Lög­reglan hefur fengið ábend­ingar um það að verið sé að færa ­þjón­ustu sem veitt er á hár­greiðslu­stofum til dæmis í heima­hús eftir að hert­ar ­reglur um sam­komu­bann tóku gildi fyrr í vik­unni. „Komm on, það er ekki að á­stæðu­lausu að við settum þetta bann á,“ sagði Víðir Reyn­is­son, yfir­lög­reglu­þjónn hjá almanna­varna­deild rík­is­lög­reglu­stjóra á upp­lýs­inga­fund­inum í dag. „Það er ekk­ert hættu­m­inna að gera þetta heima hjá sér en inni á hár­greiðslu­stof­unn­i. Við verðum bara að vera með ljóta hár­greiðslu næstu vik­urn­ar. Við verðum að lifa með því.“

Víðir minnti á að fólk í sótt­kví mætti fara út að ganga en ­þyrfti að gæta þess að halda 2 metra fjar­lægð milli sín og ann­arra veg­far­enda. En hann árétt­aði að fólk í sótt­kví mætti ekki fara í versl­anir eða annað slíkt. „Við erum að fá allt of mikið af til­kynn­ingum um fólk í sótt­kví sem er að fara í versl­an­ir. Þó að þú reynir að halda tveggja metra fjar­lægð þá er það ekki ­leyfi­leg­t.“

Víðir minnti einnig á að ekki fleiri en tutt­ugu mættu vera á hverjum vinnu­stað sam­kvæmt hertu regl­unum og að allir yrðu að gæta þess að halda tveggja metra fjar­lægð frá næsta manni. „Við erum með ágæta rým­is­greind og ágæt í stærð­fræði og kunnum að telja upp á tutt­ug­u.“

Hvað versl­anir varðar benti Víðir á að ef ekki væri lengra en tveir metrar milli afgreiðslu­kassa yrði annar hver kassi að vera lok­að­ur. „Það er ekki flókn­ara en það.“

Versl­anir eiga sam­kvæmt regl­unum að merkja á gólf hvar t­veggja metra línan er. „Og ekki vera að sækja um und­an­þágur fyrir hvað sem er. Þetta sam­komu­bann og þessar tak­mark­anir eru settar í ákveðnum til­gangi, til að verja líf. Við sjáum stöð­una á gjör­gæsl­unni núna, við sjáum stöð­una á Land­spít­al­an­um. Og þetta er ástæðan fyrir því að við erum að fara í þetta. Verið ekki að sækja um und­an­þágur fyrir starf­semi sem getur beð­ið.“

Víðir sagði að öllum ætti að vera full­kunn­ugt um að margt í sam­fé­lag­inu lægi niður að stóru leyti. „Það mun leggj­ast ennþá meira niður á næst­unni. Við verðum bara að aðlaga okkur að því ástandi. Það kemur betri tíð, það kemur sum­ar. Vinnum þetta saman þangað til.“