Þórólfur Guðna­son sótt­varna­læknir sagði frá því á upp­lýs­inga­fundi almanna­varna í dag að 21 pró­sent sýna sem tekin hefðu verið á sýkla- og veiru­fræði­deild Land­spít­al­ans síð­asta sól­ar­hring­inn hafi reynst jákvæð. Að­eins 1 pró­sent sýna sem tekin voru á sama tíma­bili hjá Íslenskri erfða­grein­ingu vor­u já­kvæð. Helm­ingur allra nýgreindra var þegar í sótt­kví.

Stað­fest smit eru nú 890. Átján sjúk­lingar liggja á Land­spít­al­anum vegna COVID-19 og sex eru á gjör­gæslu­deild og allir eru þeir í önd­un­ar­vél. Í heild hafa 97 náð bata.

Rúm­lega þrettán þús­und sýni hafa verið tekin hér á land­i ­vegna nýju kór­ónu­veirunnar eða af um 4% íslensku þjóð­ar­inn­ar. Þá eru yfir tíu ­þús­und manns, um 3 pró­sent þjóð­ar­inn­ar, í sótt­kví.

„Svo við ljúkum pinna­mál­inu mikla,“ sagði Þórólfur á fund­in­um, „þá er ekki skortur á pinn­um“. Einnig væri staða hlífð­ar­bún­aðar í land­inu góð. Gengið hafi nokkuð á þær birgðir en fyr­ir­sjá­an­legur skortur er þó ekki sjá­an­legur og unnið er að því að útvega meiri birgð­ir. Sömu sögu væri að ­segja með lyfja­birgð­ir, engar vís­bend­ingar væru um yfir­vof­andi skort.

Fjórar vikur eru í dag frá því að fyrsta til­fellið af COVID-19 greind­ist hér á landi. Þórólfur sagði að nú værum við lík­lega hálfnuð „í þessu lang­hlaupi sem við eigum fyrir hönd­um“.

Hann benti á að far­ald­ur­inn væri enn í vexti hér á land­i, ekki mjög hröðum „en við eigum enn eftir að ná hápunkt­in­um“.

Fjórar vikur frá fyrsta smiti

Þegar litið væri um öxl væri hægt að full­yrða að þær að­gerðir sem gripið hefði verið til hér hefðu skilað árangri. Það komi m.a. ber­sýni­lega í ljós þegar litið er til þess hversu mörg nýrra smita grein­ist hjá ­fólki sem er þegar í sótt­kví.

­Bú­ast má við að far­aldr­inum ljúki í maí og þá vaknar sú ­spurn­ing hvort að önnur bylgja komi síð­ar. Þórólfur sagði að rann­saka þyrft­i hversu margir Íslend­ingar hefði smit­ast þegar að því kem­ur. „Við eigum enn eftir að ná toppnum og getum búist við að sjá aukn­ingu á greindum til­fellum á næst­unni en von­andi mun það fylgja þeirri spá sem gefin hefur verið út.“

Brýndi hann fyrir fólki að virða sam­komu­bannið og búa sig undir að það verði fram­lengt. Það muni skýr­ast á næstu dögum eftir því hvern­ig far­ald­ur­inn þró­ast. Þá minnti hann fólk á að sýna þol­in­mæði, umburð­ar­lyndi og já­kvæðn­i.“