Icelandair Group gerir ekki lengur fyrir því að geta notað Boeing 737 MAX vélar sín­ar, sem hafa verið kyrr­settar frá því 12. mars, í rekstri sínum á þessu ári. Fyrri áætl­anir og til­kynn­ingar gerðu ráð fyrir að þær yrðu komnar í gagnið í októ­ber. 

Leigu­samn­ingur einnar af þeim fimm flug­vélum sem félagið bætti við flota sinn í sum­ar, til að lág­marka tjón félags­ins og áhrif kyrr­setn­ing­ar­innar á far­þega og íslenska ferða­þjón­ustu, hefur verið fram­lengdur út októ­ber­mán­uð. Aðrir leigu­samn­ingar um flug­vél­ar, sem gerðir voru vegna kyrr­setn­ingar MAX vél­anna, verða ekki fram­lengd­ir.

Þetta kemur fram í til­kynn­ingu sem Icelandair Group sendi til Kaup­hallar í lok síð­ustu viku. 

Vegna þessa hefur Icelandair aðlagað flug­á­ætlun sína. Heild­ar­sæta­fram­boð félags­ins í nóv­em­ber og des­em­ber verður aukið um tæp­lega þrjú pró­sent miðað við sama tíma­bil 2018 og áhersla verður á að auka það til Evr­ópu. Heild­ar­sæta­fram­boð til Norð­ur­-Am­er­íku dregst hins vegar saman milli ára, sem skýrist aðal­lega af fækkun áfanga­staða frá fyrra ári. 

Áhersla Icelandair verður minna á tengifar­þegar – þá sem stoppa hér­lendis ein­ungis til að taka flug­vél annað – og meiri á að flytja hingað til lands far­þegar sem eru að heim­sækja Ísland sem áfanga­stað.

Slakt upp­­­gjör á fyrri helm­ingi árs

Icelandair Group tap­aði alls 89,4 millj­­ónum dala, um ell­efu millj­­örðum króna, á fyrstu sex mán­uðum árs­ins. Þetta kom fram í hálf­s­ár­s­­upp­­­gjöri félags­­ins sem birt var í fyrr í mán­uð­in­um. Þar sagði að heild­­ar­­tekjur þess hefðu aukist, launa­­kostn­aður lækkað en elds­­neyt­is­­kostn­aður og kostn­aður vegna flug­­­véla­­leigu hækk­­að. 

Ástæðan fyrir slöku upp­­­fjöri var fyrst og síð­­­ast vegna kyrr­­setn­ingar á MAX-­­vélum Icelanda­ir, en félagið hefur þegar fengið sex slíkar afhentar og átti von á þremur til við­­bót­­ar. Vél­­arnar voru kyrr­­settar 12. mars en stefnt hafði verið að því að MAX-­­vél­­arnar myndu sam­svara 27 pró­­sent af sæta­fram­­boði félags­­ins á árinu 2019.

Eig­in­fjár­­hlut­­fall Icelandair lækk­­aði úr 28 í 25 pró­­sent á fyrstu sex mán­uðum árs­ins þrátt fyrir hluta­fjár­­aukn­ingu upp á 5,6 millj­­arða króna á tíma­bil­inu. Hand­­bært fé félags­­ins lækk­­aði um 15,3 millj­­arða króna á fyrstu sex mán­uðum árs­ins, úr um 36,9 millj­­örðum króna í um 21,5 millj­­arð króna.

Icelandair hyggst krefj­­ast 17 millj­­arða króna í skaða­bætur frá Boeing vegna kyrr­­setn­ingar á MAX-­­vél­un­­um.