Sala á áskriftum að enska boltanum umfram væntingar

Hagnaður Símans dróst saman frá sama tímabili í fyrra en er samt samt jákvæður um 1,4 milljarða króna. Áhrif enska boltans á sjónvarpshluta starfseminnar vigta ekki að fullu inn í uppgjör félagsins fyrr en eftir yfirstandandi ársfjórðung.

Enski boltinn er eitt vinsælasta sjónvarpsefni í heimi.
Enski boltinn er eitt vinsælasta sjónvarpsefni í heimi.
Auglýsing

Sím­inn segir að sala að enska bolt­an­um, sem félagið keypti útsend­inga­rétt­inn að fyrir nýhafið tíma­bil sé umfram vænt­ing­ar.  Þetta kemur fram í fjár­festa­kynn­ingu vegna birt­ingar á upp­gjöri Sím­ans fyrir annan árs­fjórð­ung árs­ins 2019 sem var gert opin­bert í gær.

Í til­kynn­ingu til Kaup­hallar er haft eftir Orra Hauks­syni, for­stjóra Sím­ans, að verðið á Sím­inn Sport, sem sýnir leiki úr ensku úrvalds­deild­inni, og Sjón­varps Sím­ans Prem­i­um, en allir áskrif­endur að þeirri leið voru gerðir að áskrif­endum að enska bolt­an­um, hafi með­vitað verið stillt í hóf, meðal ann­ars til að draga úr freist­ingu til ólög­legs streym­is. Áskrift­ar­gjaldið fyrir staka áskrift að Sím­inn Sport, sem er einnig dreift í gegnum kerfi ann­arra fjar­skipta­fyr­ir­tækja, er 4.500 krónur á mán­uði en áskrift­ar­gjaldið fyrir Sjón­varp Sím­ans Prem­ium var hækkað úr 5.000 í 6.000 krónur á mán­uði þegar enska bolt­anum var bætt inn í þann pakka. 

Auglýsing
„Tekjur af sjón­varps­þjón­ustu eru á góðri sigl­ingu. Breyt­ingar í fyrra­haust á verði, til hækk­unar í sjón­varps­þjón­ustu og til lækk­unar á inter­net þjón­ustu, skekkja sam­an­burð­inn á þessum til­teknu vörum milli ára. Keppi­kefli okkar er að fjölga við­skipta­vinum í Sjón­varpi Sím­ans Prem­ium og í Heim­il­i­pakka, en hvort tveggja tókst sem nemur nokkrum þús­undum heim­ila milli ára. Nú þegar enski bolt­inn er orð­inn hluti af Sjón­varpi Sím­ans Prem­ium von­umst við til að sú vara styrk­ist enn frekar í sessi[...]Við erum ekki komin á leið­ar­enda og þurfum að halda áfram og selja fleiri heim­ilum aðgang, en nú er yfir þriðj­ungur heim­ila lands­ins með lög­legt aðgengi að ensku úrvals­deild­inni á langtum hag­stæð­ara verði en áður.“ segir Orri í til­kynn­ing­unni.

Tekjur af sjón­varps­þjón­ustu aukast

Enski bolt­inn vigtar ekki inn í nýbirt upp­gjör Sím­ans, enda hófst hann ekki fyrr en í ágúst en upp­gjörs­tíma­bil­inu lauk í lok júní. Því má búast við að áhrif sölu af áskrift­ar­sölu vegna enska bolt­ans komi fyrst fram þegar upp­gjör fyrir þriðja árs­fjórð­ung árs­ins 2019 verður birt, en það upp­gjörs­tíma­bil gildir frá byrjun júlí og út sept­em­ber næst­kom­andi. Í fjár­festa­kynn­ingu sagði að salan á bæði Prem­ium pökkum og stökum áskriftum gangi vel og séu umfram vænt­ing­ar.

Sím­inn hefur ekki viljað gefa upp hvað félagið greiddi fyrir enska bolt­ann og sagt verðið vera trún­að­ar­mál. Í fjár­festa­kynn­ingu Sím­ans sem birt var í gær kemur þó fram að kostn­aður „við enska bolt­ann er sam­kvæmt vænt­ing­um“.

Tekjur Sím­ans af allri sjón­varps­þjón­ustu juk­ust umtals­vert milli ára. Tekjur vegna Prem­ium pakka juk­ust um 190 millj­ónir króna milli ára, eða 27 pró­sent, og við­skipta­vinum sem eru með þá þjón­ustu fjölg­aði um fimm þús­und. Alls voru tekjur Sím­ans vegna sjón­varps­þjón­ustu 2.631 millj­ónir króna á fyrri hluta árs­ins 2019 sem er 322 millj­ónum krónum meira en á sama tíma­bili í fyrra. Það er vöxtur upp á 13,9 pró­sent. Tekjur vegna sjón­varps­þjón­ustu eru nú 18,7 pró­sent af heild­ar­tekjum félags­ins en voru 14,5 pró­sent í fyrra.

Hagn­aður dregst saman

Allt í allt lækk­uðu rekstr­ar­tekjur Sím­ans á fyrri hluta árs­ins 2018 þegar borið er saman við sama tíma­bil í fyrra. Rekstr­ar­hagn­aður félags­ins var 175 millj­ónum krónum lægri á fyrstu sex mán­uðum árs­ins 2019 en hann var á sama tíma­bili 2018. Rekstr­ar­hagn­aður Sím­ans fyrir fjár­magns­kostn­að, skatta og afskriftir (EBIT­DA), þegar búið er að leið­rétta fyrir áhrifum af inn­leið­ingu nýrra end­ur­skoð­un­ar­staðla og breyttri fram­setn­ingu á sýn­ing­ar­rétti sjón­varps­efn­is, var nei­kvæður um 215 millj­ónir króna.

Auglýsing
Hagnaður félags­ins dróst saman um 327 millj­ónir króna á fyrri hluta árs­ins miðað við sama tíma­bil í fyrra og var 1.413 millj­ónir króna, en um 280 millj­ónir króna þegar búið var að taka til­lit til ofan­greindrar breyt­ingar á upp­gjörs­að­ferð.

Í fjár­festa­kynn­ingu Sím­ans kemur fram að tekjur vegna far­síma­þjón­ustu, gagna­flutn­inga og vöru­sölu hafi lækkað milli ára en að góður gangur í sjón­varps­þjón­ustu, upp­lýs­inga­tækni og „öðru“ vegi þar upp á mót­i. 

Sam­an­lögð lækkun far­síma­tekna af reiki og heild­sölu nam til að mynda um 200 millj­ónum króna á milli ára og breyt­ingar á verð­lagn­ingu í ágúst 2018 höfðu áhrif til lækk­unar á inter­net­tekjum en til hækk­unar á sjón­varps- og tal­síma­tekj­u­m. 

Sýn birtir í dag

Helst sam­keppn­is­að­ili Sím­ans, fjöl­miðla- og fjar­skipta­fé­lagið Sýn, mun birta sitt hálfs­árs­upp­gjör í dag. Félagið sendi út afkomu­við­vörun fyrir rúmri viku þar sem fram kom að tekjur fyrir árið 2019 vegna fjöl­miðla og fjar­­skipta hafi verið ofá­ætl­­aðar um tæpar 400 millj­­ónir króna í fyrri áætlun og að kostn­aður við útsend­ingar miðla van­á­ætl­­aður um 160 millj­­ónir króna. Til sam­an­burðar þá var árs­hagn­aður Sýnar í fyrra 473 millj­ónir króna, sem var 57 pró­sent lækkun frá árinu áður.

Sýn hélt áður á sýn­ing­ar­rétt­inum á enska bolt­anum og var hann eitt helsta flagg­skipið í vöru­fram­boði félags­ins þegar kom að íþrótta­af­þr­ey­ingu, sem miðla Sýnar hafa verið leið­andi í árum sam­an. 

Auglýsing
Í sam­runa­skrá vegna kaupa Sýnar á miðlum 365, sem var óvart birt á vef Sam­keppn­is­eft­ir­lits­ins með trún­að­ar­upp­lýs­ingum vorið 2017, kom fram að um þrjú þús­und áskrif­endur væru að Sport­pakka Stöðvar 2 og tæp­lega 1.400 manns með Risa­pakk­ann, sem inni­heldur einnig íþrótta­stöðv­arn­ar. Í grein­ingu Arion banka á Sýn, sem birt var í jan­úar síð­ast­liðn­um, var áætlað að um fimm þús­und við­skipta­vinir gætu farið frá félag­inu sam­hliða því að það missir enska bolt­ann. Út frá þeim for­sendum spáði grein­ingin fyrir um tekju­sam­drátt hjá Sýn á árinu 2020.

Fjar­skipta­hluti Sýnar selur vörur sínar undir merkjum Voda­fo­ne. Í árs­hluta­reikn­ingi Sím­ans kemur fram að Voda­fone hafi lagt fram kvörtun til Sam­keppn­is­eft­ir­lits­ins vegna fyr­ir­komu­lags við sölu á útsend­ingum frá ensku úrvals­deild­inni og gert kröfu um heild­sölu­að­gang að Sím­inn Sport. Sam­keppn­is­eft­ir­litið birti frum­mat sitt í júlí og taldi að ákveðið fyr­ir­komu­lag gæti farið í bága við sam­kepp­inslög og afleiddar ákvarð­an­ir. Stofnun hafi þó und­ir­strikað að um frum­mat væri að ræða sem gæti breyst og kall­aði sam­hliða eftir frek­ari gögn­um. Í árs­hluta­reikn­ingnum segir að Sím­inn telji að „af­staða Sam­keppn­is­eft­ir­lits­ins sé í and­stöðu við fyrri fram­kvæmd og án stuðn­ings til við­hlít­andi gagna. Félagið er þeirrar skoð­unar að fyr­ir­komu­lag um sölu á þjón­ustu félags­ins sé fylli­lega í sam­ræmi við sam­keppn­is­lög.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Donald Trump, forseti Bandaríkjanna.
Tæpur þriðjungur Miðflokksmanna myndi kjósa Trump
Prófessor í stjórnmálafræði við Háskóla Íslands segir að hátt hlutfall Miðflokksmanna sem styður Trump fylgi ákveðnu mynstri viðhorfa sem hafi mikið fylgi meðal kjósenda lýðflokka Vestur-Evrópu.
Kjarninn 2. júní 2020
Vaxtabótakerfið var einu sinni stórt millifærslukerfi. Þannig er það ekki lengur.
Vaxtabætur halda áfram að lækka og sífellt færri fá þær
Á örfáum árum hefur fjöldi þeirra fjölskyldna sem fær vaxtabætur helmingast og upphæði sem ríkissjóður greiðir vegna þeirra dregist saman um milljarða. Þetta er vegna betri eiginfjárstöðu. En hærra eignarverð leiðir líka til hærri fasteignagjalda.
Kjarninn 2. júní 2020
Óskar Steinn Jónínuson Ómarsson
Tengsl bæjarstjórahjóna við Kviku banka vekja spurningar
Leslistinn 2. júní 2020
Gylfi Zoega, prófessor í hagfræði.
Ekki æskilegt að einblína á fjölgun starfa í ferðaþjónustu í hálaunalandi eins og Íslandi
Prófessor í hagfræði segir að ferðaþjónusta sé grein sem þrífist best í löndum þar sem vinnuafl er ódýrt. Endurreisn ferðaþjónustu í sömu mynd og áður sé því varla æskileg, enda hafi hún að uppistöðu verið mönnum með innfluttu vinnuafli.
Kjarninn 1. júní 2020
Barnabætur og sérstakur barnabótaauki skilaði 15 milljörðum til barnafjölskyldna
Íslenska barnabótakerfið hefur verið harðlega gagnrýnt undanfarin ár fyrir að vera fyrst og fremst nokkurs konar fátækrahjálp við tekjulágar fjölskyldur. Tekjutengdu bæturnar hækkuðu lítillega í fyrra og sérstakur barnabótaauki var greiddur út á föstudag.
Kjarninn 1. júní 2020
Þorsteinn Már Baldvinsson, er annar forstjóra Samherja.
Sjávarútvegsfyrirtæki fengu 175 milljónir króna úr hlutabótaleiðinni
Tvö dótturfyrirtæki Samherja skera sig úr á meðal sjávarútvegsfyrirtækja sem nýttu hlutabótaleiðina. Alls voru 245 starfsmenn þeirra settir á leiðina. Samstæðan ætlar að endurgreiða ríkissjóði greiðslurnar sem hún fékk.
Kjarninn 1. júní 2020
Eiríkur Rögnvaldsson
Tölum íslensku við útlendinga
Kjarninn 1. júní 2020
Unnur Sverrisdóttir, forstjóri Vinnumálastofnunar.
Fyrirtækin sem ætla að endurgreiða hlutabætur fá reikning í vikunni
Stöndug fyrirtæki sem nýttu sér hlutabótaleiðina, en hafa óskað eftir því að fá að endurgreiða það sem þau fengu úr ríkissjóði í gegnum hana, munu fá send skilaboð í vikunni um hvað þau skulda og hvernig þau eiga að borga.
Kjarninn 1. júní 2020
Meira úr sama flokkiInnlent