Ragn­hildur Sverr­is­dótt­ir, sem hefur verið upp­lýs­inga­full­trúi Novator, fjár­fest­inga­fé­lags Björg­ólfs Thor Björg­ólfs­son­ar, mun láta af störfum hjá félag­inu í nán­ustu fram­tíð.

Þetta stað­festir Ragn­hildur í sam­tali við Kjarn­ann. Hún segir starfs­lokin vera gerð í sátt og sam­lyndi en um ára­tugur er síðan að hún hóf störf fyrir Novator. 

Ragn­hildur starf­aði áður lengi sem blaða­maður og frétta­stjóri á Morg­un­blað­in­u. 

Hún hefur und­an­farin ár komið fram bæði sem tals­kona Björg­ólfs Thors í málum sem tengj­ast upp­gjöri hans við hrunið og sem upp­lýs­inga­full­trúi Novator vegna fjár­fest­inga félags­ins víða um heim. 

Kom til baka eftir banka­hrunið

Fjár­mála­hrunið setti veldi Björg­ólfs Thors, sem hafði efn­ast á að selja bjór­verk­smiðju í Rúss­landi, en svo fjár­fest mikið í lyfja- og fjar­skipta­iðn­að­inum auk þess að kaupa ráð­andi hlut í Lands­banka Íslands ásamt föður sínum og við­skipta­fé­laga þeirra, í hætt­u. 

Í ágúst 2014 var til­­­­kynnt að skulda­­­­upp­­­­­­­gjöri Björg­­­­ólfs Thors væri lokið og að hann hefði greitt kröf­u­höfum sín­um, að mestu stórum alþjóð­­­­legum bönk­­­­um, sam­tals um 1.200 millj­­­­arða króna. Það upp­­­­­­­gjör tryggði honum mik­inn auð þar sem hann, og Novator, fengu að halda góðum eign­­­­ar­hluta í Act­­a­vis að því loknu, sem hefur síðan verið seld­ur. Sá eign­­­­ar­hluti hefur gert Björgólf Thor og aðra eig­endur Nota­vor mjög efn­aða á ný. ­Björgólfur Thor gaf árið 2015  út bók um fall sitt og end­­­­ur­komu. Kjarn­inn birti umfjöllun um bók­ina skömmu eftir að hún kom út.

Nær öll sam­skipti íslenskra fjöl­miðla við Björgólf og Novator síð­ast­lið­inn ára­tug hafa farið fram í gegnum Ragn­hild­i. 

Umsvifa­miklir víða um heim

Björgólfur Thor, og sam­starfs­menn hans í Novator, þeir Birgir Már Ragn­ars­son og Andri Sveins­son, hafa farið mik­inn í fjár­fest­ingum síð­ast­lið­inn rúman ára­tug, að mestu ann­ars staðar en á Íslandi. Novator er þó enn með umsvif hér­lend­is, og er meðal ann­ars stór hlut­hafi í fjar­skipta­fyr­ir­tæk­inu Nova. Þá tók Björgólfur Thor þátt í skulda­bréfa­út­boði WOW air í sept­em­ber 2018, nokkrum mán­uðum áður en að flug­fé­lagið fór í þrot, en í gegnum eigin félag. 

Við­skipta­blaðið greindi nýverið frá því að Novator hefði fengið 32 millj­arða króna í arð frá fjar­skipta­fé­lag­inu WOM í Chile og með sölu á um 4 pró­sent hlut í pólska síma­fyr­ir­tæk­inu Play.  Í frétt blaðs­ins kom einnig fram að Novator væri að koma á fót fjar­skipta­fyr­ir­tæki í Kól­umbíu um þessar mundir og að félagið hefði sýnt áhuga á að kaupa kól­umbíska hluta fjar­skipta­fé­lags­ins Telefón­ica að fullu eða að hluta. Novator hefur líka fjár­fest í raf­­­­­myntum og sprota­­­fyr­ir­tækj­unum á borð við  Zwif, BeamUp og Deli­veroo og fjöl­mörgum öðrum fyr­ir­tækj­um. Hægt er að sjá yfir­lit yfir fjár­fest­ingar félags­ins hér. 

Í mars í fyrra var sagt frá því að Björgólfur Thor sæti í 1.116 sæti á lista For­bes yfir millj­arða­mær­inga heims­ins og að auður hans væri met­inn á 2,1 millj­arð Banda­ríkja­dali. 

Tveimur mán­uðum síð­ar, í maí 2019, var Björgólfur Thor í 91. sæti yfir rík­­­ustu menn Bret­lands sam­­kvæmt lista The Sunday Times.