Stjórn Efl­ingar hefur lýst yfir von­brigðum með aðgerða­pakka vegna COVID-19 far­ald­urs­ins sem stjórn­völd kynntu í gær. Þetta kemur fram í til­kynn­ingu frá stétt­ar­fé­lag­inu í dag.

Þá telur Efl­ing að í pakk­anum sé ekki komið til móts við þær kröfur sem verka­lýðs­hreyf­ingin hefur sett fram, sér­stak­lega varð­andi vernd ýmissa hópa sem hafa orðið útundan í fyrri aðgerða­pakka.

Fram kemur að stjórn Efl­ingar hafi vakið athygli á stöðu slíkra hópa í ályktun frá 7. apríl síð­ast­liðn­um, til dæmis þeirra sem eru í 45 pró­sent starfs­hlut­falli eða minna og for­eldra sem neyð­ast til að missa úr vinnu vegna skertrar opn­unar skóla. ASÍ og BSRB hafi enn fremur talað skýrt til stjórn­valda varð­andi þessa hópa og það sé miður að „það sé fyrir daufum eyr­um“.

­Stjórn Efl­ingar minnir einnig á að vegna stór­auk­ins atvinnu­leysis þurfi að aðlaga hefð­bundnar atvinnu­leys­is­bæt­ur. Stjórn minnir á fyrri ályktun þar sem kallað hafi verið eftir hækkun á atvinnu­leys­is­bótum og rýmkun skil­mála, sér í lagi að grunnatvinnu­leys­is­bætur verði hækk­að­ar, hlut­fall tekju­teng­ingar hækk­að, tíma­bil á tekju­tengdum bótum lengt og tveggja vikna bið­tími á grunnatvinnu­leys­is­bótum áður en tekju­tengdar bætur taka við afnum­inn.

Stjórn Efl­ingar fagnar bón­us­greiðslum til fram­línu­starfs­manna. „Mik­il­vægt er að ómissandi Efl­ing­ar­starfs­menn sem starfa í fram­línu þrifa, aðhlynn­ingar og umönn­unar gleym­ist ekki við úthlutun þessa bón­uss. Slíkt væri ólíð­andi órétt­læt­i,“ segir í til­kynn­ing­unni.