Efn­isveitan Net­flix og ísfram­leið­and­inn Ben & Jerry's hafa tekið höndum sam­an, og vilja að not­endur Net­flix geti fengið sér ís sem er sér­stak­lega merktur Net­fl­ix. „Fáðu þér ís með Net­flix áhorf­in­u,“ eru skila­boð­in.

Hann mun fást í búðum um öll Banda­rík­in, and sér­stök vöru­teg­und frá Ben & Jerry's - sem nefn­ist Net­flix and Chill'd - er nú komin á mark­að, að því er fram kemur í umfjöllun Bloomberg.

Með þessu fetar Net­flix inn á nýja braut þegar kemur að sam­starfi við mat­væla­fram­leið­end­ur. 

Óhætt er að segja að þarna séu tvö stór fyr­ir­tæki að leiða saman hesta sína. Net­flix er metið á 150 millj­arða Banda­ríkja­dala, eða sem nemur um 19 þús­und millj­örðum króna, og er ein stærsta efn­isveita heims, en á í harðri sam­keppni við Amazon, Dis­ney og App­le, meðal ann­arra. 

Ben & Jerry's er rót­gróið fjöl­skyldu­fyr­ir­tæki í grunn­inn, en hefur verið skráð á markað árum sam­an. Árið 2001 keypti breska fyr­ir­tækið Uni­lever stóran eign­ar­hlut í fyr­ir­tæk­inu, og hefur verið burð­ar­rás í hlut­hafa­hópnum síð­an.