Felli­bylur sem gengur undir nafn­inu Dori­an, gekk yfir Bahama eyjar þegar hann hafði ná styrk­leika 5, eða efsta styrk. 

Vind­hraði hefur verið mestur yfir 280 kíló­metrar á klst. en fast­lega er búist við því að felli­byl­ur­inn muni skilja eftir sig mikla eyði­legg­ingu, þrátt fyrir mik­inn við­búnað yfir­valda og íbú­a. 

Dorian nálg­ast nú Flor­ída skaga, og mun hann lenda á skag­anum í kvöld og getur skap­ast af honum mikil hætta fram á mið­viku­dag, sam­kvæmt upp­lýs­ingum frá National Hurricane Center. 

Í Flór­ída býr 21,3 milljón íbúa en hættu­á­standið verður mest á aust­ur­strönd skag­ans og er búist við að mörg hund­ruð þús­und manns muni yfir­gefa heim­ili sín vegna hætt­unnar í dag. Mik­ill umferð­ar­þungi var af aust­ur­strönd­inni um helg­ina, enda er þegar búið að lýsa yfir neyð­ar­að­stæð­um.

Veð­urofsar eins og sá sem fylgir Dorian hafa verið tíðir í Banda­ríkj­unum á und­an­förnum árum. Fátítt er þó að felli­bylir í efsta styrk­leika gangi yfir, en á und­an­förnum árum hefur það færst í auk­ana. 

Yfir­völd í Banda­ríkj­unum hafa hvatt til var­úðar vegna Dori­an, og segja að fylgst sé náið með gangi mála, og í sam­starfi við rík­is­stjórn Flór­ída verði reynt að tryggja öryggi og koma í veg fyrir eyði­legg­ingu, eftir því sem kostur er. 

Mest er hættan í kringum Palm Beach og þá er einnig talið lík­legt að Miami geti farið illa út úr því þegar Dorian kemur að land­i.