Guð­mundur Ingi Guð­brands­son, umhverf­is- og auð­linda­ráð­herra,, gagn­rýndi Rick Perry, orku­mála­ráð­herra Banda­ríkj­anna, fyrir laga­setn­ingu um bann við hjóna­bandi sam­kyn­hneigðra sem hann stóð fyrir á meðan að Perry var rík­is­stjóri í Texa­s-­ríki, á fundi þeirra og Katrínar Jak­obs­dóttur for­sæt­is­ráð­herra á fimmtu­dag. 

Guð­mundur Ingi greinir frá þessu í stöðu­upp­færslu á Face­book og sagði við Perry að hann væri sjálfur sam­kyn­hneigður og stjórn­völd bæru ríka ábyrgð á laga­setn­ingu sem þess­ari. „Þau gætu ekki ein­fald­lega skýlt sér á bak við atkvæða­greiðslur almenn­ings um þær. Perry hefur meðal ann­ars líkt sam­kyn­hneigð við alkó­hól­isma og er mót­fall­inn því að sam­kyn­hneigðir geti ætt­leitt börn.“

Perry var staddur hér á landi til að taka þátt í Arctic Circle-ráð­stefn­unni sem fram fór í Hörpu síð­ustu daga. Lítið hefur verið gefið upp um inni­hald fund­ar­ins en Guð­mundur Ingi segir í stöðu­upp­færsl­unni sem birt­ist í gær­kvöldi að skila­boðin varð­andi loft­lags­málin hafi verið skýr „og við lögðum t.a.m. á mik­il­vægi alþjóð­legrar sam­vinnu og það að Banda­ríkin verði aftur með í Par­ís­ar­sam­komu­lag­inu.

Rick Perry sótt­ist eftir því að vera for­seta­efni Repúblikana­flokks­ins í for­seta­kosn­ing­unum 2012 og 2016, en án árang­urs. Don­ald Trump gerði hann að orku­mála­ráð­herra eftir að hann tók við emb­ætt­inu. Perry var áður rík­is­stjóri í Texas í fimmtán ár og var þekktur fyrir afar íhalds­sama stefnu þegar kom að ýmsum mann­rétt­inda­mál­um. Hann er yfir­lýstur and­stæð­ingur fóst­ur­eyð­inga og hjóna­banda sam­kyn­hneigðra auk þess sem hann er ötull tals­maður dauða­refs­inga, en umfang þeirra jókst mikið í Texas á meðan að hann var þar rík­is­stjóri.

Bauð sig nýverið fram til vara­for­manns

Guð­­mundur Ingi er fyrr­ver­andi fram­­kvæmda­­stjóri Land­verndar og var beð­inn um að koma inn í rík­­is­­stjórn Katrínar Jak­obs­dóttur eftir að náðst hafði saman um myndun hennar síðla árs 2017. Hann hefur gegnt emb­ætti umhverf­is- og auð­linda­ráð­herra utan þings frá þeim tíma. Hann hefur aldrei verið í fram­­boði til Alþingis eða beinn þátt­tak­andi í flokkapóli­­tík til þessa. Þess vegna hefur farið lítið fyrir afstöðu hans í málum sem snúa ekki beint að þeim mála­flokki sem hann stýrir í opin­berri umræð­u. 

Guð­­mundur Ingi til­kynnti fyrir um viku að hann hefði ákveðið að bjóða sig fram til vara­­for­­manns Vinstri grænna, og þar með hefja hefð­bundna stjórn­mála­þátt­töku. Það gerði hann einnig í gegnum stöðu­upp­færslu á Face­book þar sem sagði m.a.: „Ég vil sjá enn fleira umhverf­is­vernd­­ar­­fólk í brúnni í íslenskum stjórn­­­málum og hef því ákveðið að bjóða mig fram til vara­­for­­manns Vinstri grænna á lands­fundi flokks­ins nú í októ­ber. Ég hlakka til að hlusta og heyra, móta og taka þátt í að skapa betri og líf­væn­­legri heim fyrir okkur öll, afkom­endur okkar og aðrar líf­verur á Jörð­inn­i.“