„Áfram höldum við. Þetta verk­efni sem við stöndum frammi fyrir mun reyna á alls­konar þætti. En við ráðum vel við verk­efn­ið.“

Þetta segir Þór­dís Kol­brún R. Gylfa­dótt­ir, ferða­mála-, iðn­að­ar- og nýsköp­un­ar­ráð­herra, í stöðu­upp­færslu á Face­book í dag.

Rík­is­lög­reglu­stjóri lýsti fyrr í dag yfir neyð­ar­stigi almanna­varna í sam­ráði við sótt­varna­lækni vegna kór­ónu­veirunn­ar. Fyrstu smit inn­an­lands voru stað­fest í dag en þau eru tvö tals­ins. Nú hafa 43 ein­stak­lingar greinst með veiruna.

Þór­dís Kol­brún segir að ljóst sé að far­ald­ur­inn muni hafa áhrif á stöðu efna­hags­mála. Hún vísar í orð Katrínar Jak­obs­dóttur for­sæt­is­ráð­herra en hún sagði að stjórn­völd und­ir­búi nú aðgerðir í rík­is­fjár­málum til að vinna gegn slaka í efna­hags­málum og sama eigi við um Seðla­bank­ann. „Við erum vel í stakk búin, með öfl­ugan gjald­eyr­is­vara­forða, lágt skulda­hlut­fall og góðan aðgang að erlendu fjár­magn­i,“ sagði Katrín.

Vænt­ingar um að eft­ir­spurn eftir ferða­þjón­ustu geti skilað sér hratt aftur

­Ferða­mála-, iðn­að­ar- og nýsköp­un­ar­ráð­herra segir enn fremur í stöðu­upp­færslu sinni að áhrif far­ald­urs­ins og óvissa honum tengd muni koma fram snemma og af þunga í ferða­þjón­ustu og tengdri starf­semi. Ljóst sé að þar sem staðan breyt­ist frá degi til dags verði óhjá­kvæmi­legt að end­ur­meta hana og hugs­an­leg við­brögð eftir fram­vindu mála hér og um heim all­an. Vænt­ingar séu um að eft­ir­spurn eftir ferða­þjón­ustu gæti skilað sér hratt aftur ef óvissan gangi tím­an­lega til baka.

Þá bendir hún á að vinna sé hafin við und­ir­bún­ing alþjóð­legs mark­aðsátaks á áfanga­staðnum Íslandi. Slíku átaki sé ekki hleypt af stokk­unum við þessar aðstæður en það þurfi að vera klárt þegar aðstæður gefa til­efni til.

Þá sé vinna hafin við und­ir­bún­ing mark­aðsátaks til að hvetja Íslend­inga til að ferð­ast inn­an­lands á næstu vikum og mán­uð­um.

Frek­ari aðgerðir séu til skoð­un­ar.

Höfum öll hlut­verki að gegna í þessum aðstæðum

„Stjórn­völd munu gera það sem þarf til að hemja útbreiðslu veirunnar og vinna gegn áhrifum hennar á efna­hags­líf­ið. Sú vinna er í fullum gangi.

Við höfum öll hlut­verki að gegna í þessum aðstæð­um. Sótt­varnir virka bara ef sam­fé­lagið fylgir leið­bein­ing­um. Þegar ég hef ekki viljað heilsa fólki með handa­bandi, faðma það eða kyssa og þegar ég geng um með spritt er það ekki vegna þess að ég sé hrædd um að smit­ast sjálf - heils­unnar vegna. Heldur skiptir máli að við öll fylgjum leið­bein­ingum til þess að hefta útbreiðsl­una. Þá eru í kringum mig elskað fólk sem myndi ráða verr við að fá veiruna. Til dæmis mamma mín, sjúkra­lið­inn, í fyr­ir­byggj­andi krabba­meins­með­ferð, eldra fólk og fólk með und­ir­liggj­andi sjúk­dóma. Við erum nefni­lega öll í þessu sam­an,“ skrifar ráð­herr­ann.

Hún lýkur færsl­unni við að segja að það skipti jafn­framt máli að halda áfram að vera til og láta hjól atvinnu­líf­is­ins snú­ast í versl­un, þjón­usta og menn­ingu.