Aug­lýs­inga­stofan Jóns­son & Le‘macks og ráð­gjaf­ar­fyr­ir­tækið Aton hafa nú sam­ein­ast undir nafn­inu Aton.JL. Í frétta­til­kynn­ingu frá nýja félag­inu segir að með sam­run­anum verði til þekk­ing­ar­fyr­ir­tæki af nýrri teg­und, sér­hæft sam­skipta­fé­lag, sem veiti ráð­gjöf á sviði sam­skipta og stefnu­mót­un­ar. 

Ant­on. JL verður til húsa að Lauga­vegi 26 en starfs­menn fyr­ir­tæk­is­ins verða með sam­ein­ing­unni 42 tals­ins, 30 í Reykja­vík og 12 í Belgrad í Serbíu. Fram­kvæmda­stjóri Ant­on. JL verður Ingvar Sverr­is­son sem er jafn­framt eig­andi ásamt Agn­ari Tr. Lemacks, stjórn­ar­for­manni, Dr. Hugin Frey Þor­steins­syni, ráð­gjafa og Viggó Erni Jóns­syni, ráð­gjafa. 

Haft er eftir Ingvari í til­kynn­ing­unni að nýja félagið geri þeim kleift að þjón­usta við­skipti vini sína betur og sama tíma mæta þörf sem þeir hafi orðið vör við á mark­aðn­um. 

„Jóns­son & Le‘macks hefur á síð­ustu miss­erum verið að þró­ast úr því að vera hefð­bundin aug­lýs­inga­stofa í að sinna ráð­gjöf og skipu­lagðri upp­lýs­inga­gjöf. Með því að sam­ein­ast Aton verður til mjög öfl­ugt sam­skipta­fé­lag sem opnar við­skipta­vinum ný tæki­færi,” segir Agn­ar.