Bjarni Bene­dikts­son, fjár­mála- og efna­hags­ráð­herra og for­maður Sjálf­stæð­is­flokks­ins, segir að í bar­átt­unni gegn COVID-19 skipti rétta hug­ar­farið öllu. Ein­göngu með órjúf­an­legri sam­stöðu muni okkur takast að lág­marka skað­ann af þessum far­aldri. „Aug­ljóst er að við getum bjargað manns­lífum með ein­földum aðgerð­um: að nota hand­spritt, hætta alfarið handa­bandi og fara að fyr­ir­mælum um sótt­kví. Stöndum öll saman um þetta.“

Þetta kemur fram í stöðu­upp­færslu sem hann hefur birt á Face­book.

 Þar segir Bjarni enn fremur að dæmi frá öðrum löndum sýni að sam­staða geti skipt sköpum við að hefta útbreiðslu veirunn­ar. „Við erum að fást við bráðsmit­andi veiru sem getur verið lífs­hættu­leg ein­stak­lingum sem und­ir­liggj­andi sjúk­dóma. Bólu­efni er ekki á næsta leiti og nú þurfum við að treysta á ábyrga hegðun hvers ann­ars til að hlífa þeim sem eru í mestri hætt­u.“

Ráð­herr­ann segir að allt stjórn­kerfi Íslend­inga hafi verið virkjað vegna útbreiðslu kór­ónu­veirusmita. „Okkar lyk­il­fólk í heil­brigð­is­kerf­inu og á sviði almanna­varna hefur staðið sig frá­bær­lega við mjög krefj­andi aðstæður en það þarf sam­stöðu allra til að ná árangri.“

50 smit­aðir í gær, þar af sjö sem smit­uð­ust inn­an­lands

Í greindust fimm ný smit af veirunni sem veldur COVID-19 sjúk­dómi. Þrjú þeirra voru inn­lend og má rekja þau til ein­stak­linga sem voru á hættu­svæðum erlend­is. Hin til­fellin eru bæði rakin til ferða­laga á skil­greindum hættu­svæð­u­m. 

Tveir þeirra sem greindust í gær eru á þrí­tugs­aldri, einn á fer­tugs­aldri, einn á fimm­tugs­aldri og einn á átt­ræð­is­aldri og allir búa þeir á höf­uð­borg­ar­svæð­inu. Alls er fjöldi smit­aðra því orð­inn 50 og þar af eru sjö sem smit­ast hafa innan Íslands. Á meðal smit­aðra er eins árs gam­alt barn. Til við­bótar voru á fjórða hund­rað manns í sótt­kví í hádeg­inu í gær. 

Rík­is­lög­reglu­stjóri lýsti á föstu­dag yfir neyð­ar­stigi almanna­varna í sam­ráði við sótt­varna­lækni vegna kór­óna­veirunnar eftir að fyrstu smit inn­an­lands voru stað­fest. Virkjun neyð­ar­stigs hefur ekki telj­andi áhrif á almenn­ing umfram hættu­stig, sem varað hefur frá 28. febr­ú­ar.. Ekki hefur verið lagt á sam­komu­bann en Katrín Jak­obs­dóttir for­sæt­is­ráð­herra sagði á föstu­dag að óum­flýj­an­legt yrði að setja tak­mark­anir á manna­mót.