Kemur í ljós hversu mikil áhrif almenningssamráðið mun hafa

Í kvöld lýkur margháttuðu almenningssamráði um stjórnarskrána. Markmiðið með samráðinu er að tryggja að rödd almennings fái að hjóma í nefndarvinnu formanna þingflokkanna um endurskoðun stjórnarskrárinnar.

Þögul mótmæli við þingsetningu
Auglýsing

Rúm­lega þús­und manns hafa tekið þátt í umræðum á sam­ráðsvefnum Betra Ísland þar sem almenn­ingi gefst kostur á að koma á fram­færi eigin hug­myndum um stjórn­ar­skrár­breyt­ingar og afla þeim stuðn­ings. 

Sam­ráðsvef­ur­inn er hluti af almenn­ings­sam­ráði um end­ur­skoðun stjórn­ar­skrár­innar og um helg­ina fór jafn­framt fram rök­ræðukönnun um nokkur ákvæði stjórn­ar­skrár­inn­ar. Nið­ur­stöður sam­ráðs­ins verða kynntar fyrir for­manna­nefnd allra flokka á Alþingi sem vinna nú að end­ur­skoð­un ­stjórn­ar­skrár­inn­ar. 

Ákveðin áskorun að vekja áhuga fólks á stjórn­ar­skránni

Há­skóli Ís­lands (HÍ) og Betra Ísland standa saman að sam­ráð­in­u en mark­mið þess er að styðja við end­ur­skoðun stjórn­valda á stjórn­ar­skránni og tryggja að rödd almenn­ings hafi væg­i. ­Sam­ráð­inu lýkur á mið­nætti í dag, sunnu­dag­inn 10. nóv­em­ber.

Auglýsing

Ein af þremur skrefum sam­ráðs­ins er sam­ráðsvefur Betra Íslands þar sem hægt er að setja fram hug­myndir um stjórn­ar­skrár­breyt­ing­ar, afla þeim stuðn­ings og rök­ræða þær frek­ar. Í frétta­til­kynn­ingu frá Betra Íslandi kemur fram að yfir 15.000 manns hafa heim­sótt vef­inn. Aftur á móti hafa aðeins rúm­lega þús­und manns skráð sig inn og tekið beinan þátt í rök­ræð­u­m. 

Róbert Bjarna­son, einn af stofn­endum Betra Íslands og fram­kvæmda­stjóri Íbúa ses, segir í sam­tali við Kjarn­ann að þau sem standi að verk­efn­in­u hafi gert sér grein fyrir að það væri ákveðin áskorun að vekja áhuga fólks á stjórn­ar­skránn­i. 

Til að mynda hafi komið fram í nið­ur­stöðum skoð­ana­könn­unar fé­lags­vís­inda­stofn­unar Háskóla Íslands á við­horfum almenn­ings til stjórn­ar­skrár­inn­ar, sem fram­kvæmd var í sum­ar, að aðeins 4 pró­sent telja sig hafa mikla þekk­ingu á stjórn­ar­skránn­i. 

Róbert segir því að þátt­takan á sam­ráðsvefnum stand­ist nokkuð vel vænt­ingar og svip­aðar tölur megi finna í öðrum sam­ráðs­vett­vöngum hjá stofn­un­inni. Róbert seg­ist jafn­framt vera ánægður með breidd­ina í þeim hug­myndum sem birt hafa verið á vefnum og að mikið af nýjum rökum með og á móti breyt­ing­ar­til­lög­unum hafi komið í ljós. 

Stjórn­ar­skrár­leikur og rök­ræðu­fundur

Til við­bótar við sam­ráðsvef­inn hefur HÍ og Betra Ísland líka þróað stjórn­ar­skrár­leik sem hægt er að spila á net­inu sem heitir Þín eigin stjórn­ar­skrá. Mark­mið leiks­ins er að gera hönnun stjórn­ar­skrár að skilj­an­legu og skemmti­legu verk­efn­i. 

Róbert Bjarnason, framkvæmdastjóri Íbúa ses.Róbert segir að mikið af fólki þyki stjórn­ar­skráin flókin en að hans mati er stjórn­ar­skráin í raun með ein­fald­ari og hnit­mið­aðri lögum lands­ins. ­Með þessum nýjum skrefum í almenn­ings­sam­ráði sé því von­ast eftir því að auka vit­und og skiln­ing almenn­ings, ekki síst yngra fólks um stjórn­ar­skrána og þau mik­il­vægu mál­efni sem hún fjallar um.

Þriðja skrefið í þessu almenn­ings­sam­ráði er rök­ræðu­fundur um breyt­ingar á stjórn­ar­skrá sem fór fram um helg­ina í Laug­ar­dals­höll á vegum For­sæt­is­ráðu­neyt­is­ins og HÍ. Tekið var 300 manna úrtak úr þeim hópi sem tók þátt í skoð­ana­könn­un­inni í sumar og þeim boðið að taka þátt í rök­ræðukönn­un­inn­i. 

Rök­ræðukönn­unin fer þannig fram að þátt­tak­endum er skipt í hópa sem ræða við­fangs­efni út frá rökum með og á móti ýmsum til­lögum undir stjórn umræðu­stjóra. Að loknum umræðum um hvert efni gefst þátt­tak­endum tæki­færi á sam­tali við sér­fræð­inga í pall­borðsum­ræð­um. Við­horfskönnun fer fram í upp­hafi fundar og einnig í lok hans og þannig er kannað hvort breyt­ingar verði á við­horfum fólks við að taka þátt í rök­ræðukönn­un­inni.

Rök­ræðukönn­unin um helg­ina tók fyrir nokkur atriði sem byggð eru á minn­is­blaði for­sæt­is­ráð­herra. Það eru ákvæði um emb­ætti for­seta Íslands, þjóð­ar­at­kvæða­greiðslur og þjóð­ar­frum­kvæði, Lands­dóm, breyt­ingar á stjórn­ar­skrá, kjör­dæma­skipt­ingu og atkvæða­vægi og alþjóða­sam­starf og fram­sal vald­heim­ilda. 

Nið­ur­stöð­urnar kynntar fyrir for­manna­nefnd­inni

Katrín Jakobsdóttir, forsætisráðherra. Mynd: Bára Huld BeckNið­ur­stöður sam­ráðsvefs­ins, rök­ræðu­fund­ar­ins og skoð­ana­könn­un­ar­innar verða síðan teknar saman og kynntar fyrir nefnd um end­ur­skoðun stjórn­­­ar­­skrár­innar með öllum for­­mönnum flokka sem eiga full­­trúa á Alþing­i. 

Sú nefnd vinnur nú að breyt­ing­ar­til­lögum sem lagðar verða fyrir Alþingi og í maí síð­­ast­liðnum lagði for­­sæt­is­ráð­herra fram tvö frum­varps­drög er varða breyt­ingar á stjórn­­­ar­­skránni til umsagnar í sam­ráðs­­gátt stjórn­­­valda. Ann­­­ars vegar er um að ræða frum­varp um umhverf­is­vernd og hins vegar frum­varp um auð­lindir í nátt­úru Íslands. 

Nú kemur að póli­tíkus­un­um 

Róbert segir að með þessum þremur mis­mun­andi sam­ráðs­leiðum sé verið að reyna koma rödd almenn­ings inn í nefnd­ar­vinnu for­mann­anna á Alþingi. Hann segir það hins vegar eiga eftir að koma í ljós hversu mikil áhrif nið­ur­stöður sam­ráðs­ins hafa á vinnu nefnd­ar­inn­ar. „Nú kemur að póli­tíkus­unum að fara eftir þessum nið­ur­stöð­u­m,“ segir Róbert.

Hann segir jafn­framt að ástæða þess að Betra Ísland og HÍ hafi ákveðið að taka þátt í þessu ferli hafi verið af því að allir stjórn­mála­flokk­arnir á þingi taki þátt í end­ur­skoð­un­inni. Hann segir að ef þetta hefði aðeins verið vinna rík­is­stjórn­ar­flokk­anna þriggja þá hefðu þeir eflaust ekki tekið þátt en þar sem for­menn allra flokk­anna séu að taka þátt þá sé þessi vinna lík­legru til árang­urs.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Smitum hefur fækkað mikið síðustu daga.
Smit á einni viku ekki færri síðan í júlí
Á sjö dögum hafa þrettán greinst með kórónuveiruna innanlands. Undanfarna sex daga hafa allir verið í sóttkví við greiningu. Á þeim 333 dögum sem liðnir eru frá því fyrsta tilfelli COVID-19 var greint á Íslandi hafa 78 dagar reynst smitlausir.
Kjarninn 27. janúar 2021
Björn Leví Gunnarsson, þingmaður Pírata.
Björn Leví: Bann við tjáningu skaðlegra en tjáningin sjálf
Tveir þingmenn Pírata og Sjálfstæðisflokksins ræddu á þingi í dag hvort réttlætanlegt væri að gera það refsivert að afneita helförinni.
Kjarninn 27. janúar 2021
Arnheiður Jóhannsdóttir
Endurreisum ferðaþjónustuna með nýjum áherslum
Kjarninn 27. janúar 2021
Hækka veðhlutfall og lækka vexti
Gildi lífeyrissjóður hefur ákveðið að hækka veðhlutfall sjóðfélagalána og lækka breytilega vextir sjóðsins um 10 til 20 punkta í næstu viku.
Kjarninn 27. janúar 2021
Til ársins 2040 þarf líklega um 36 þúsund íbúðir í heild til að mæta metinni undirliggjandi íbúðaþörf landsins, að mati HMS.
Áform um 950 hlutdeildarlánaíbúðir á landsvísu þegar samþykkt
Fram kemur í nýrri skýrslu um stöðu húsnæðismarkaðarins að HMS hafi samþykkt áform um byggingu alls 950 hagkvæmra íbúða til þessa. 362 þessara íbúða verða á höfuðborgarsvæðinu.
Kjarninn 27. janúar 2021
Helgi Hrafn Gunnarsson er fyrsti flutningsmaður tillögunar.
Vilja banna veðsetningu kvóta og binda gjaldtöku fyrir afnot auðlinda í stjórnarskrá
17 stjórnarandstöðuþingmenn hafa lagt fram breytingartillögu við stjórnarskrárfrumvarp forsætisráðherra. Þeir vilja að auðlindaákvæðið verði í samræmi við breytingartillögu stjórnskipunar- og eftirlitsnefndar við frumvarp um nýja stjórnarskrá.
Kjarninn 27. janúar 2021
Sameiginlega sýnin um þéttara borgarsvæði er að teiknast upp
Í nýrri þróunaráætlun höfuðborgarsvæðisins 2020-2024 er gert ráð fyrir að 66 prósent nýrra íbúða sem klárast á tímabilinu verði árið 2040 í grennd við hágæða almenningssamgöngur, þar af 86 prósent nýrra íbúða í Kópavogi.
Kjarninn 27. janúar 2021
Sumarhús gengu kaupum og sölum fyrir tæpa 10 milljarða á Íslandi í fyrra.
Íslendingar keyptu sumarhús fyrir næstum 10 milljarða árið 2020
Metár var á markaði með sumarhús í fyrra. Viðskipti hafa aldrei verið fleiri og aldrei hefur jafn miklu fé verið varið til kaupanna, samkvæmt tölum frá Þjóðskrá. Svipað var uppi á teningnum í Noregi, á þessu ári veiru og vaxtalækkana.
Kjarninn 27. janúar 2021
Meira úr sama flokkiInnlent