Eft­ir­spurn eftir ferskum fiski í Evr­ópu hefur dreg­ist mjög saman vegna stöð­unnar sem upp er komin vegna COVID-19 og hafa íslensk sjáv­ar­út­vegs­fyr­ir­tæki fundið fyrir sam­drætti í eft­ir­spurn allra teg­unda. Þetta kom fram á rík­is­stjórn­ar­fundi í morgun en Krist­ján Þór Júl­í­us­son, sjáv­ar­út­vegs- og land­bún­að­ar­ráð­herra, fjall­aði um áhrif COVID-19 á íslenskan sjáv­ar­út­veg og land­bún­að.

Í svari atvinnu­vega- og nýsköp­un­ar­ráðu­neyt­is­ins við fyr­ir­spurn Kjarn­ans kemur fram að aug­ljóst sé að þessar umfangs­miklu breyt­ingar á erlendum mörk­uðum muni hafa tölu­vert nei­kvæð áhrif á íslenskan sjáv­ar­út­veg og afleidda starf­semi. Unnið sé að því að færa fram­leiðslu úr fersku hrá­efni í aðra vinnslu. Sum fyr­ir­tæki ætli að reyna að halda sínu striki eða breyta sókn sinni í ákveðnar teg­und­ir, en önnur fyr­ir­tæki hygg­ist draga úr sjó­sókn og fram­leiðslu fyrst um sinn, í sam­ræmi við sam­drátt í eft­ir­spurn mark­að­ar­ins.

Óvissa með sölu land­bún­að­ar­af­urða

Þá kemur fram í svar­inu að Krist­ján Þór hafi jafn­framt greint frá því að tals­verð óvissa sé um sölu á land­bún­að­ar­af­urðum á næstu mán­uðum með til­liti til fækk­unar ferða­manna og mikið hafi verið um afbók­anir hjá ferða­þjón­ustu­bændum langt fram eftir árinu.

„Ís­lenskir fóð­ur­fram­leið­endur eiga birgðir til nokk­urra mán­aða og stendur yfir vinna til að auka þær enn frek­ar. Hið sama er uppi á ten­ingnum varð­andi áburð. Bænda­sam­tök Íslands hafa aug­lýst eftir vilj­ugu fólki til þess að sinna afleys­ing­ar­þjón­ustu fyrir bænd­ur. Áhersla er lögð á mögu­legar afleys­ingar fyrir ein­yrkja og minni bú,“ segir í svar­inu.

Enn fremur segir að eðli máls­ins sam­kvæmt breyt­ist staðan hratt og atvinnu­vega- og nýsköp­un­ar­ráðu­neytið muni fylgj­ast áfram náið með þróun mála og grípa til þeirra aðgerða sem nauð­syn­legar séu til að lág­marka efna­hags­lega nei­kvæð áhrif á íslenskan land­búnað og sjáv­ar­út­veg til skemmri og lengri tíma.