Alma Möller land­læknir greindir frá því á upp­lýs­inga­fund­i al­manna­varna í dag að smit hefði komið upp bæði á Landa­koti og á barna­spít­al­an­um. Af þeim sökum væri ekki hægt að leggja fólk inn á Landa­koti og þá hefur Rjóðr­inu verið lok­að.

Rjóðrið er hjúkr­un­ar-, hvíld­ar- og end­ur­hæf­ing­ar­heim­il­i ­fyrir lang­veik börn. Vegna smits­ins sem upp kom á barna­spít­al­anum hefur þurft að færa til starfs­fólk. Rjóðr­inu er þó ekki síður lokað til þess að vernda við­kvæma skjól­stæð­inga þess.

Alma brýndi fyrir heil­brigð­is­starfs­fólki að fara sér­stak­lega var­lega, líka utan vinnu­tíma. Smit sem hafa greinst eru meðal starfs­fólks.

Þórólfur Guðna­son sótt­varna­læknir sagði á fund­inum að sautján ­sjúk­lingar lægju nú á sjúkra­húsi hér á landi vegna COVID-19. Þrír eru á gjör­gæslu­deild og allir eru þeir í önd­un­ar­vél.

Hann vakti líka athygli á því að ekki væri leng­ur ­yf­ir­vof­andi skortur á sýna­tökupinnum eftir að um 6.000 pinnar fund­ust „á ó­væntum stað“ eins og hann orðar það. „Það er því allt útlit fyrir að hægt verði að taka sýni eins og þarf.“