Íslenska lands­liðið í hand­bolta valt­aði yfir Rússa í dag, og end­aði leik­ur­inn 34-23 fyrir Ísland. Í við­tali við RÚV eftir leik, sagði Guð­mundur Þ. Guð­munds­son lands­liðs­þjálf­ari að liðið gæti leyft sér að brosa eftir þennan frá­bæra leik, en und­ir­bún­ingur fyrir næsta leik - sem er gegn Ung­verjum á mið­viku­dag - hefst þó strax. 

Íslenska liðið hefur verið einkar sam­stillt í fyrstu tveimur leikj­un­um. Fyrst voru Danir lagðir af velli, og síðan Rússar í dag. 

Aron Pálm­ars­son, hefur verið frá­bær í leik Íslands, en hann sagði í við­tali við RÚV eftir leik­inn, að hug­ar­far liðs­ins hefði verið til fyr­ir­mynd­ar. 

Í leik­skýrslu Henrys Birgis Gunn­ars­son­ar, íþrótta­f­rétta­manns Sýn­ar, segir að leikur Íslands hefði verið það góður að hug­ur­inn hefði reikað til Pek­ing 2008, þegar Ísland fékk silfur á Ólymp­íu­leik­un­um.

„Varn­ar­leik­ur­inn var algjört aukna­konfekt. Menn með áhuga á varn­ar­leik fengu fyrir allan pen­ing­inn. Lands­liðs­þjálf­ar­inn fékk gæsa­húð og hugur minn reik­aði til Pek­ing 2008. Grimmd­in, ein­beit­ing­in, aginn, vinnslan, fóta­vinnan og hjálp­ar­vörn­in. Þetta jaðr­aði við að vera eró­tískt á köfl­um. Stór­kost­legt á að horfa. Þar fyrir aftan var Björg­vin Páll eins og við þekkjum hann best,“ sagði Henry Birg­ir.

Dan­ir verða að vinna Rússa og treysta á að Íslend­ing­ar vinni Ung­verja­land til að fara áfram í mill­iriðla. Danir og Ung­verjar gerðu 24-24 jafn­tefli í dag.