Stjórn Kadeco hefur ráðið Pálma Frey Rand­vers­son sem fram­kvæmda­stjóra félags­ins. Hann tekur til starfa 1. mars næst­kom­andi. Þetta kemur fram í til­kynn­ingu frá fyr­ir­tæk­inu.

Alls bár­ust 67 umsóknir um starfið og fékk stjórn Kadeco Capacent til þess að ann­ast ráðn­inga­ferl­ið.

„Pálmi hefur und­an­farin ár starfað sem deild­ar­stjóri og verk­efna­stjóri hjá Isa­via við mótun og utan­um­hald þró­un­ar- og upp­bygg­ing­ar­á­ætl­ana Kefla­vík­ur­flug­vall­ar. Þá hefur hann jafn­framt stýrt hönn­un­ar­sam­keppni og for­vali vegna þró­un­ar­á­ætl­un­ar, tekið þátt í vinnu við deiliskipu­lag og aðal­skipu­lag flug­vall­ar­ins,“ segir í til­kynn­ing­unn­i. 

Þá kemur enn fremur fram að Pálmi hafi lokið M.Sc. prófi í Urban Design, borg­ar­hönn­un, frá Háskól­anum í Ála­borg árið 2009 og B.Sc. prófi í sama fagi frá sama háskóla 2003. Hann hafi setið fjölda ráð­stefna og nám­skeiða varð­andi þróun flug­valla­borga.

Hann starf­aði áður sem verk­efna- og teym­is­stjóri og borg­ar­hönn­uður hjá umhverf­is- og skipu­lags­sviði Reykja­vík­ur­borg­ar. Þar stýrði hann fjöl­mörgum verk­efnum tengdum umhverf­is-, skipu­lags- og sam­göngu­mál­um, sam­kvæmt Kadeco.

„Ég er þakk­látur fyrir það mikla traust sem stjórn Kadeco sýnir mér og hlakka til að takast á við þá áskorun að þróa það mikla land sem umlykur Kefla­vík­ur­flug­völl á grund­velli sam­komu­lags rík­is­ins, Reykja­nes­bæj­ar, Suð­ur­nesja­bæjar og Isa­via. Flug­vall­ar­svæðið hefur gríð­ar­lega vaxta­mögu­leika enda um fram­tíð­ar­svæði lands­ins að ræða,“ segir Pálmi Freyr.