Krist­ján Þór Júl­í­us­son, sjáv­ar­út­vegs- og land­bún­að­ar­ráð­herra, hefur lagt til breyt­ing­ar á inn­flutn­ings­kröfum fyrir hunda og ketti. Hann leggur meðal ann­ars til að ein­angr­un ­dýr­anna hér á landi verði stytt úr fjórum vikum í tvær vik­ur.

Þetta kemur fram í reglu­gerð­ar­drögum ráð­herra sem birt hafa verið í sam­ráðs­gátt stjórn­valda. 

Heima­sótt­kví fyrir hjálp­ar­hunda

Í drög­unum eru hjálp­ar­hundar jafn­framt sér­stak­lega skil­greindir en þeir skulu sæta sömu inn­flutn­ings­skil­yrðum og aðrir hundar að því und­an­skildu að 14 sól­ar­hringa ein­angrun geti farið fram í heima­sótt­kví undir eft­ir­liti Matvælastofnunar.

Breyt­ing­ar­til­lög­urnar byggja á áhættu­mati frá Preben Wil­leberg, fyrrum yfir­dýra­lækni Dan­merk­ur, og sér­fræði­á­liti Mat­væla­stofn­unar en í frétt Stjórn­ar­ráðs­ins um reglu­gerð­ar­drögin segir að ekki sé litið svo á að verið sé að slaka á kröfum heldur er öðrum aðferðum beitt til þess að halda uppi sömu eða jafn­vel meiri vörnum gegn smit­sjúk­dómum en nú er gert.

Hægt er að senda inn umsagnir um reglu­gerð­ina til 3. jan­úar næst­kom­andi.