Dennis A. Mui­len­burg, sem var rek­inn úr for­stjóra­stóli flug­véla­fram­leið­and­ans Boeing í des­em­ber síð­ast­liðn­um, mun fá 62,2 millj­ónir dali, tæp­lega 7,7 millj­arða króna, í formi hluta­bréfa og líf­eyr­is­rétt­inda að skiln­að­i. 

Fyr­ir­tækið greindi frá þessu í gær. Sam­kvæmt frá­sögn The New York Times mun Mui­len­burg hins vegar ekki fá neinar við­bótar starfs­loka­greiðslur vegna brott­rekst­urs síns og Boeing segir að hann hafi gefið eftir við­bótar hluta­bréfa­hlunn­indi sem metin séu á 14,6 millj­ónir dali, um 1,8 millj­arð króna.

Háar greiðslur Boeing til Mui­len­burg hafa verið harð­lega gagn­rýndar af stjórn­mála­mönnum í Banda­ríkj­un­um. Öld­ung­ar­deild­ar­þing­mað­ur­inn Eliza­beth War­ren, sem sæk­ist eftir því að verða for­seta­efni demókrata í for­seta­kosn­ing­unum síðar á þessu ári, kall­aði greiðsl­urnar til Mui­len­burg hreina og klára spill­ingu í stöðu­upp­færslu á Face­book.

Greint var frá því á Þor­láks­messu að Mui­len­burg, sem hafði starfað hjá Boeing í 35 ár, hefði verið rek­inn úr starfi. Ástæðan var fyrst og síð­­­ast ábyrgðin sem for­­stjór­inn ber á vand­ræða­­gangi Boeing og alvar­­legum hönn­un­­ar­­göllum í fram­­leiðslu hjá félag­inu, meðal ann­­ars á 737 Max vél­un­um, en talið er að gallar í bún­­aði vél­anna hafi verið orsökin fyrir því að tvær slíkar vélar tog­uð­ust til jarð­­ar, í Indónesíu og Eþíóp­­íu, með þeim afleið­ingum að 346 lét­u­st, allir um borð.

Nið­ur­stöður rann­­sókn­­ar­­nefndar í fyrra slys­inu, sem varð 29. októ­ber 2018 í Indónesíu, var sú að gallar í MCAS kerfi vél­­ar­inn­­ar, sem á að sporna gegn ofrisi, hafi leitt til þess að vélin tog­að­ist til jarðar með skelfi­­legum afleið­ing­­um. Þá komst rann­­sókn­­ar­­nefndin enn fremur af því að Boeing hefði reynt að hylma yfir galla í vél­un­­um. 

Ennþá er verið að rann­saka seinna slysið í Eþíóp­­íu, en sam­­kvæmt frum­n­ið­­ur­­stöðum er talið að orsökin hafi verið sú sama og í slys­inu í Indónesíu. 

Banda­­ríkja­­þing hefur fram­­ferði Boeing til rann­­sókn­­ar, og það sama á við um alrík­­is­lög­regl­una FBI. 

Boeing er stærsta útflutn­ings­­fyr­ir­tæki Banda­­ríkj­anna, og stærsti flug­­­véla­fram­­leið­andi heims. Þá er félagið einn stærsti her­­gagna­fram­­leið­andi heims­ins, og fram­­leiðir auk þess vél­arparta fyrir flug- og geim­iðn­­að.

Alþjóð­­leg kyrr­­setn­ing á 737 Max vél­un­um, sem staðið hefur yfir frá því í mars á síð­asta ári, hefur haft miklar afleið­ingar fyrir Boeing, við­­skipta­vini þess og jafn­­vel heilu þjóð­­rík­­in, eins og í til­­­felli Íslands. Icelandair hefur lent í miklum hremm­ingum vegna kyrr­­setn­ing­­ar­innar á Max vél­un­um, en ekki liggur fyrir hvenær henni verður aflétt. Gert er ráð fyrir að það verði ekki fyrr en á vor­mán­uðum næsta árs, en óvissa ríkir þó um það. 

David Cal­houn, sem tók við for­stjóra­starf­inu hjá Boeing, mun fá bón­us­greiðslu upp á sjö millj­ónir dali, um 860 millj­ónir króna, ef honum tekst að koma 737 Max vél­unum aftur í loft­ið.