Búist við að Þorsteinn Már snúi aftur sem forstjóri Samherja í næsta mánuði

Tímabundnu leyfi Þorsteins Más Baldvinssonar frá forstjórastóli Samherja virðist vera að fara að ljúka. Sitjandi forstjóri reiknar með að hann snúi aftur í næsta mánuði. Engin niðurstaða liggur fyrir í rannsókn Samherjamálsins hérlendis.

Þorsteinn Már Baldvinsson, fyrrverandi og líkast til verðandi forstjóri Samherja.
Þorsteinn Már Baldvinsson, fyrrverandi og líkast til verðandi forstjóri Samherja.
Auglýsing

Björgólfur Jóhannsson segir að hann muni hætta sem forstjóri Samherja fyrir lok marsmánaðar. Búast megi við því að Þorsteinn Már Baldvinsson snúi aftur í forstjórastólinn. Frá þessu greindi Björgólfur í hádegisfréttum RÚV

Þar sagði Björgólfur að ljóst væri að hann hefði verið ráðinn tímabundið og að plan Samherja væri að rannsókn, þar sem fyrirtækið réð norsku lögmannsstofuna Wikborg Rein til að framkvæma á viðskiptaháttum sínum, yrði komin á lokastig á þeim tíma. Aðspurður hvort að Þorsteinn Már myndi taka aftur við sem forstjóri sagði Björgólfur að reikna mætti með því en að það væri stjórn félagsins sem tæki þá ákvörðun. Þorsteinn Már er einn helsti eigandi Samherja ásamt fyrrverandi eiginkonu sinni Helgu S. Guðmundsdóttur og frænda sínum Kristjáni Vilhelmssyni. Stjórn Samherja situr í umboði eigenda fyrirtækisins. 

Björgólfur tók við forstjórastarfinu eftir að Kveik­ur, Stund­in, Wiki­leaks og Al Jazeera birtu umfjöllun sína um við­skipta­hætti Sam­herja í Namibíu og víðar þar sem fjallað var um meintar mútu­greiðsl­ur, pen­inga­þvætti og skatta­snið­göngu. Hann tók þá við af Þorsteini Má en í umfjölluninni steig fram uppljóstrarinn Jóhannes Stefánsson, fyrrverandi starfsmaður Samherja í Namibíu, sem sagði að öll ætluð mútubrot Samherja í landinu hefði verið framkvæmd með vitund og vilja forstjórans.

Auglýsing
Auk rannsóknar Wikborg Rein á málum Samherja eru yfir­­völd í Namib­­íu, Angóla, Íslandi og í Nor­egi einnig að rann­saka mál tengd Sam­herj­a og fjöl­margir hafa verið ákærðir fyrir spill­ingu og önnur efna­hags­brot nú þegar í Namibíu vegna Sam­herj­a­máls­ins, meðal ann­ars tveir fyrr­ver­andi ráð­herrar í rík­is­stjórn lands­ins. Alls sitja tíu manns í fangelsi þar í landi vegna málsins. Engin niðurstaða liggur fyrir í rannsókn á málinu hérlendis enn sem komið er og samkvæmt upplýsingum Kjarnans hefur hún verið í fullum gangi undanfarna mánuði. 

Vill aftur í stjórn Sjóvá

Kjarninn greindi frá því í morgun að Björgólfur sem hefur verið tíma­bund­inn for­stjóri Sam­herja frá því um miðjan nóv­em­ber í fyrra, sæk­tist eftir því að sitja áfram í stjórn trygg­inga­fé­lags­ins Sjó­vá. Björgólfur var stjórn­ar­for­maður félags­ins áður en hann tók við for­stjóra­starf­inu hjá Sam­herja, en til­kynnti á stjórn­ar­fundi 19. nóv­em­ber 2019 að hann myndi víkja tíma­bundið úr stjórn­inni „vegna anna.“

Í skýrslu til­nefn­inga­nefndar Sjóvá, sem birt var í gær, kemur fram að Björgólfur áætli að láta af störfum hjá Sam­herja fyrir lok fyrsta árs­fjórð­ungs 2020, sem lýkur í lok mars næst­kom­andi.

Björgólfur var fyrst kjör­inn í stjórn Sjóvá í mars í fyrra og tók sam­stundis við sem stjórn­ar­for­mað­ur. Stærsti eig­andi Sjóvá er SVN eigna­fé­lag, sem er í eigu Síld­ar­vinnsl­unn­ar, með 13,97 pró­sent eign­ar­hlut. Sam­herji á 44,6 pró­sent í Síld­ar­vinnsl­unni auk þess sem Kald­bak­­ur, félag í eigu Sam­herja, á 15 pró­­sent hlut í öðru félagi sem á 5,3 pró­­sent hlut í Síld­­ar­vinnsl­unni. Sam­an­lagður eign­ar­hlutur Sam­herja og tengdra aðila í Síld­ar­vinnsl­unni er því 49,9 pró­sent og Þor­­steinn Már Bald­vins­son, einn aðal­eig­anda Sam­herja og fyrr­ver­andi for­stjóri fyr­ir­tæk­is­ins, var stjórn­­­ar­­for­­maður Síld­­ar­vinnsl­unn­ar um ára­bil.  

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þórólfur Guðnason sóttvarnalæknir
Vonandi hægt að aflétta nokkuð hratt á næstu vikum
Helsta áskorunin í faraldrinum nú er sá fjöldi ferðamanna sem hingað er að koma sem er umfram spár. Breyta gæti þurft fyrirkomulagi á landamærum því heildargeta til skimunar takmarkast við 3-4.000 sýni á dag.
Kjarninn 6. maí 2021
Saga Japans
Saga Japans
Saga Japans – 36. þáttur: Nunnusjóguninn II
Kjarninn 6. maí 2021
Deilan snýst um verksamning á milli ÍAV og 105 Miðborgar um fyrstu þrjú húsin sem eru þegar risin á reitnum í Laugarnesi. Hér má sjá tölvuteikningu af því hvernig áformað er að svæðið líti út í framtíðinni.
ÍAV stefna og setja fram 3,8 milljarða kröfur vegna deilu á Kirkjusandsreit
Íslenskir aðalverktakar eru búnir að stefna Íslandssjóðum og félaginu 105 Miðborg til greiðslu 3,8 milljarða króna vegna deilu um verksamning á Kirkjusandsreit. Verktakafyrirtækið missti verkið í febrúarmánuði.
Kjarninn 6. maí 2021
Andrés Ingi Jónsson
Þegar Tyrkir þjörmuðu að þingmönnum
Kjarninn 6. maí 2021
Gunnþór Ingvason, framkvæmdastjóri Síldarvinnslunnar í Neskaupstað.
Síldarvinnslan einnig í vandræðum með tæknilegu hliðina á aðalfundi SFS
Mistök urðu þess valdandi að Síldarvinnslan náði ekki að greiða atkvæði í kjöri til stjórnar SFS á aðalfundi á föstudaginn. Tillaga um að greiða atkvæði á ný var þó samþykkt í kjölfarið, en þá lentu Samherji og Nesfiskur í svipuðum vandræðum.
Kjarninn 6. maí 2021
Kolbrún Benediktsdóttir varahéraðssaksóknari í dómsal í dag.
„Hér er ekki um leikaraskap, slysni eða eitthvað grín að ræða“
Það er mat ákæruvaldsins að Marek sé ekki að segja nákvæmlega allt sem hann muni frá deginum sem bruninn á Bræðraborgarstíg varð. Verjandi fer fram á að ef hann verði fundinn sekur og ósakhæfur verði hann ekki dæmdur til öryggisgæslu.
Kjarninn 5. maí 2021
Birna Einarsdóttir bankastjóri segir ljóst að spennandi tímar séu framundan, vegna fyrirhugaðrar sölu ríkisins á hluta af hlut sínum í Íslandsbanka.
Íslandsbanki hagnaðist um 3,6 milljarða á fyrsta ársfjórðungi
Eigið fé Íslandsbanka nam 185 milljörðum króna í lok mars. Bankastjórinn segir spennandi tíma framundan, í ljósi þess að stefnt sé að skráningu bankans á verðbréfamarkað að undangengnu útboði á hluta af hlut ríkisins í honum.
Kjarninn 5. maí 2021
Höfuðstöðvar Arion banka í Borgartúninu
Arion hagnast um 6 milljarða á þremur mánuðum
Þrátt fyrir lága vexti og efnahagssamdrátt var hagnaður Arion banka á fyrsta fjórðungi þessa árs mun meiri en á sama tímabili í fyrra.
Kjarninn 5. maí 2021
Meira úr sama flokkiInnlent