Icelandair hefur sagt upp 240 starfs­mönnum og 92 pró­sent eft­ir­stand­andi starfs­manna munu fara í skert starfs­hlut­fall tíma­bund­ið. Þessi hópur fellur undir úrræði rík­is­stjórn­ar­innar um mót­fram­lag eftir því sem við á. Þessi leið hefur betri áhrif á sjóð­streymi félags­ins en upp­sagnir þar sem upp­sagn­ar­frestur er greidd­ur.

Upp­sagn­irnar ná til flestra hópa innan félags­ins en heild­ar­fjöldi stöðu­gilda hjá Icelandair Group var að með­al­tali 4.715 á árinu 2019. Þeir starfs­menn sem verða áfram í fullu starfi lækka um 20 pró­sent í laun­um. Fram­kvæmda­stjórar lækka um 25 pró­sent og laun for­stjóra og stjórnar lækka um 30 pró­sent.

Frá þessu var greint í til­kynn­ingu til Kaup­hallar sem send var út í morgun og á starfs­manna­fundi sem hófst hjá Icelandair klukkan 9:30.

Bogi Nils Boga­son, for­stjóri Icelandair Group, segir að þetta séu sögu­legir tímar þar sem heims­far­aldur geisar sem hefur haft gríð­ar­leg áhrif á flug og ferða­lög. „Mik­il­væg­asta verk­efnið núna er að tryggja rekstr­ar­grund­völl Icelandair Group til fram­tíð­ar. Þær aðgerðir sem við kynntum fyrir starfs­fólki okkar í dag eru sárs­auka­fullar en nauð­syn­legar til að tak­marka áhrif þeirra aðstæðna sem uppi eru á rekstur og sjóð­streymi félag­ins.

Félagið hefur stað­ist ýmis áföll í gegnum tíð­ina, hvort sem það hefur verið bar­átta við nátt­úru­öfl­in, efna­hagslægðir eða aðra utan­að­kom­andi þætti. Við höfum kom­ist í gegnum þau öll með sam­stöðu og útsjón­ar­semi, en fyrst og fremst með þeim ein­staka bar­áttu­anda og krafti sem ávallt hefur ein­kennt starfs­fólk félags­ins. Það hefur svo sann­ar­lega sýnt sig und­an­farna daga og vik­ur. Ég er stoltur og þakk­látur að til­heyra þeirri öfl­ugu liðs­heild sem starfs­fólk Icelandair Group myndar og er sann­færður um að við komumst í gegnum þessar krefj­andi aðstæð­ur.“

Í til­kynn­ing­unni segir að for­sendur fyrir milli­landa­flugi og ferða­lögum hafa breyst veru­lega á skömmum tíma vegna útbreiðslu COVID-19 veirunn­ar. Icelandair Group hafi á und­an­förnum vikum gripið til víð­tækra ráð­staf­ana til þess að tryggja rekstr­ar­grund­völl félags­ins til fram­tíð­ar.“

Icelandair hafi á liðnum vikum nýtt sér þann sveigj­an­leika sem felst í leiða­kerfi félags­ins og aðlagað þannig fram­boð að eft­ir­spurn sem jafnt og þétt hefur farið minnk­andi í kjöl­far ferða­tak­mark­ana víðs vegar um heim. „Fé­lagið hefur jafn­framt breytt áætlun til að koma við­skipta­vinum til síns heima innan þess ramma sem ferða­tak­mark­anir hafa leyft. Í dag flýgur félagið um 14 pró­sent af upp­haf­legri flug­á­ætlun og gert er ráð fyrir enn meiri sam­drætti á kom­andi vik­um. Eins og gefur að skilja hefur útbreiðsla veirunnar einnig haft tölu­verð áhrif á starf­semi ann­arra félaga innan sam­stæðu Icelandair Group. Má þar helst nefna fækkun far­þega í inn­an­lands­flugi og stöðvun flugs til Græn­lands hjá Air Iceland Conn­ect sem og fækkun gesta hjá Icelandair Hot­els.“

Stærsti kostn­að­ar­liður félags­ins sé launa­kostn­aður því sénauð­syn­legt að grípa til aðgerða til að draga úr þeim kostn­aði. „Mót­væg­is­að­gerðir rík­is­stjórn­ar­innar og sam­starf við Félag íslenskra atvinnu­flug­manna, Flug­freyju­fé­lag Íslands, Flug­virkja­fé­lag Íslands og önnur stétta­fé­lög gera félag­inu kleift að draga úr upp­sögnum sem nauð­syn­legt hefði verið að ráð­ast í vegna þeirrar stöðu sem nú rík­ir.“

Þá hefur félagið að und­an­förnu leitað leiða til að draga úr útstreymi fjár­magns, svo sem með því að end­ur­semja við birgja og fjár­mögn­un­ar­að­ila. „Öllum þessum aðgerðum er ætlað að auka sveigj­an­leika félags­ins til að takast á við núver­andi aðstæð­ur, lækka rekstr­ar­kostnað og bæta sjóðs­streymi. Fjár­hags­leg áhrif útbreiðslu COVID-19 veirunnar eru enn óljós.“