Bret­land fer úr Evr­ópu­sam­band­inu form­lega í dag, en for­sendur útgöng­unnar eiga þó eftir að teikn­ast upp, t.d. þegar kemur að við­skipta­kjörum og fleiri þátt­um, sem snúa að við­skipta­sam­bandi við Evr­ópu­sam­bands­þjóð­irnar 27. 

Með útgöngu Bret­lands hverfa sam­tals 66 millj­ónir manna af heildar íbúa­fjölda Evr­ópu­sam­bands­landa, sem er nú komin niður í um 460 millj­ón­ir. 

Bret­land hefur verið hluti af Evr­ópu­sam­band­inu frá því árið 1973, og því er útgangan sögu­leg vegna þess hve rót­gróið sam­band Bret­lands hefur verið við Evr­ópu­þjóð­irnar sem mynda Evr­ópu­sam­band­ið.

Boris John­son, for­sæt­is­ráð­herra Bret­lands, hefur barist fyrir útgöngu Bret­lands frá því árið 2016, þegar kosið var um málið í þjóð­at­kvæða­greiðslu. 

Nið­ur­staðan sýndi algjöran klofn­ing meðal þjóð­ar­inn­ar, 52 pró­sent vildu Brex­it, en 48 pró­sent vildu vera áfram í sam­band­in­u. 

Sér­stak­lega var mik­ill munur á við­horfum fólks í borgum ann­ars vegar - sem vildu ekki útgöngu - og lands­byggð hins vegar - sem var meira fylgj­andi útgöngu - og síðan var afger­andi meiri stuðn­ingur við Brexit meðal fólks yfir 55 ára aldri heldur en hjá yngra fólki - sem í miklum meiri­hluta vildi vera áfram í sam­band­in­u. 

Eftir þrjár mis­heppn­aðar til­raunir til að fá samn­ing um útgöngu Bret­lands við Evr­ópu­sam­bandið sam­þykktan í þing­inu, þurfti Ther­esa May, þáver­andi for­sæt­is­ráð­herra, að segja af sér. 

Boris John­son tók þá við taumun­um, og lagði áherslu á að hraða ferl­inu og boða til kosn­inga. Það var gert, og eftir kosn­ingsigur hans og Íhalds­flokks­ins, varð eft­ir­leik­ur­inn auð­veld­ari í þing­inu. Útganga Bret­lands var sam­þykkt, og talað um 31. jan­úar sem stóra dag­inn. Það gekk eftir og útgangan nú að verða stað­reynd.

Vicki Young, frétta­rit­ari breska rík­is­út­varps­ins BBC á sviði stjórn­mála, segir á vef BBC að eng­inn viti enn með vissu, hvað Brexit þýð­ir. Margir lausir endar þegar kemur að við­skipta­samn­ingum og alþjóða­sam­skiptum yfir­leitt, séu fyrir hend­i.