Fimm ein­stak­lingar eru í sótt­kví og einn í ein­angrun vegna mögu­legrar Covid-19 sýk­ing­ar. Allir eru á Ísa­firði. Einni ein­angrun var aflétt í dag þar sem sýni var nei­kvætt. Nið­ur­staðna frá ein­stak­lingi í ein­angrun er að vænta seinna í dag.

Frá þessu er greint í stöðu­upp­færslu Heil­brigð­is­stofn­unar Vest­fjarða í dag.

Í henni kemur fram að sótt­kví sé var­úð­ar­ráð­stöfun fyrir ein­kenna­lausa ein­stak­linga sem hafa verið á ferða­lögum á skil­greindum áhættu­svæð­um. Gripið sé til ein­angr­unar sem var­úð­ar­ráð­stöf­unar ef ein­hver ein­kenni eru fyrir hendi sem mögu­lega geta verið Covid-19.

Fyrstu ráð­staf­an­irnar sem gerðar eru í umdæm­inu

„Á­kvörðun um sótt­kví og ein­angrun er tekin af umdæm­is­lækni sótt­varna hjá Heil­brigð­is­stofnun Vest­fjarða, með hlið­sjón af leið­bein­ingum frá sótt­varna­lækni. Þetta eru fyrstu ráð­staf­an­irnar sem gerðar eru í umdæm­in­u,“ segir í færsl­unni.

Ein­kenni sýk­ing­ar­innar líkj­ast helst flensu; hósti, hiti, bein- og vöðva­verkir og þreyta. Ef ein­stak­lingar finna fyrir veik­indum er þeim bent á að hringja í síma 1700 (fyrir erlend síma­númer +354 544-4113) og fá þar nán­ari upp­lýs­ingar um hvernig þeir eigi að nálg­ast heil­brigð­is­kerf­ið. Veikir ein­stak­lingar eru sér­stak­lega beðnir um að mæta ekki á bráða­mót­töku sjúkra­húsa eða á heilsu­gæslu­stöðvar nema að fengnum ráð­legg­ingum í síma.