Kári Stef­áns­son, for­stjóri Íslenskrar erfða­grein­ing­ar, seg­ir að ekk­ert verði af því að fyr­ir­tækið skimi fyrir nýju kór­ónu­veirunni með­al­ al­menn­ings. Alma Möller land­læknir sagði frá því á blaða­manna­fundi í gær að Kári hefði boðið fram aðstoð sína og fyr­ir­tæk­is­ins. Sagði hún að eftir ætti að útfæra mál­ið.

Nú er ljóst að af þessu verður ekki.

„Það er ill­vígur veiru­far­aldur að ganga yfir land­ið. Það var okkar mat og ann­arra að það væri mik­il­vægt að geta fylgst með útbreiðslu veirunnar og því hvernig hún stökk­breyt­ist þegar hún ferð­ast milli fólks,“ ­skrifar Kári á Face­book-­síðu sína.

Fimm­tíu manns hafa nú greinst með veiruna á Íslandi. Með­al­ hinna smit­uðu er eins árs gam­alt barn.

„Við buð­umst til þess að hlaupa undir bagga með­ heil­brigð­is­kerf­inu og skima fyrir veirunni og rað­greina hana þar sem hún finn­st þannig að það væri vitað hvar hún er og í hvaða formi,“ segir Kári. „Það leit út fyrir að boð okkar væri þeg­ið. Nú kemur í ljós að ­Vís­inda­siða­nefnd/­Per­sónu­vernd líta svo á að þessi til­raun okkar til þess að ­taka þátt í aðgerðum heil­brigð­is­kerf­is­ins beri að líta á sem vís­inda­rann­sókn og við yrðum að sækja um leyfi til þeirra.

Það munum við ekki gera vegna þess að af okkar hálfu átt­i þetta að vera þátt­taka í klínískri vinnu en ekki vís­inda­rann­sókn. Þess vegna verður ekk­ert af okkar fram­lagi að þessu sinni. Þetta er end­an­leg ákvörð­un.“

Kína, Suð­ur­-Kór­ea, Íran, Ítalía og skíða­svæðið Ischgl í Aust­ur­ríki eru skil­greind áhættu­svæði. Danir hafa hækkað aðvör­un­ar­ar­stig vegna ferða til Frakk­lands, Þýska­lands, Spánar og Aust­ur­ríkis úr grænu í gult í 2, ­sem þýðir sýnið mikla aðgætni . Eins hafa þeir hvatt til þess að sam­komum með­ fleiri en 1.000 þátt­tak­endum verði frestað út mars. Fjöl­margar alþjóða­stofn­an­ir hafa sent til­kynn­ingu um frestun á stórum fund­um, boðað til fjar­funda eða sett á fjölda­tak­mark­an­ir, segir í sam­an­tekt almanna­varna um stöðu útbreiðsl­unnar og við­bragða í heim­in­um.