Þrír starfs­menn Slökkvi­liðs höf­uð­borg­ar­svæð­is­ins (SHS) eru í ein­angrun og ell­efu í sótt­kví. Þetta kemur fram í stöðu­upp­færslu þeirra á Face­book í dag. SHS sér meðal ann­ars um sjúkra­flutn­inga á höf­uð­borg­ar­svæð­inu sam­kvæmt samn­ingi við vel­ferð­ar­ráðu­neyt­ið 

Þá kemur fram í færsl­unni að þau hafi verið vel und­ir­búin undir þetta og hafi til að mynda tekið í notkun fleiri starfs­stöðvar til að minnka áhrif sem smit hefur á vakt­irn­arn­ar.

„Það er mikil sam­staða hjá okkar starfs­fólki á þessum und­ar­legu tím­um, til dæmis hefur starfs­fólk sem eru í fæð­ing­ar­or­lofi boð­ist til að koma fyrr til starfa. Einnig hafa fyrr­ver­andi starfs­menn haft sam­band og boðið fram aðstoð sína,“ segir í færsl­unni.

Jafn­framt kemur fram að þau haldi áfram að gera allt sem þau geta til að koma í veg fyrir frekara smit „og þar treystum við á ykk­ur. Það er mik­il­vægt að þið gefið mjög nákvæmar upp­lýs­ingar til 112 ef um alvar­leg veik­indi er að ræða og þið þurfið sjúkra­bíl. Allur okkar við­bún­aður er meiri og annar ef um smit er ræða.“