Danir hamstra mat vegna yfirvofandi aðgerða gegn COVID-19

Danski forsætisráðherrann Mette Frederiksen tilkynnti í gærkvöldi að gripið yrði til mjög hertra aðgerða vegna COVID-19. Hún hafði varla sleppt orðinu þegar matvöruverslanir fylltust af fólki að hamstra mat þótt engin þörf væri á slíku.

Mette Frederiksen, forsætisráðherra Danmerkur.
Mette Frederiksen, forsætisráðherra Danmerkur.
Auglýsing

Engir veit­inga­staðir og fáar búðir fyrir utan mat­vöru­versl­an­ir og apó­tek verða opnar næstu dag­ana á Ítal­íu. Öllum skólum í Dan­mörku verð­ur­ lokað frá og með næsta föstu­degi og opin­berir starfs­menn eiga ekki að mæta á vinnu­staði sína nema að brýna ­nauð­syn beri til. Í báðum lönd­unum verða fjölda­sam­komur bann­að­ar. Barir og ­skemmti­staðir eru hvattir til að skella tíma­bundið í lás.

Stjórn­völd í Dan­mörku og á Ítalíu hafa til­kynnt enn hert­ari var­úð­ar­ráð­staf­anir vegna nýju kór­ónu­veirunnar sem breiðst hefur mjög hratt út í báðum lönd­un­um. Smitum í Dan­mörku fjölg­aði tífalt frá mánu­degi til mið­viku­dags. Þau voru orð­in 514 tals­ins í gær­kvöldi.

Auglýsing

Á Ítalíu er ástandið enn að versna. Smitum fjölg­aði um 2.313 í gær og hefur veiran greinst hjá 12.462 manns frá því að far­ald­ur­inn braust út. Ekki hafa áður jafn­mörg til­felli greinst þar á einum degi og þó höfðu í gær ekki borist nýjar tölur frá hér­aði í norð­ur­hluta lands­ins sem orðið hefur hvað verst úti.

For­sæt­is­ráð­herra Ítal­íu, Giuseppe Conte, segir að bar­ir, veit­inga­stað­ir, hár­greiðslu­stofur og önnur fyr­ir­tæki sem ekki veita brýna ­þjón­ustu skuli loka til 25. mars. Heim­send­ing­ar­þjón­usta verður þó heim­il. Þeg­ar var búið að loka skól­um, söfn­um, kvik­mynda­hús­um, lík­ams­rækt­ar­stöðv­um, ­í­þrótta­leik­vöngum og öðrum sam­komu­stöð­um.

Lýsa yfir heims­far­aldri

Alþjóða heil­brigð­is­mála­stofn­unin lýsti því yfir í gær­kvöld­i að COVID-19 væri heims­far­ald­ur. Það þýðir að sjúk­dóm­ur­inn er tal­inn eiga eft­ir að breið­ast út um allan heim. Tedros Adhanom Ghebr­eyesus, fram­kvæmda­stjóri ­stofn­un­ar­inn­ar, sagði að þrett­án­föld aukn­ing hefði orðið á til­fellum utan Kína á tveimur vik­um. Hann sagð­ist hafa miklar áhyggjur af því hversu hratt veiran væri að breið­ast út einnig því að við­brögð við far­aldr­inum væru að láta á sér­ standa víða. Veiran hefði nú greinst í 114 löndum og tæp­lega 4.300 hefðu lát­ist úr sjúk­dómnum sem hún veld­ur.

„Þús­undir til við­bótar eru að berj­ast fyrir lífi sínu á sjúkra­hús­um,“ sagði Tedros á upp­lýs­inga­fundi í Genf í gær­kvöldi. „Á kom­and­i ­dögum og vikum þá eigum við von á enn fleiri til­fellum og að dauðs­föllum og löndum sem veiran grein­ist í eigi eftir að fjölga.“

Yfir­maður neyð­ar­að­stoðar hjá Alþjóða heil­brigð­is­mál­stofn­un­inni, Mich­ael Ryan, greindi frá því í gær að um 900 manns væru á gjör­gæslu­deildum sjúkra­húsa á Ítalíu vegna COVID-19. „Íran og Ítalía glíma við mestan vanda nún­a en ég get full­vissað ykkur um að önnur lönd verða í þeirri stöðu mjög fljót­lega.“  

Kaupa geymslu­þolin mat­væli

Strax og danski for­sæt­is­ráð­herr­ann hafði til­kynnt um hert við­brögð vegna veirunnar þyrpt­ist fólk í mat­vöru­versl­anir að hamstra mat­væli. Engin þörf er á slíku og fjöldi versl­un­ar­keðja sendi sam­eig­in­lega út frétta­til­kynn­ingu um að engar vís­bend­ingar væru um að skortur yrði á neyslu­vörum á næst­unni. Í frétt danska rík­is­út­varps­ins kemur fram að fólk sé m.a. að kaupa nið­ur­suðu­vör­ur, núðlur og fleiri geymslu­þolnar vör­ur. Hillur í sumum versl­unum tæmd­ust því fljótt af til dæmis brauði.

Sam­kvæmt áætl­unum danskra stjórn­valda verða inn­an­hússsam­komur fleiri en 100 manna bann­að­ar. Laga­breyt­ingu þarf til að kom­a slíku banni á og þar til það verður afgreitt með flýti á þing­inu eru þeir sem reka sam­komu­staði beðnir að fylgja þessum fyr­ir­mæl­um.

Einka­fyr­ir­tæki eru beðin að hvetja starfs­menn sína til að vinna að heiman ef því verður við komið og opin­berir starfs­menn skulu halda sig frá vinnu­stöðum sínum nema að þeir þurfi nauð­syn­lega, starfs síns vegna, að ­mæta. Heim­sóknir á öldr­un­ar- og hjúkr­un­ar­heim­ili eru bann­að­ar, öllum skól­u­m verður lokað og fólk hvatt til að dreifa álagi á almenn­ings­sam­göng­ur.

Stjórn­völd ætla líka að fá heim­ild með lögum til að geta þving­að einka­fyr­ir­tæki, m.a. þau sem reka leik­skóla og heil­brigð­is­þjón­ustu, til að skerða starf­semi eða loka, ef þörf kref­ur.

Góðar fréttir bár­ust hins vegar frá Kína í gær. Í borg­inn­i Wu­han greindust aðeins fjórtán ný smit og virð­ist því sem far­ald­ur­inn sé þar í rén­un.

 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Jón Ásgeir segir Guðlaug Þór hafa tekið á sig sök í styrkjamálinu
Stjórnendur FL Group tóku ákvörðun um að veita háan styrk til Sjálfstæðisflokksins í lok árs 2006 og kvittun fyrir greiðslunni var gefin út eftir á. Þetta segir Jón Ásgeir Jóhannesson. Hann telur Geir H. Haarde hafa staðið á bakvið málið.
Kjarninn 21. janúar 2021
Norðurlöndin og Eystrasaltslöndin biðja AGS um að meta áhættu á peningaþvætti
Ríkisstjórn Íslands, ásamt ríkisstjórnum hinna Norður- og Eystrasaltslandanna, hefur beðið Alþjóðagjaldeyrissjóðinn um að greina ógnir og veikleika í tengslum við peningaþvætti í löndunum.
Kjarninn 21. janúar 2021
Stórt hlutfall lána í frystingu er líkleg útskýring lágs hlutfalls fólks á vanskilaskrá
Vanskil aldrei verið minni en í fyrra
Samkvæmt Creditinfo voru vanskil með minnsta móti í fyrra. Líklegt er að það sé vegna fjölda greiðslufresta á lánum í kjölfar faraldursins.
Kjarninn 21. janúar 2021
Björn Leví Gunnarsson, þingmaður Pírata.
Telur greinargerð ráðherra og kynningar á bankasölu ekki standast stjórnsýslulög
Stjórnarþingmenn í fjárlaganefnd taka undir með félögum sínum í efnahags- og viðskiptanefnd og vilja selja allt að 35 prósent í Íslandsbanka. Formaður Flokks fólksins segir að verið sé að einkavæða gróðann eftir að tapið var þjóðnýtt.
Kjarninn 21. janúar 2021
Um 60 prósent Garðbæinga geta ekki nefnt að minnsta kosti þrjá bæjarfulltrúa á nafn
Um 20 prósent íbúa Garðabæjar telja að ákvarðanir við stjórn sveitarfélagsins séu teknar ólýðræðislega. Sjálfstæðisflokkurinn mælist með 60 prósent fylgi í sveitarfélaginu en ánægja með meirihluta hans og bæjarstjóra er minni.
Kjarninn 21. janúar 2021
Saga Japans
Saga Japans
Saga Japans – 31. þáttur: Keisari undirheimanna
Kjarninn 21. janúar 2021
Óli Björn Kárason er formaður efnahags- og viðskiptanefndar.
Vilja selja allt að 35 prósent hlut í Íslandsbanka
Meirihluti efnahags- og viðskiptanefndar vill selja rúmlega þriðjung í Íslandsbanka í hlutafjárútboði í sumar. Hann vill setja þak á þann hlut sem hver fjárfestir getur keypt. Stjórnarandstaðan er sundruð í afstöðu sinni.
Kjarninn 21. janúar 2021
Rögnvaldur Ólafsson aðstoðaryfirlögregluþjónn og Þórólfur Guðnason sóttvarnalæknir.
Þórólfur: Ekki senda okkur póst til að reyna að komast framar í röðina
Veiran er ennþá þarna úti, segir sóttvarnalæknir. Í lok mars á að hafa borist hingað til lands bóluefni fyrir um 30 þúsund manns. Frekari dreifingaráætlanir lyfjafyrirtækjanna hafa ekki verið gefnar út.
Kjarninn 21. janúar 2021
Meira úr sama flokkiErlent