Jón Björns­son, fyrr­ver­andi for­stjóri Fest­is, var tekju­hæsti for­stjóri lands­ins í fyrra með um 28,4 millj­ónir króna á mán­uði. Jón stýrði Festi, sem rekur N1, Krón­una, Elko og Bakk­ann, þangað til í byrjun sept­em­ber í fyrra.

Þar á eftir komu Kári Stef­áns­son, með 27,5 millj­ónir króna á mán­uði, og Róbert Wess­man, for­stjóri Alvogen, með 27,4 millj­ónir króna á mán­uði. Þetta kemur fram í Tekju­blaði Frjálsrar versl­unar sem kom út í morg­un. Greint er frá þessu á vef Við­skipta­blaðs­ins, en útgáfu­fé­lag þess gefur einnig út Frjálsa versl­un.

Íslensk erfða­grein­ing sendi frá sér athuga­semd í morgun þar sem fram kemur að mán­að­ar­laun Kára Stef­áns­sonar hjá fyr­ir­tæk­inu séu 7,5 millj­ónir króna, en ekki sú tala sem til­greind er í tekju­blað­inu. „Mis­mun­ur­inn stafar að mestu af því að Kári Stef­áns­son ákvað leysa til sín sparnað úr sér­eigna­sjóði líf­eyr­is­sjóðs í fyrra. Sú ein­greiðsla bæt­ist við skatt­stofn­inn og þannig verður þessi mis­skiln­ingur til.“

Tekjublöðin, þar sem tekjur val­inna Íslend­inga verða opin­ber­aðar á grund­velli upp­lýs­inga á greiddu útsvari sam­kvæmt álagn­ing­ar­skrám Rík­is­skatt­stjóra (RSK), koma út í dag og á morg­un. Tekju­blað Frjálsrar versl­unar kom, líkt og áður sagði, í versl­anir í dag þriðju­dag en tekju­blað DV kemur út á morg­un, mið­viku­dag.

Í frétt Við­skipta­blaðs­ins um tekjur for­stjóra sam­kvæmt Frjálsri verslun kemur fram að Tómas Már Sig­urðs­son, fyrr­ver­andi for­stjóri Alcoa USA, hafi verið með 14,7 millj­ónir króna í tekjur á mán­uði í fyrra, Valur Ragn­ars­son, fyrr­ver­andi for­stjóri Med­is, hafi verið með 10,4 millj­ónir króna á mán­uði og Grímur Sæmund­sen, for­stjóri og helsti hlut­hafi Bláa Lóns­ins, fékk 10,3 millj­ónir króna í laun á mán­uði árið 2018. Sam­kvæmt þessu voru sex for­stjórar með mán­að­ar­laun sem voru yfir tíu millj­ónum króna á mán­uði.