
Kammeróperan ætlar að flytja meistarverkið Così fan tutte eftir Mozart íslensku á óperukvöldverði í Iðnó. Safnað er fyrir verkefninu á Karolina fund.
Kjarninn 14. ágúst 2022
Korn frá Úkraínu loks á leið til Afríku á barmi hungursneyðar
Flutningaskip á vegum Sameinuðu þjóðanna er á leið til Afríku með fullan farm af korni frá Úkraínu. Um er að ræða fyrstu kornflutninga frá Úkraínu til Afríku síðan Rússland réðst inn í Úkraínu.
Kjarninn 14. ágúst 2022
Vindmyllurnar sem yrðu notaðar í vindorkuverið í Hvalfirði yrðu um 250 metrar á hæð. Þær yrðu á fjalli sem er 647 metrar á hæð og því sjást mjög víða að.
Vindorkuverið hefði „veruleg áhrif á ásýnd“ Hvalfjarðar og nágrennis
Hvalfjörður er þekktur fyrir fjölbreytt og fallegt landslag. Stofnanir segja „mjög vandasamt“ að skipuleggja svo stórt inngrip sem vindorkuver er á slíku svæði og að það yrði „mikil áskorun“ að ná sátt um byggingu þess.
Kjarninn 14. ágúst 2022
Mikið var látið með HBO Max þegar streymisþjónustan var kynnt til leiks vorið 2020 og hún auglýst gríðarlega.
Bylting á HBO Max veldur því að veitan kemur seinna til Íslands og efnisframboð minnkar
Bið Íslendinga eftir HBO Max mun lengjast um rúm tvö ár. Ástæðan er sameining móðurfélags HBO við fjölmiðlarisann Discovery. Ný stjórn er í brúnni og allt virðist vera gert til að spara pening.
Kjarninn 14. ágúst 2022
Kristjanía er eins konar undraland í miðri Kaupmannahöfn.
Kristjaníubúar fá tilboð
Danska ríkið hefur gert íbúum Kristjaníu tilboð sem felur í sér umtalsverðar breytingar frá núverandi skipulagi. Íbúum „fríríkisins“ myndi fjölga talsvert ef breytingarnar ganga eftir. Samningaviðræður milli íbúanna og ríkisins standa yfir.
Kjarninn 14. ágúst 2022
Fjármálaeftirlit Seðlabanka Íslands birti samkomulag um sátt við FX Iceland í liðinni viku.
Fékk 2,7 milljóna króna sekt fyrir margháttuð og alvarleg brot á peningaþvættislögum
Annmarkar voru á flestum þáttum starfsemi gjaldeyrisskiptamiðstöðvar sem hóf starfsemi snemma árs 2020. Fyrirtækið stundaði meðal annars áfram viðskipti við aðila eftir að peningaþvættiseftirlitið hafði sent tilkynningu um grunsamleg viðskipti þeirra.
Kjarninn 13. ágúst 2022
Um er að ræða enn eitt skrefið í margþættri rannsókn á tilraunum Trump til þess að halda völdum.
Geymdi háleynileg gögn heima hjá sér
Meðal þess sem alríkislögreglan lagði hald á í húsleit á heimili Donalds Trump voru háleynileg gögn sem ekki má opna nema undir öryggisgæslu innan ríkisstofnana Bandaríkjanna.
Kjarninn 13. ágúst 2022
Meira úr sama flokkiInnlent