Alls 38.600 einstaklingar á atvinnuleysiskrá í lok mars

Atvinnuleysi í mars mældist 9,2 prósent í marsmánuði. Hluti þeirra sem eru á atvinnuleysisskrá eru án atvinnu en fjölmargir eru líka á hlutabótum, og reiknast inn í atvinnuleysishlutfallið. Búist er við því að 6.500 fyrirtæki nýti sér hlutabótaleiðina.

Ritstjórn Kjarnans 17. apríl 2020

Flestir sem eru án atvinnu eða á hlutabótum störfuðu áður í ferðaþjónustu.

Samtals reiknaðist atvinnuleysi á Íslandi 9,2 prósent í marsmánuði og jókst um fimm prósentustig milli mánaða. Atvinnuleysi vegna almennra umsókna um atvinnuleysisbætur fór í 5,7 prósent en að auki jókst heildaratvinnuleysið um 3,5 prósentustig vegna þeirra sem sóttu um hlutabætur vegna minnkaðs starfshlutfalls. Samtals voru um 38.600 einstaklingar á atvinnuleysisskrá í lok mars, þar af um 24.400 í minnkuðu starfshlutfalli og ríflega 14.200 manns að auki á almennum atvinnuleysisbótum.

Þetta kemur fram í skýrslu um vinnumarkaðinn á Íslandi frá Vinnumálastofnun sem birt var í dag.

Þar segir að staðan á vinnumarkaði hafi gjörbreyst í marsmánuði sökum þeirra takmarkana sem farið var að setja á öll samskipti fólks samhliða útbreiðslu COVID-19 faraldursins frá lokum febrúar. „Einkum kom þetta illa niður á fyrirtækjum tengt flugsamgöngum og ferðaþjónustu þar sem komur erlendra ferðamanna lögðust nánast af þegar líða tók á mars og sama er að segja um ferðalög Íslendinga innanlands sem utan. Almennt atvinnuleysi fór vaxandi strax framan af marsmánuði, en einkum þó þegar líða tók á marsmánuð.“

Í mars tóku auk þess gildi lög um minnkað starfshlutfall sem heimiluðu að starfshlutfall launafólks yrði fært niður í allt að 25 prósent starf á móti greiðslum atvinnuleysisbóta sem námu þá allt að 75 prósent hlutfalli á móti launum. Þau lög gilda sem stendur til 1. júní en fastlega er búist við því að þau verði framlengd.

Í skýrslunni segir að um 5.200 fyrirtæki hafi nýtt sér þennan möguleika fyrir samtals um 24.400 einstaklinga í marsmánuði. Auk þess sé gert ráð fyrir að allt að 6.500 fyrirtæki muni nýta sér þetta í allt á því tímabili sem hlutabótaleiðin er heimil, fyrir nálægt 35.000 launþega.

Atvinnuleysi í apríl mun verða allt að 17 prósent, samkvæmt spá Vinnumálastofnunar sem greint var frá á RÚV í gær. Inni í þeim tölum eru þeir sem hafa sótt um hlutabætur. Gangi sú spá eftir verður það langmesta atvinnuleysi sem mælst hefur á Íslandi.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 395 Færslan birtist fyrst: 17. apríl 2020, kl. 12:59