Stjórn Sol­aris – hjálp­ar­sam­taka fyrir hæl­is­leit­endur og flótta­fólk for­dæmir yfir­vof­andi brott­vísun á Maní, 17 ára trans drengs frá Íran, og fjöl­skyldu hans og skorar á íslensk stjórn­völd að tryggja honum skjól og vernd hér á landi.

Þetta kemur fram í yfir­lýs­ingu frá sam­tök­unum í dag.

Mál hins 17 ára gamla trans drengs frá Íran, Maní, hefur verið til umfjöll­unar í fjöl­miðlum und­an­farna daga en brott­vís­un hans og fjöl­skyldu hans var í gær frestað vegna ann­­ar­­legs ástands drengs­ins. Hann var á sunnu­dag­inn lagður inn á barna- og ung­l­inga­­geð­­deild Land­­spít­­al­ans, í hvíld­­ar­inn­lögn. Í frétt Vísis í dag kemur aftur á móti fram að honum og fjöl­skyldu hans verði vísað úr landi þegar hann útskrif­ast af Land­spít­al­an­um.

Upp­lifði hér frelsi og öryggi

Maní sótti um alþjóð­lega vernd hér á landi ásamt for­eldrum sín­um. Fjöl­skyldan fékk vega­bréfs­á­ritun til Portú­gals til þess að kom­ast frá Íran en þar hafa þau ekki sótt um vernd. Í yfir­lýs­ingu Sol­aris segir að íslensk yfir­völd noti stutt stopp þeirra í Portú­gal á leið þeirra hingað til þess að fría sig allri ábyrgð og senda fjöl­skyld­una aftur til Portú­gals í nafni Dyfl­inn­ar­reglu­gerð­inn­ar. Þar bíði fjöl­skyld­unnar ekk­ert annað en frek­ari flótti, óör­yggi og óvissa.

Þá kemur fram að á Íslandi hafi Maní upp­lifað frelsi og öryggi og hér treysti hann sér til þess að kom út sem trans strák­ur. Maní ótt­ist hins vegar um öryggi sitt og líf verði hann sendur aftur til Íran. For­eldrar Maní ótt­ist mikið um vel­ferð hans og fjöl­skyld­unnar verði þau send frá Íslandi og aftur á flótta. „Maní er nú í hvíld­ar­lögn á BUGL en ástand hans er gíf­ur­lega alvar­legt. Yfir­vof­andi brott­vísun fylgir yfir­leitt gríð­ar­lega mik­ill kvíði, áhyggjur og ótti sem getur haft alvar­legar afleið­ing­ar,“ segir í yfir­lýs­ing­unni.

Stjórn Sol­aris for­dæmir með­ferð íslenskra yfir­valda á Maní og fjöl­skyldu hans, „sem óhætt er að segja að sé í sér­stak­lega við­kvæmri stöðu. Stjórn Sol­aris skorar á íslensk stjórn­völd að sýna mannúð og tryggja að Maní fá hér skjól og vernd. Það er það minnsta sem hægt er að gera eftir það sem á undan er geng­ið.“