Ugla Stefanía: Nei, það er ekki búið að skipta um þjóðfána

Formaður Trans Íslands róar Guðmund Oddsson, formann Golf­klúbbs Kópa­vogs og Garðabæj­ar, en hann hafði viðrað áhyggjur sínar af því að Ísland væri búið að skipta um þjóðfána. Hann hefur síðan beðið félagsmenn klúbbsins afsökunar á skrifum sínum.

Uglu Stefaníu Kristjönudóttur Jónsdóttur
Uglu Stefaníu Kristjönudóttur Jónsdóttur
Auglýsing

Ugla Stef­anía Krist­jönu­dóttir Jóns­dótt­ir, kynja­fræð­ingur og ­for­maður Trans Íslands, svarar fyrr­ver­andi skóla­­stjór­anum Guð­mund­i Odds­­syni og for­manni Golf­­klúbbs Kópa­vogs og Garða­bæj­­ar í aðsendri grein í Morg­un­blað­inu í morgun en hann hafði meðal ann­­ars áhyggjur af því hvort búið væri að skipta þjóð­fána Íslend­inga út fyr­ir regn­­boga­­fán­ann.

Hann viðr­aði skoð­anir sínar í grein í Morg­un­blað­inu í fyrra­dag um við­brögð ýmissa fyr­ir­tækja við heim­sókn vara­for­seta Banda­ríkj­anna, Mike Pence, í síð­ustu viku en mörg hver flögg­uðu regn­boga­fán­anum til að styðja við mál­stað hinsegin fólks.

Guð­mund­ur bað fé­lags­­menn í golf­klúbbnum af­­sök­un­ar á grein­inni í gær­kvöldi í gegnum tölvu­póst sem Kjarn­inn hefur undir hönd­um. Í honum segir hann að hann hafi orðið þess áskynja að hanni hafi sært ákveðna félags­menn með þess­ari grein en að það hafi aldrei verið ætl­un­in. „Mér þykir það leitt og bið þá sem það á við inni­legrar afsök­un­ar,“ skrifar hann.

Auglýsing

Pence þekktur fyrir grófa for­dóma gagn­vart hinsegin fólki 

„Ekki er að undra að Guð­mundi hafi fund­ist regn­boga­fána­málið frekar dramat­ískt, enda ekki á hverjum degi sem þjóð­ar­leið­togi ann­ars ríkis kemur á klak­ann. Ekki er Mike Pence heldur bara hvaða þjóð­ar­leið­togi sem er, heldur þjóð­ar­leið­togi sem er þekktur fyrir grófa for­dóma gagn­vart hinsegin fólki í þokka­bót,“ skrifar Ugla Stef­anía í grein sinni.

Hún útskýrir ítar­lega ástæðu þess að regn­boga­fán­inn blakti við hún þegar vara­for­set­inn kom til lands­ins. „Hún var sú að Mike Pence, vara­for­seta Banda­ríkj­anna, finnst að það sé í lagi að reka fólk eins og mig úr vinnu og neita mér um þjón­ustu fyrir það eitt að vera eins og ég er. Ekki finnst honum það bara í lagi, heldur hefur staðið fyrir laga­setn­ingum og breyt­ingum á lögum sem leyfa það.

Hann styður sömu­leiðis svo­kall­aðar „af­homm­un­ar­búð­ir“, þar sem er reynt að fá fólk til að hætta að vera hinsegin með öfga­fullum hætti, eins og t.d. pynt­ing­um, heila­þvotti og ofbeldi. En það veit allt vel þenkj­andi fólk að ekki er hægt að neyða fólk til að vera eitt­hvað sem það er ekki, enda held ég að þá eng­inn myndi vera hinseg­in.“

Hinsegin dagar lengi verið mik­il­vægur hluti af íslenskri dæg­ur­menn­ingu

Henni finnst jafn­framt mik­il­vægt að árétta að Hinsegin dagar séu hátíð sem hefur verið til í nær tvo ára­tugi – og í raun lengur ef kröfu­göngur frá ’93 og ’94 séu taldar með – en ekki ein­ungis nokkur ár eins og Guð­mundur tel­ur.

Hinsegin dagar hafi því lengi verið mik­il­vægur hluti af íslenskri dæg­ur­menn­ingu. „Mér þykir það miður að Guð­mundi þyki ekki mikið til hátíð­ar­innar koma og hvet ég hann og allt það fólk sem hefur ekki gert það nú þegar að skella sér á næsta ári. Við munum taka vel á móti ykk­ur. Þar eru ýmsir fræðslu­við­burð­ir, skemmt­an­ir, ganga og annað skemmti­legt og efl­andi fyrir gesti og gang­andi. Þessi hátíð er haldin til að vekja athygli á hinsegin mál­efnum og hverju þarf enn að berj­ast fyrir svo við getum öll lifað í rétt­látu og frjálsu sam­fé­lagi – og auð­vitað til þess að fagna fjöl­breyti­leik­anum í okkar litla og víð­sýna sam­fé­lag­i,“ skrifar hún.

Guð­mundur þarf litlar áhyggjur að hafa

Í grein sinni spyr Guð­mundur hvers fólk sem er ekki hinsegin eigi nú að gjalda. „Ég get huggað Guð­mund með því að hann þurfi nú að hafa litlar áhyggjur af því, enda er staða fólks sem er ekki hinsegin yfir­burða­góð. Engin lög eru í gildi neins staðar í heim­inum sem hefta frelsi þess né þarf það að ótt­ast for­dóma, skiln­ings­leysi og jafn­vel ofbeldi fyrir það eitt að vera ekki hinseg­in. En það er alltaf í mynd­inni að stofna bara sína eigin hátíð og sýna þannig frum­kvæði. Það ætti nú að vera lítið mál ef áhyggj­urnar eru ein­lægar og drif­kraft­ur­inn til stað­ar.“

Enn fremur hefur Guð­mundur áhyggjur af börnum og við­kvæmri stöðu þeirra í skrifum sín­um. „Mér finnst það frá­bært að hann láti sig mál­efni barna varða, enda er það eitt­hvað sem er mikið bar­áttu­mál fyrir mér að börnum á Íslandi líði vel. Hinsegin ung­menni upp­lifa mikla van­líðan vegna þess að þau geta ekki verið þau sjálf og upp­lifa jafn­vel ein­elti í skólum fyrir það að vera hinsegin eða sýna hegðun sem fellur út fyrir norm­ið. Það er því rosa­lega mik­il­vægt að við byggjum frjálst og rétt­látt sam­fé­lag þar sem fólk getur verið það sjálft og fengið að vera ham­ingju­sam­t.“

Trans fólk full­kom­lega fært um að eign­ast börn

Að lokum bendir Ugla Stef­anía á að eng­inn þurfi að hafa sér­stakar áhyggjur af lít­illi fjölgun þjóð­ar­inn­ar, eins og Guð­mundur virð­ist hafa. „Ís­lend­ingar hafa aldrei verið fleiri og þrátt fyrir að fæð­ing­ar­tíðni hafi lækkað hér­lendis þá efast ég stór­lega um að það sé vegna trans fólks. Trans fólk er nefni­lega full­kom­lega fært um að eign­ast börn líkt og allt annað fólk.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Flestir Íslendingar breyttu ekki áfengisnotkun sinni í faraldrinum
Fimmtán prósent Íslendinga drukku oftar eða mun oftar en venjulega í mars og apríl en flestir breyttu þó ekki áfengisnotkun sinni á þessu tímabili.
Kjarninn 6. júní 2020
Björn Leví Gunnarsson, þingmaður Pírata.
Björn Leví: Höfum hjakkað í sama farinu
„Á undanförnum árum höfum við verið að hjakka í sama farinu. Við höfum verið að nýta okkur þennan enn eina hvalreka sem ferðaþjónustan hefur verið,“ segir þingmaður Pírata.
Kjarninn 6. júní 2020
Leikhópurinn Lotta: Bakkabræður
Bakkabræður teknir í samfélagssátt
Leiklistargagnrýnandi Kjarnans fjallar um Bakkabræður í uppsetningu Leikhópsins Lottu.
Kjarninn 6. júní 2020
Heil vika án nýrra smita
Nýgreind smit síðasta sólarhringinn: Núll. Greind smit síðustu sjö sólarhringa: Núll. Í dag eru tímamót í baráttu Íslendinga gegn COVID-19. Í baráttunni gegn litla gaddaboltanum, veirunni sem virðist ekki hafa tekist að finna líkama að sýkja í viku.
Kjarninn 6. júní 2020
Jói Sigurðsson, sem sést hér fyrir miðju á myndinni og Þorgils Sigvaldason, sem stendur lengst til hægri, fengu hugmyndina að CrankWheel árið 2014.
Hafa tekist á við vaxtarverki vegna heimsfaraldursins
CrankWheel er íslenskt nýsköpunarfyrirtæki sem hefur vaxið nokkuð að undanförnu vegna áhrifa kórónuveirufaraldursins, enda gerir tæknilausn fyrirtækisins sölufólki kleift að leysa störf sín af hendi úr fjarlægð.
Kjarninn 6. júní 2020
180⁰ Reglan
180⁰ Reglan
180° Reglan – Viðtal við Christof Wehmeier
Kjarninn 6. júní 2020
Víða í Bandaríkjunum standa yfir mótmæli í kjölfar morðsins á George Floyd.
Vöxtur Antifa í Bandaríkjunum andsvar við uppgangi öfgahægrisins
Bandarískir ráðamenn saka Antifa um að bera ábyrgð á því að mótmælin sem nú einkenna bandarískt þjóðlíf hafi brotist út í óeirðir. Trump vill að hreyfingin verði stimpluð sem hryðjuverkasamtök en það gæti reynst erfitt.
Kjarninn 6. júní 2020
Hugmyndir um að hækka vatnsborð Hagavatns með því að stífla útfall þess, Farið, eru ekki nýjar af nálinni.
Ber að fjalla um hugsanlega áfangaskiptingu Hagavatnsvirkjunar
Íslenskri vatnsorku ehf. ber að sögn Orkustofnunar að fjalla um hugsanlega áfangaskiptingu fyrirhugaðrar Hagavatnsvirkjunar í frummatsskýrslu. Þá ber fyrirtækinu einnig að bera saman 9,9 MW virkjun og fyrri áform um stærri virkjanir.
Kjarninn 6. júní 2020
Meira úr sama flokkiInnlent