Íbúi á hjúkr­un­ar­heim­il­inu Bergi í Bol­ung­ar­vík lést í gær úr COVID-19. Þetta kemur fram í til­kynn­ingu frá Heil­brigð­is­stofnun Vest­fjarða. Sex manns hafa nú lát­ist eftir að hafa smit­ast af sjúk­dómnum hér á landi.

Á vest­firska vef­miðl­in­um Bæj­ar­ins besta segir að mað­ur­inn sem lést hafi heitið Gunn­steinn Svavar Sig­urðs­son. Hann var fæddur árið 1938.

Tveir íbúar á Bergi til við­bótar eru sýktir af sjúk­dómnum og þrír eru í ein­angrun og bíða nið­ur­stöðu úr sýna­töku. Fimm íbúar á hjúkr­un­ar­heim­il­inu eru í sótt­kví án ein­kenna.

Meiri­hluti fastra starfs­manna á hjúkr­un­ar­heim­il­inu eru í ein­angr­un, þar af fimm með stað­fest smit. Aðrir fastir starfs­menn utan þriggja eru í sótt­kví og er heim­il­inu því sinnt nær ein­göngu af fólki úr bak­varða­sveit eða öðrum deildum stofn­un­ar­inn­ar, sam­kvæmt til­kynn­ingu heil­brigð­is­stofn­un­ar­inn­ar.

Óskað hefur verið eftir bæði sjúkra­liðum og hjúkr­un­ar­fræð­ingum úr öðrum lands­hlutum til starfa á hjúkr­un­ar­heim­il­inu og einnig á bráða­deild Heil­brigð­is­stofn­unar Vest­fjarða. 

Slíkur liðs­afli hefur þegar borist úr bak­varða­sveit og von er á fleirum með þyrlu Land­helg­is­gæsl­unnar seinna í dag, ef veður leyf­ir.

„Heil­brigð­is­stofnun Vest­fjarða vottar aðstand­endum sam­úð. Starf­mönnum og heim­il­is­fólki óskum við skjóts bata og sam­fé­lag­inu þökkum við aðstoð og vel­vilja. Einnig þökkum við fólki sem boð­ist hefur til starfa á stofn­un­inni sem hluti af bak­varða­sveit,“ segir í til­kynn­ingu stofn­un­ar­inn­ar.